Actividades

16/Maio/2024 Co gallo das Letras Galegas 2024 celebramos no centro unha xornada de xogos tradicionais. Organizado polo profesor de Educación Física Horacio, e levado a cabo, na súa totalidade, polo alumnado de 1º de bacharelato. Estas actividades están incluidas no programa CPInclúe para favorecer a convivencia positiva e a igualdade na comunidade escolar. Pasámolo estupendamente, moitas gracias por un traballo tan ben feito!

O Instituto Galego de Física de Altas Enerxías (IGFAE) da USC e o Centro de Supercomputación de Galicia (CESGA) ofreceu este venres 12 de abril de 10.00 a 14.00 horas unha Masterclass Internacional de Computación Cuántica na sede do CESGA, na que participou alumnado de Bacharelato de centros educativos de Santiago e a súa contorna.

Alexandru Gabriel Cocean e Christian Varela Docampo foron os afortunados do IES Ordes en participar nesta actividade, xunto co profesor Manuel del Río. Mirade coma desfrutaron!

Os pasados 11 e 12 de xaneiro de 2024 estiveron no noso centro o IES Ordes as profesoras Mariangela e Rita, do IIS Parmenide, un instituto situado en Roccadaspide, na zona de Salerno, no sur de Italia.  Esta estancia  forma parte dunha visita preparatoria das dúas profesoras para organizar a viaxe que van a facer ao noso centro 6 alumnos/as e 2 profesores/as do seu instituto, do 5 ao 11 de maio, dentro do seu proxecto Three little habits. A finalidade deste proxecto é fomentar a práctica deportiva, a dieta saudable, a inclusión e os intercambios dixitais.

 Actividade para o  alumnado de 1º de bacharelato da materia de bioloxía, xeoloxía e ciencias ambientais do IES de Ordes.