Actividades

O xoves 11, o equipo portugués xunto co noso alumnado de 3º ESO fixeron unha visita á cidade da Coruña centrada na vida e obra de Isabel Zendal. E o venres 12, participaron nunha xincana (un xogo de pistas) sobre as vacinas no patio do instituto; despois presentaron noticias sobre as vacinas, rematando esta mobilidade coa entrega de certificacións de asistencia.

O domingo 7 chegou a Ordes o profesorado e alumnado do centro Agrupamento de Escolas Latino Coelho, de Lamego, que vai a pasar esta semana con nós realizando distintas actividades relacionadas co seu proxecto "Vaccines then and now".

O pasado 15 de febreiro, o noso alumnado de 1º, 2º e 3º da ESO puideron asistir na Casa da Cultura de Ordes a unha obra de teatro en inglés, “Three stories of England”, a cargo da compañía de teatro Theatre4schools. A continuación, despois do recreo, foi a quenda do alumnado de 4º da ESO, 1º de bacharelato e 1º CM de Xestión Administrativa, que puideron presenciar a obra “Finding Romeo and Juliet”. En ámbolos dous casos, tanto alumnado como profesorado quedou moi satisfeito coas representacións (pola súa dicción en inglés, preparación da obra e empatía co público; e algún alumnado noso de 1º ESO tamén puido actuar). Esperamos poder repetir a experiencia no futuro.

No día 29 de abril, o profesor de Portugués da EOI de Santiago de Compostela, Valentim Fagim, mantivo un encontro  co alumnado de 2º bacharelato de Portugués, 2ª Lingua Estranxeira. A intención da visita era animal@s para seguiren co estudo do portugués cando sigan cos seus estudos universitarios, para non desaproveitaren uns coñecementos adquiridos que, ademais, serven de reforzo e mellora da súa lingua galega .