Saídas Didácticas
PARTICIPACIÓN NO PROXECTO CINED
O alumnado de 3º de ESO participa neste curso 2016-17 no proxecto CinEd , baixo a coordinación do CGAI ( Centro Galego de Artes da Imaxe) e integrado no plan PROXECTA ( iniciativa da Consellería de Educación destinada a fomentar a innovación educativa nos centros) .
CinED está impulsado e coordinado en España por A Bao A Qu e liderado polo Institut français (París) en cooperación coa Cinémathèque Française, o proxecto pretende aproximar o cine aos mozos e mozas en idade escolar, para espertar neles a curiosidade por produtos cinematográficos de recoñecida calidade aínda que non sempre dentro das coordenadas do cine comercial. Trátase dunha oportunidade que se lles ofrece aos rapaces para descubriren o cine europeo, coñecelo e gozalo, xa que sobre as películas escollidas se realizan traballos desde diferentes áreas. )
O alumnado asistirá á proxección das versións orixinais das películas El espíritu de la colmena, de Víctor Erice , En construcción, de José Luis Guerin e l posto , de Ermanno Olmi . Despois da visualización haberá un coloquio dirixido por persoas especializadas e posteriormente traballarase desde as materias de Educación Plástica e Visual e de Lingua Galega e Literatura. O proxecto ofréce o blog CinEd para compartir experiencias e impresións na que o noso alumnado colaborará cos seus traballos.
TEATRO!!
O alumnado de primeiro e segundo de ESO foi hoxe ao Ágora para ver a obra teatral Kassa, da Compañía Elefante Elegante.
Se queredes máis información, mirade no blog do departamento:
DON QUIXOTE GASTRONÓMICO
O pasado venres 4 de decembro, o alumnado de primeiro ciclo gozou do teatro no Fórum Metropolitano: Don Quixote gastronómico.
Alonso, cociñeiro, comeza a preparar unha demostración culinaria sobre as bondades da dieta mediterránea. O prato escollido é a Potaxe de vixilia... O mesmo que lle ofreceron a Don Quixote na súa primeira saída antes de ser armado cabaleiro andante. Alonso converterase en Quixote mentres prepara ese saboroso prato. Un xogo teatral e gastronómico no que o humor e tolemia de Don Quixote se encarnarán no corpo de Alonso dando lugar a un espectáculo áxil, saboroso e nutritivo.
TEATRO PARA PRIMEIRO CICLO
O alumnado de primeiro ciclo disfrutou o venres 10 de abril do espectáculo "Heian" no Centro Ágora. "Heian" é unha proposta multidisciplinar onde música en vivo, danza acrobática e circo se fusionan para ofrecer ao espectador unha proposta cargada de forza e sensibilidade. "Heian" significa en xaponés Paz e Tranquilidade.
Ao remate da obra, o alumnado realizou unha visita guiada á biblioteca do Centro Ágora.
TEATRO PARA SEGUNDO CICLO
TEATRO PARA SEGUNDO CICLO
GENERACIÓN DEL 27
Para conmemorar o Día Mundial da Poesía (21 de marzo) e o Día Mundial do Teatro (27 de marzo), o alumnado de segundo ciclo da ESO presenciou hoxe o espectáculo de Ricardo Frazer, "Generación del 27" na Casa da Cultura de Sada.
No espectáculo, e tendo como fío condutor a Salvador Dalí, Ricardo Frazer fai un repaso poético por algunhas das figuras máis destacadas vinculadas a esta xeración.
EL BUSCÓN
O alumnado de segundo ciclo da ESO tivo este venres a oportunidade de disfrutar da adaptación de El Buscón, de Francisco de Quevedo, que a compañía Arte Promociones presentou no Fórum Metropolitano.
"O Buscón don Pablos, que interpreta Jacobo Dicenta, é o pícaro español, adornado das virtudes e defectos dos que canto antes queren ver solucionada a súa existencia e se encontran, como agora, cos impedimentos derivados da súa baixa extracción social e da súa falta de educación e cultura".
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »