Million Dollar Baby, Clint Eastwood, EEUU, 2004,  

Maggie e Frankie son dous solitarios. Maggie está a piques de cumprir 32 anos e traballa nun triste bar, onde come as sobras dos clientes para aforrar e poder cumprir o seu soño: converterse en boxeadora profesional. Frankie vive atormentado sen conseguir recuperar a relación coa súa filla, a quen hai anos que non ve e que se nega a ler as cartas que lle envía cada semana. Tras ver un combate, Maggie pídelle a Frankie que a adestre, pero este négase en rotundo: non pensa adestrar a unha moza. Non obstante, o tesón, a constancia e a ilusión dela, e sobre todo a mediación de Dupris, o único amigo de Frankie, farán que acabe aceptando. Nacerá entón unha intensa relación de complicidade, admiración e cariño. Pero o destino parece reservarlles un último golpe aos protagonistas                                               .
Coa súa mestría narrativa habitual, unha filmación sobria e delicada, respectuosa cos seus personaxes, e sobre todo cunha fotografía e un traballo de luz extraordinarios, Eastwood constrúe unha emocionante historia de compromiso, amizade e profundo afecto. 

Os alumnos/as de 2º de ESO,realizaron unha saída  consistente na visita a varios monumentos do románico en Santiago de Compostela . Esta actividade,organizada desde o departamento de Historia, tivo  lugar o día 14 de abril  durante os períodos lectivos da mañá.

Paranoid Park, Gus Van Sant. Estados Unidos – Francia,2007. 85 min.
Gus Van Sant narra a historia de Alex, un mozo de quince anos afeccionado ao skate que, por un fatal accidente, mata a un vixilante de seguridade. Alex, incapaz de explicarllo a ninguén, encóntrase sumido nun estado que oscila entre a angustia e a sensación de irrealidade. Este terrible suceso atormentarao e transformará as relacións cos seus colegas e coa súa moza. A partir dese momento, nada terá sentido. Alex sentirase completamente só.

Na súa segunda longametraxe, Kechiche filma os axitados diálogos dos mozos, a súa vida cotiá, os seus malentendidos e esperanzas, o desconcerto de Krimo, a enerxía e a paixón da mocidade, con dúas cámaras DV tan rápidas e áxiles como os diálogos dos seus protagonistas. Planos moi curtos, moi próximos aos personaxes, tomados ao voo. Unha película enérxica, exultante de vida, e un retrato –afastado dos tópicos aos que a televisión e moitas películas nos teñen afeitos– dos mozos das periferias.

 O noso centro participa na edición de 2010 do  festival  A MOCIDADE COA NOSA LINGUA . O certame acolle participantes da diversos institutos.Este ano xuntámonos grupos musicais do IES Manuel Murguía (Arteixo),IES Elviña (A Coruña)IES de Pastoriza (Arteixo), IES Mosteirón (Sada), IES AlfonsoX (Cambre)e o IES David Buján (Cambre)

 Nesta ocasión o noso instituto participa con dous grupos. Por unha parte un grupo de instrumentistas fantástico( Samuel,Miguel , Zeltia e Enrique) formado  este ano baixo a dirección da profesora de música . Interpretarán a peza composta por eles mesmos titulada MOSTEIRóN. Por outro lado está o grupo  DESCOONTROL, xa famoso na contorna, que o ano anterior acadou un honroso segundo lugar no mesmo certame.

Tony Richardson. Reino Unido, 1962. 99 min.
Tom é un mozo de clase obreira que vive nun suburbio de Nottingham. A película relata os seus días nun reformatorio, onde está recluído despois de roubar nunha panadaría. O seu excepcional talento como atleta e a ambición do director do centro, que quere gañar por vez primeira a carreira que se celebra cada ano contra un importante colexio privado, valeranlle o privilexio de gozar dalgúns momentos de “liberdade”: Tom poderá saír a correr só polo bosque.
Nesta emblemática película do “Free Cinema” -o movemento británico de renovación do cine documental e de ficción paralelo á “Nouvelle Vague”-, Tony Richardson retrata a amargura e a enerxía, o rancor e a ousadía, a angustia e o orgullo, dun mozo que encontra na loita e na vinganza contra o sistema a súa forma de levar o peso dunha contorna familiar conflitiva e un pasado que o atormenta (e que o cineasta recolle cun uso intenso e ata frenético do flash-back).