Skip to Content

ADMISIÓN E MATRÍCULA CURSO 2023-2024

Lun, 21/02/2022 - 10:10 — iesmonelos

PRAZO ORDINARIO. ALUMNADO DE CENTROS NON ADSCRITOS E ADSCRITOS SEN PRAZA

Do 1 ao 20 de marzo: solicitude de praza mediante modelo ED550B (alumnado que quedou sen praza na reserva ou alumnado que busca praza nun centro distinto ao de adscrición). Información na páxina da Sede electrónica da Consellería de educación vía on line.

Lugar: centro no que se quere matricular ao alumnado o curso próximo (horario no IES Monelos: de 09:00 a 14:00)  ou na sede electrónica da Xunta de Galicia vía on line.

Antes do 25 de abril: listaxes provisionais de persoas admitidas e non admitidas.

As listaxes de admitidos no proceso de reserva deben comprobarse na aplicación de admisión ou no taboleiro de anuncios do centro de ensino de orixe e/ou de admisión.

Antes do 15 de maio: listaxes definitivas de persoas admitidas e non admitidas.

As listaxes de admitidos no proceso de reserva deben comprobarse na aplicación de admisión ou no taboleiro de anuncios do centro de ensino de orixe e/ou de admisión.

 

Proceso de baremación

Se houbese máis solicitudes que prazas dispoñibles, será necesario baremar as solicitudes. Os criterios de baremación son os indicados no Artigo 20 da Orde de 12 de marzo de 2013.

 Criterio complementario do centro (art. 28 da Orde de 12 de marzo de 2013): aquí

Mapas coas zonas de influencia

- Alumnado ESO: área 16

- Alumnado Bacharelato: áreas 16 e 24

Información adicional:

1. Cada alumno/a só pode presentar unha única solicitude de admisión para o centro no que desexe praza. De presentar máis dunha solicitude en varios centros perderá todo dereito de prioridade que puidese corresponderlle en calquera deles.

 

2. O alumnado que teña reserva de praza concedida en centro adscrito, deberá comunicar por escrito a este centro a súa renuncia no caso de que desexe presentar solicitude de admisión para outro centro. Esta renuncia deberá facela antes de que comece o prazo de admisión (1 de marzo).

 

3. O alumnado que teña garantía de permanencia nun centro (porque forma parte de el e pode continuar alí os seus estudos), deberá dar comunicación neste centro se presenta solicitude de admisión para outro centro.

PRAZOS DE MATRÍCULA

Do 23 DE XUÑO AO 7 DE XULLO: matrícula en ESO e Bacharelato. Instrucións para a matrícula (PRÓXIMAMENTE)

 

Lugar: centro no que se quere matricular ao alumnado o curso próximo.

NORMATIVA


Preme na imaxe

XXIX XORNADAS DE ORIENTACIÓN UNIVERSITARIA E PROFESIONAL (XOUP)

Mér, 08/03/2023 - 11:08 — iesmonelos


Estas xornadas organízanas o Concello da Coruña e a Universidade da Coruña para dar a coñecer os estudos universitarios impartidos nas tres universidades públicas de Galicia (UDC, USC e UVIGO), os Estudos Superiores de deseño e Arte dramático que se imparten nas EASD de Galicia, así como os ciclos de Formación Profesional que se ofertan nos centros públicos da Coruña.

  • Do 20 ao 24 de marzo: presentación dos estudos universitarios na Escola Técnica Superior de Enxeñaría de Camiños, Canles e Portos (Campus de Elviña). Tamén haberá unha mesa sobre os estudos militares e de policía.
  • Do 27 ao 30 de marzo: visitas aos centros públicos de FP da cidade para coñecer a oferta de ciclos formativos.
  • O 30 de marzo: presentación dos Estudos Superiores de Deseño, Arte dramática e Restauración na EASD Pablo Picasso.

INSCRICIÓN  
                           
A solicitude en liña faráa directamente a persoa interesada en acudir ás xornadas a través desta da ficha de inscrición que figura neste enlace https://edu.coruna.gal/coruna_educa_familias/xoup_2023/ indicando o centro educativo ao que pertence, as mesas e visitas ás que quere acudir, así como os seus datos persoais.
Unha vez feita a solicitude, a aplicación elabora un pdf confirmando a inscrición, no que se incorpora a credencial de acceso ás XOUP. Este PDF envíase ao correo electrónico indicado no formulario.

PRAZO

 ACCESO ÁS XORNADAS

O alumnado ten que presentar a credencial correspondente para poder acceder ás XOUP.A organización pode solicitar que a persoa asistente acredite a súa identidade cun documento oficial.
As sesións das mesas universitarias publicaranse a posteriori na canle de Youtube: @CorunaEducaMemoria
Durante a semana do 20 ao 24 de marzo haberá un punto informativo na sede das XOUP atendido por persoal da Rede Municipal de Información Xuvenil e do Servizo de Estudantes da UDC

MÁIS INFORMACIÓN:

-DEPARTAMENTO ORIENTACIÓN

PROCESO ADMISIÓN ALUMNADO DE NOVO INGRESO NON PROCEDENTE DE CENTROS ADSCRITOS – CURSO 2023/2024

Xov, 23/02/2023 - 13:17 — iesmonelos

NORMATIVA REGULADORA DO PROCEDEMENTO

– DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

– Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

POSTOS ESCOLARES OFERTADOS POR NIVEL E ETAPA PARA ALUMNADO DE NOVO INGRESO NON PROCEDENTE DE CENTROS ADSCRITOS.

Vacantes previstas para o curso 2023-24. Ver

O PRAZO DE PRESENTACIÓN DAS SOLICITUDES DE ADMISIÓN (ED550B) COMPRENDE ENTRE O 1 E O 20 DE MARZO DE 2023 (AMBOS INCLUÍDOS).

 

AXUDASLE - AXUDAS PARA A REALIZACIÓN DE ACTIVIDADES DE FORMACIÓN EN LINGUAS ESTRANXEIRAS NO ANO 2023

Mar, 14/02/2023 - 08:41 — iesmonelos

Prazo de solicitudes aberto dende o 14 de FEBREIRO ata o 13 de MARZO (incluído)

A Consellería de Cultura, Educación, Formación Profesional e Universidades convoca 643 axudas para realizar actividades de formación en linguas estranxeiras no ano 2023, que se distribuirán do seguinte modo:

- 491 axudas para alumnado de cota de reserva - Guía confirmación praza para alumnado de cota reserva

- 152 axudas para alumnado de cota xeral - Guía solicitude praza para alumnado de cota xeral

Para obter información ampliada sobre a convocatoria pode consultar os seguintes arquivos:

Cartel informativo

Acceso ao texto da Orde de convocatoria

Preguntas frecuentes

Prazos a simple vista

IDIOMAS DO MUNDO 2023

Mér, 01/02/2023 - 20:35 — iesmonelos

Xa está aberto o prazo de inscrición para as solicitudes de participación no programa Idiomas do Mundo 2023, que lle ofrece a oportunidade ao alumnado que cursa 1.º de bacharelato o presente curso 2022-23 de realizar unha actividade de inmersión lingüística no verán para mellorar a súa competencia en idiomas estranxeiros. O prazo remata o 7 de febreiro

A convocatoria establece un mínimo de dez estancias durante catro semanas, preferentemente no mes de xullo, en Irlanda, Francia e Portugal, para polo menos un total de trinta entre os tres destinos.

Máis información aquí

Probas de acceso a ciclos formativos de grao medio e superior

Mér, 25/01/2023 - 08:20 — iesmonelos

Están convocadas as probas de acceso a ciclos formativos de grao medio e superior para o ano 2023

 

Prazo de inscrición:

GRAO MEDIO- 27 febreiro – 10 marzo

GRAO SUPERIOR- 23 xaneiro -3 febreiro

 

A convocatoria pódese consultar no DEPARTAMENTO DE ORIENTACIÓN  e tamén nas páxinas:

http://www.edu.xunta.es/fp/acceso-grao-medio

http://www.edu.xunta.es/fp/acceso-grao-superior

Concurso de Ciberseguridade no Cole

Lun, 24/10/2022 - 11:06 — iesmonelos

O grupo de 1º de ESO A pasou á final do Concurso de Ciberseguridade no Cole!, presentado por Esther Estévez (presentadora do Programa “DígochoEu” de TVG) e que terá lugar o próximo 10 de novembro de 2022 no II Encontro CIBER.gal. 

 

O grupo concursará representado por 2 alumnos acompañados por un profesor, e poderá asistir a presenciar o concurso toda a clase.

Parabéns!

CHEQUES MATERIAL ESCOLAR

Lun, 17/10/2022 - 10:10 — iesmonelos

Os beneficiarios do vale para material escolar da Xunta poderán recoller o cheque adicional de 25 euros en horario de secretaría de 9:00 a 13:30. Deberá de ser canxeado no establecemento elexido antes do 1 de decembro.

How much do you know about British culture?

Lun, 26/09/2022 - 10:06 — iesmonelos

A semana pasada recibimos a visita de Damien Sheehy, da Editorial Burlington, que impartíu unhas clases sobre cultura británica para alumnos de 1º, 2º e 3º de ESO. Foron unhas sesións moi emocionantes nas que o alumnado puxo a proba os seus coñecementos e participou moi activamente. Grazas, Damien, por estas interesantes xornadas!

BECAS AMANCIO ORTEGA CURSO 2022-2023 - ALUMNADO DE 4º DE ESO

Ven, 23/09/2022 - 20:24 — iesmonelos

Distribuir contido


by Dr. Radut