Xa está aberto o prazo de inscrición para as solicitudes de participación no programa Idiomas do Mundo 2023, que lle ofrece a oportunidade ao alumnado que cursa 1.º de bacharelato o presente curso 2022-23 de realizar unha actividade de inmersión lingüística no verán para mellorar a súa competencia en idiomas estranxeiros. O prazo remata o 7 de febreiro

A convocatoria establece un mínimo de dez estancias durante catro semanas, preferentemente no mes de xullo, en Irlanda, Francia e Portugal, para polo menos un total de trinta entre os tres destinos.

Máis información aquí

O grupo de 1º de ESO A pasou á final do Concurso de Ciberseguridade no Cole!, presentado por Esther Estévez (presentadora do Programa “DígochoEu” de TVG) e que terá lugar o próximo 10 de novembro de 2022 no II Encontro CIBER.gal. 

O grupo concursará representado por 2 alumnos acompañados por un profesor, e poderá asistir a presenciar o concurso toda a clase.

Parabéns!

A alcaldesa da Coruña, Inés Rey, recibiu onte aos 14 alumnas e alumnos pertencentes a centros educativos da Coruña que obtiveron os mellores expedientes ABAU.

Os nosos alumnos Marta Justo Brañas e Pablo Fernández Rivas (a súa nai na súa representación) asistiron ao acto acompañados da profesora Ana María Rúa Peón.

Inés Rey: "Nunca perdades a ilusión e a cultura do esforzo, fundamentais para o noso día a día. As nenas e nenos terán en vós un inmellorable espello no que mirarse".