Día 1

Dous profesores do departamento de administrativo realizamos unha Job Shadowing en Finlandia do 2 ao 6 de Maio.

No noso primeiro día en KSAO KOUVOLAN, fomos recibidos pola nosa titora Marja. Unha vez feitas as presentacións,  tivemos a oportunidade de asistir a unha clase na que unha parte do alumnado se atopaba nas súas casas e a outra parte nas aulas. 

O traballo que levaban a cabo era a presentación dun pequeno proxecto sobre distintas empresas finlandesas que deberían expoñer ao resto da clase empregando a ferramenta Microsoft Teams. Deste xeito, os alumnos, a parte de aprender os contidos propios da materia, familiarízanse co emprego das novas tecnoloxías tanto no ámbito educativo como laboral.

Os alumnos empregan, practicamente, o mesmo tipo de aplicacións que no noso centro educativo, si ben puidemos comprobar que a principal diferencia é a ausencia total de papel nas aulas (libro dixital) e que os profesores contan con ferramentas (aula virtual) moi desenroladas para poder levar a cabo a súa labor docente.

As características das aulas son case idénticas ás nosas, agás pola distribución do alumnado nas mesmas, e os alumnos gozan de amplía autonomía á hora de realizar as tarefas asignadas.

Habería moitas cousas que destacar, pero unha das máis importantes sería o nivel de equipamento do centro educativo e a organización do mesmo.

Día 2

A segunda xornada comezou asistindo a unha clase de  Atención ao Cliente de formación profesional básica en finlandés. Os alumnos, presentan unhas características moi similares aos que estudan ese nivel educativo no noso centro. Principalmente a desmotivación, emprego de teléfonos móbiles, etc. A principal diferencia radica na individualización dos estudios, polo que os alumnos teñen máis capacidade de elixir aquelas asignaturas que prefiren para acadar a titulación final.

A ensinanza é obrigatoria ata os 18 anos e a implicación dos pais na educación dos seus fillos moito maior, tendo en conta que a profesión docente é unha das máis valoradas e respectadas en Finlandia, polo que as indicacións dos profesores téñense moi en conta á hora de tomar decisións.

Tamén puidemos acompañalos a unha empresa local, concretamente a un restaurante, a firmar contratos de prácticas dun dos alumnos. O profesor, alumno e encargado do negocio, acordan as condicións nas que se levará a cabo ese período de prácticas e firma os convenios a tal efecto no momento electronicamente unha vez acordadas as condicións.

Esta labor é moi similar á que se realiza nos nosos centros de formación profesional e moitos dos alumnos teñen a oportunidade de continuar traballando na empresa asignada unha vez rematado o período de prácticas.

Día 3

Recibiunos a coordinadora Erasmus, explicounos como funciona o seu sistema educativo.

Intercambiamos impresións sobre a mobilidade de alumnos e profesores para poder realizar algún intercambio no vindeiro curso.

Ofrecéronse a buscar empresas por Koulova para o noso alumnado de ciclos formativos que quixera ir facer o período de FCT a Finlandia e nosoutros tamén buscamos a nosa dispoñibilidade para buscar empresas pola Mariña para o alumnos finlandeses que queiran facer prácticas en Galicia.

Ademais, a nosa titora e a coordinadora Erasmus están interesadas en visitarnos o vindeiro curso e coñecer de primeira man o sistema educativo español. 

Día 4

Asistimos a unha clase de contabilidade en finlandés. Toda a contabilidade a realizan por ordenador, non usan papel.

Posteriormente, unha profesora de turismo, que falaba español levounos de visita pola empresas que tiñan alumnos en prácticas.

Visitamos un antigo complexo industrial reconvertido en galería de arte, espazo de creatividade e deseño.

E tamén un libraría/cafetería que contaba con espazo para actuacións en directo e almacenaxe de libros.

Día 5

Coa nosa titora Marja acudimos a unha clase de atención al cliente en inglés. Os alumnos e alumnas interactúan en lingua inglesa, facendo actividades e preguntas. Por suposto, tamén empregan o finés para o desenvolvemento da clase. Deste xeito, impartindo módulos bilingües os alumnos e alumnas nunha porcentaxe moi alta son capaces de comunicarse en inglés ao final do curso.

En resumen, foi unha experiencia marabillosa, conocer a cultura e educación de Finlandia, ver a súa forma de traballar e coller ideas para poder implantar no noso centro. Sen dúbida, unha experiencia que todo profesor debería vivir.

 Pincha na icona para acceder ao Instagram do Departamento de Administrativo.

Mateo Rubal Fanego, alumno do noso centro, foi elixido este sábado o mellor soldador de España nas olimpíadas de Formación Profesional, Spainskills 2022, celebradas dende o 23 ao 25 de marzo no Ifema de Madrid.

Na categoría de Soldadura competían 14 alumnos en total. A peza feita por Mateo foi a única peza dos 14 competidores que superou con éxito a proba de estanqueidade, conseguindo así a medalla de ouro en soldadura.

Parabéns a Mateo e ao seu titor Eliseo Maseda.

O pasado 15 de decembro de 2020 tivo lugar no taller de Soldadura e Caldeiraría do IES María Sarmiento a presentación do proxecto "Programación dun Robot de Soldadura", que contou desde o seu inicio co apoio da Fundación Alcoa.

A automatización, cada vez maior, da industria en xeral e do sector metal-mecánico en particular, outórgalle a este proxecto unha importancia destacada, permitinto que o alumnado reciba unha formación punteira acorde aos avances tecnolóxicos e aumentando as súas posibilidades de inserción laboral. Ademais, deste proxecto poderá beneficiarse, cando menos, o alumnado dos vindeiros 12 ou 15 anos.

Este equipamento complementa o equipo de corte (Plasma CNC), proxecto que tamén promoveu a Fundación Alcoa fai uns anos.

Queres coñecer da man dos nosos compañeiros en que consiste o Ciclo Medio de Soldadura e Caldeiraría? Pincha no seguinte vídeo:

Actualmente no IES María Sarmiento impártense o ciclo medio Soldadura e caldeiraría.

Premendo na ligazón anterior accédese á seguinte información:

Que se aprende a facer?

En que ámbitos se traballa?

Que ocupacións se desempeñan?

Cales son os módulos do ciclo?

Que título se obtén?

A que outros estudos se pode acceder?

Actualmente no IES María Sarmiento impártense o ciclo básico Servizos administrativos, o ciclo medio Xestión administrativa (en réxime ordinario e de adultos) e o ciclo superior Administración e finanzas.

Premendo en cada unha das ligazóns anteriores accédese á seguinte información:

Que se aprende a facer?

En que ámbitos se traballa?

Que ocupacións se desempeñan?

Cales son os módulos do ciclo?

Que título se obtén?

A que outros estudos se pode acceder?

A través da Fundación Alcoa o IES María Sarmiento conta cunha máquina de corte de metais por plasma. A dita máquina é un complemento ideal para a formación do alumnado do ciclo medio de Soldadura e Caleiraría xa que permite ao alumnado aprender a programar de forma autónoma equipos automáticos utilizando as novas tecnoloxías de soldadura mediante control numérico por computadora.

Nas seguintes ligazóns pódese ver a repercusión na prensa

La Voz de Galicia

El Progreso

Youtube

Nos arquivos adxuntos podemos ver algunha fotos da máquina nas instalacións do departamento.