A historia de Liesel (a ladroa de libros) trancurre nos anos da 2ª Guerra Mundial (1939-1945) na que se enfrontan, por unha banda, Alemania, Italia e Xapón, contra os países aliados, principalmente Gran Bretaña, Francia, Unión Soviética e EEUU. A protagonista do noso libro vive na Alemania nazi e o seu caso é un dos moitos que se deron nestes anos: un pai perseguido e eliminado por comunista e unha nai que non pode facerse cargo dos seus dous fillos e ten que entregalos en acollida a unha familia (Rosa e Hans Hubermann) que vive nunha pequena vila onde podan estar máis seguros; este era un recurso moi frecuente tanto no bando alemán como no aliado, nesta e noutras guerras do século XX (tamén na Guerra Civil española), sacar os nenos das cidades para que non sexan vítimas dos bombardeos. Neste senso hai que sinalar que a Segunda Guerra Mundial é o primeiro conflito no que a aviación xoga un papel decisivo; os avións sobrevoan as cidades e deixan caer sobre elas milleiros de bombas que non distinguen entre civís e militares, de feito, dos 50 millóns de mortos que provoca esta contenda, a meirande parte son vítimas civís; Londres, Coventry, Colonia, Hiroshima, Nagasaki,..., son exemplos de cidades arrasadas polas bombas lanzadas dende os avións; no futuro todas as guerras responderán a este patrón. Neste contexto era lóxico que as familias non dubidaran en separarse dos seus fillos para levalos a un lugar máis seguro. Se tendes lido o libro Crónicas de Narnia, ou se víchedes a película, comprobaredes que conta a historia de dous irmáns que marchan de Londres para residir no campo cunha familia que os acolle (o mesmo conto pero dende o outro bando), pronto colgaremos imaxes auténticas de rapaces collendo o tren e despedíndose das súas familias.

O libro ten o mérito de narrar o gran disparate que resultou ser o Nazismo non dende a perspectiva dos grandes personaxes, que aparecen citados nel con nomes e apelidos (Hitler, Goebbels) senón dende a expericiencia da xente corriente que simplemente sogre os desvaríos do seu Führer. Dúas das súas principais obsersións aparecen perfectamente retratadas:

• O Anticomunismo: os seguidores desta ideoloxía serán perseguidos e eliminados (o pai de Liesel é un exemplo)
• O Antisemitismo (odio aos xudeos) Max Vandenburg sofre esta persecución , sendo os Hubermann os que lle darán acubillo.

Por último, resaltar a dobre repercusión que o fenómeno Nazi ten na sociedade alemana, na xente da rúa: nalgúns casos provoca seguidores incodicionais, máis aló do que toda boa lóxica podería aconsellar (o fillo dos Hubermann é un exemplo) e por outro, xentes de escasa ou nula formación política (o matrimonio Hubermann) cuestionan os procederes do réxime e non dubidan en protexer a un xudeo poñendo en risco a súa propia vida.

En resumo: ¡¡ Ler La ladrona de libros e tamén recibir unha excelente clase de historia!!

Para o próximo xoves 22 temos convocada a primeira reunión do ano do Club de Lectura do Segundo ciclo da ESO e do de Bacharelato e Outros.

Non olvides pasar pola biblioteca durante o recreo que temos moito que falar: hai que fastidiarlles o final aos que van máis lentos, temos que dicir que non ás actividades que propón a organización, hai que ir pensando noutro libro, e temos que ir o cine.

Hoxe, 28 de novembro botamos a andar o noso club de lectura - aínda sen nome- cunha pequena festa na que incluímos cafés , pastas e boas conversas sobre libros. Como podedes ver o éxito foi total.

Formamos tres grupos de lectura: Os "pequechos" formado por alumnos do primeiro ciclo da ESO, os "medianos" por alumnos do segundo ciclo e , por último os "vellos", mestura de profes e alumnos de bacharelato.

Foi un rato de moita animación onde se escolleron os próximos libros que imos ler, e se barallaron diferentes actividades que poderemos levar a cabo. As lecturas seleccionadas son:

Club de Primeiro Ciclo da ESO: Palabras de Caramelo (Gonzalo Moure) Nun campamento do Sáhara vive un neno sordomudo que ten como amigo a un camelo...

Club de Segundo Ciclo da ESO: El niño con el pijama de rayas (John Boyne) A obra trata dun mozo de nove anos, fillo dun comandante nazi do campo de concentración de Auschwitz en plena Segunda Guerra Mundial.

Club de Bacharelato e Máis: La ladrona de libros (Marcus Zusak) Ninguén mellor que a Morte para narrar unha historia na Alemña nazi de Segunda Guerra Mundial como a que conta "A ladroa de libros", unha novela sobre o extraordinario poder das palabras, escrita polo australiano Marcis Zusak a partir dos recordos familiares.

Esperamos disfrutar pero tamén que todo o centro disfrute das nosas andanzas. Haberá moitas letras, mais non esqueceremos darvos algunha que outra sorpresa.