Como todos estes anos anteriores, no instituto celebrouse a semana cultural, que consiste nunhas xornadas nas que se ofrece a todo o estudantado unha oferta diverxente respecto ao desenvolvemento normal das clases lectivas, e na cal proporcionamos unha experiencia didáctica innovadora e flexible que enriquece o desenvolvemento e crecemento persoal de todo o alumnado. Aquí ofrecemos unha pequena mostra de algúns dos cursos que tivemos o pracer de gozar no centro entre os días 11 e 14 de abril.
O alumnado tivo ocasión de desfrutar de obradoiros coma o seguinte.
Cestería con Teresa Seara Gómez.
Deuse a coñecer unha tradición e oficio da nosa rexión, moi asociado ás labores do campo e do mar.
Ensinouse unha das técnicas tradicionais de cesteado, empregando a médula como material.
Cada alumno e alumna elaborou un lapiseiro.