IES EDUARDO PONDAL

Día das letras galegas

Como cada curso, o noso centro quixo festexar o día da nosa lingua; da poesía en galego. Este ano dende a Bilioteca decidimos adicar unha das nosas árbores a escritores ou creadores da contorna e que seguiremos a realizar cada curso. 

Nesta ocasión as árbores escollidas foron a cerdeira e o bidueiro para Diana Varela Puñal e Miguel Mato Fondo.

 

A poesía como vía de comunicación literaria. 16 de maio, 2023, 13.00 horas. Ponteceso.

A poesía ten que ver coa música, a beleza e a filosofía, tres factores que sobrevoan sempre na miña maneira de vivir.

É tamén unha forma de comunicación polo que, ademáis de para conectar ritmo, pensamento e estética, sirve para expresarnos.

Cantautores de todas as épocas -tamén o rap de hoxendía, o hip hop, ou rock- empregaron a poesía como unha maneira de transmitir ideas, sentimentos ou a realidade socio-política, como é o caso da chamada “canción denuncia” ou a poesía social.

Porque a poesía é sempre revolucionaria, por iso as ditaduras de todas as épocas teiman en silenciar aos poetas, porque a palabra poética combate cunhas armas indispoñibles: como se desafía unha metáfora? Como se loita contra un soneto? Como se ataca un leixaprén?

A poesía é a revolución da ternura, a denuncia que abre as fiestras para que entre o aire limpo, a evidencia de que a rosa ule a rosa e o lixo cheira a lixo. A constatación de que unha cerdeira é a representación arbórea do verán, e que os seus froitos tinxen os labios co seu doce sabor, como cada primeiro beixo.

Iso é poesía. Pura humanidade.

 

Neste enlace podedes ver a entrada no blog da biblioteca.

Graduación da promoción 21 / 23

O pasado venres 19 de maio celebrouse o acto de graduación da nosa fenomenal promoción de estudantes 21 /23. Foi unha tarde chea de emocións e esperanza de cara ao futuro. A celebración foi recollida nos medios e podedes ler a reportaxe completa que fixeron en La voz de Galicia no seguinte enlace.

Enlace á noticia.

 

Luana Sueiro e Icía Velasco premiadas no Concurso de Contos de primavera.

Na sexta edición do certame Contos de Primavera, promovido por La Voz de Carballo co patrocinio da multinacional Calvo, foron premiadas as nosas alumnas Luana Sueiro e Icía Velasco co 1º e 4º premio respectivamente.

Felicidades as dúas polo seu  traballo e talento a hora de elaborar os seus magníficos relatos.

 

 

Link á noticia "La voz de Carballo"

 

FORMACIÓN DO ALUMNADO EN CÍRCULOS DE DIÁLOGO

O vindeiro martes 25 de abril, de 15:00 a 17:00 horas, o equipo de convivencia do IES Eduardo Pondal de Ponteceso CREANDO PONTES, organiza unha sesión de formación teórica e práctica para o alumnado interesado en aprender a facilitar círculos de diálogo.

Os círculos son unha ferramenta moi útil para desenvolver competencias comunicativas e competencias socioemocionais, entre outras, ademais de ser de gran utilidade para a mellora da convivencia e a resolución pacífica de conflitos.

Aquelas familias que autoricen os seus fillos a participar nesta formación deberán entregar a seguinte autorización asinada no departamento de orientación (aula de apoio), ou facernos chegar unha copia da mesma a través co correo convivenciaponteceso@gmail.com. Para calquera das dúas opcións a entrega non poderá exceder das 12:00 horas do luns 24 de abril.

Os alumnos que participen na actividade formativa quedarán a comer no instituto acompañados polo profesorado de convivencia. As familias encargaranse da recollida, ás 17:00 horas, na porta principal do instituto.

Calquera dúbida ou aclaración poden facérnola chegar a través da conta de correo indicada.

AUTORIZACIÓN

Viaxe a Francia. 1º Bach.

Un ano máis, o alumnado de Francés de 1° de Bacharelato do IES Eduardo Pondal de Ponteceso viaxou a Francia para coñecer  a vila de Burdeos e os seus arredores. Ademais de visitar diversos espazos culturais da capital xirondina, realizaron unha excursión a Arcachón e á súa famosa Duna de Pilat.

Distribuir contido