IES POETA DÍAZ CASTRO

Estamos a promocionar no instituto un mercado de roupa de segunda man, para o que precisamos da colaboración de toda a comunidade educativa.

Todos/as aqueles/as que queiran participar nesta iniciativa, deberán aportar unha prenda como mínimo para o mercado. As prendas entregadas terán unha triple canle de utilización:

• O troco (unha prenda por outra, mediante o uso de vales, tal e como está concibida a idea).
• A reutilización solidaria (envío a Servizos Sociais do Concello)
• Reciclaxe (se non pode ir por unha das vías anteriores)

Os departamentos comprometidos cunha tarefa didáctica ligada a esta iniciativa, continuarán co seu desenvolvemento, como mínimo, coas prendas que, neste momento hai (enquisa, frase emocional para etiqueta, etiquetas coa trazabilidade da prenda...)

Cremos que a visibilización da nosa postura respecto da sostibilidade pode ter un efecto beneficioso.

A data límite para entrega de prendas é o 25 de maio.

Graciñas pola vosa colaboración!

No Diario Oficial de Galicia do mércores 18 de maio de 2022 aparece publicada a ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H).

O prazo para presentar solicitudes iniciarase o día 19 de maio e rematará o día 22 de xuño de 2022 (ambos os dous incluídos).

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal. Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).

O formulario de solicitude tamén estará dispoñible nos centros educativos e na sede electrónica da Xunta de Galicia,  https://sede.xunta.gal.

A solicitude deberá estar asinada polo pai, pola nai, polo/a titor/a ou representante legal do alumnado, e a súa presentación implicará que acepta as bases da convocatoria, cumpre os requisitos exixidos nela e que son certos os datos indicados na solicitude; así mesmo, que se compromete a conservar en bo estado e a devolver ao finalizar o curso os libros de texto e o material reutilizable recibidos do fondo solidario ou adquiridos coa axuda para libros de texto.

Publicada a convocatoria de becas e axudas para estudantes que no curso 2022-2023 cursen ensinanzas postobrigatorias (Bacharelato, Ciclos Medio ou Superior de FP, Universidade).

Prazo para a presentación de solicitudes: do 30 de marzo ao 12 de maio de 2022.

Pode obterse información completa sobre a convocatoria AQUÍ.

Tamén podes informarte na páxina do Ministerio de Educación, Becas y ayudas.

Para obter información acerca de ónde e cómo presentar a solicitude, sigue este ENLACE.

É importante lembrar que calquera solicitude debe presentarse no prazo indicado, aínde que o estudante non saiba o que vai estudar, ou mesmo non saiba se vai estudar ou non.

O pasado venres 14 de xaneiro comezou a implantarse o novo Protocolo Sanitario para a oprevención frente á COVID-19. O noso centro adaptou a versión de setembro para asumir as novas circunstancias que veñen propostas desde a Consellería e desde o Ministerio.

Este é o enlace á nova  ADAPTACIÓN DO PROTOCOLO COVID (xaneiro de 2022), na que aparecen en cor vermello as novidades máis salientables.

Igualmente, compartimos aquí a presentación elaborada para o alumnado e para as familias.

PARA O ALUMNADO:

PARA AS FAMILIAS:

O inicio escalonado do curso 2021-2022 efectuarase de acordo so seguinte calendario e horario:

Cada curso presentarase no centro o día e hora asignado e permanecerá xa coa xornada lectiva habitual (ata as 14 h.). Haberá servizo de transporte escolar, por tratarse do horario lectivo habitual do centro 

* A dirección do centro lamenta comunicar que para estes grupos non haberá servizo de transporte escolar dispoñible, ao non tratarse do horario lectivo habitual do centro.

PREGAMOS CONSULTEN REGULARMENTE ESTA WEB,

POR SE HOUBESE ALGUNHA MODIFICACIÓN DE ÚLTIMA HORA.

INFORMACIÓN RELEVANTE PARA O ALUMNADO QUE TIVO QUE PRESENTARSE ÁS PROBAS EXTRAORDINARIAS DE SETEMBRO

Os Boletíns coas cualificacións das probas extraordinarias de setembro do presente curso 2020-2021 poderán recollerse na Conserxería do centro a partir das 9:30 horas do martes 7 de setembro.

O prazo extraordinario de matrícula para o curso 2021-2022 comeza o día 7 de setembro e remata o día 9 de setembro de 2021.

Recoméndase formaliar a matrícula para o vindeiro curso o antes posible.

Os/as solicitantes de vales para material escolar para o vindeiro curso 2021-2022 que aprobaron todas as materias na convocatoria ordinaria de xuño de 2021 xa poden recoller os seus vales no centro, de luns a venres, en horario de 10:00 a 13:00 horas.

Non é a primeira vez, e tampouco será a última.

Un ano máis, alumnado do noso centro conseguiu varios premios no concurso D3 Mobile, todos eles baixo a coordenación do profesor MIGUEL ÁNGEL BARREIRO DÍAZ.

A continuación pódese ver a relación de gañadores/as e os enlaces para acceder ao visionado dos traballos premiados.

Equipos de Metrólogos:
● Equipo Campeón De Galicia: D3mobile – Xunta de Galicia.
O equipo Power Women, formado por Érika Bao Castro, Noemí Vázquez Roca e Javier Mulet Mayo. Modelo 3d:
https://skfb.ly/onyGw

Premios Específicos:
● D3mobile – Difusión Científica Usc – Ciencia en La Universidad de Santiago De Compostela.
O equipo B&W , formado por Isabela Vélez Gallego e Brais Lorenzo Uriz. Co Modelo 3d da figura dun animal, relacionado có Grupo de Investigación Análisis y Conservación de la Biodiversidad (Acbiodiv)
de la Universidad De Santiago De Compostela. Modelo 3d: https://skfb.ly/onyFW

● D3mobile – Isprs (Sociedad Internacional de Fotogrametría y Teledetección)
O equipo Pataqueiros , formado por Raúl Paredes Rodríguez, Abel Pena Bondelle y Daniel García Cordeiro. Con un
modelo3d que representa o relevo de Galicia. Modelo 3d: https://skfb.ly/onyFr

● D3mobile – Fundación Mujeres – Mujeres en la Arquitectura e Ingeniería
O equipo Mivecino.com ,formado por Laura Deive Enero, Lucía Villar Martíns e Yago Martínez Pena. Con un modelo 3d titulado “Pócima”, en homenaxe á bióloga española, experta en coronavirus, Isabel Sola Gurpegui (Codirectora del Laboratorio de Coronavirus del Centro Nacional De Biotecnología Del Consejo Superior De Investigaciones Científicas-CNB-CSIC). Modelo 3d: https://skfb.ly/onyGo