IES POETA DÍAZ CASTRO

O Plan Dixital do centro forma parte da estratexia dixital do mesmo. Recóllese nun documento que se recolle no Proxecto Educativo do Centro e que foi presentado ao claustro de profesorado o 15 de xuño de 2022 e aprobado polo Consello Escolar o día 30 de xuño de 2022.

Accede/Consulta o PLAN DIXITAL DO IES POETA DÍAZ CASTRO

Datas en que se formalizará a matrícula dos diferentes cursos para o vindeiro ano académico 2020-2021:

Ao alumnado proposto para FP BÁSICA se lle entregará xunto co boletín de notas:

      -  ANEXO III - Consentimento de incorporación á FP BÁSICA. Deberá vir debidamente cuberto e asinado por calquera das persoas titulares da patria potestado ou representantes legais.

      Achegar este documento ao Departamento de Orientación antes do 30 de xuño. De non entregar este documento no prazo que se establece, entenderase que non dan o dito consentiimento.

Horario de atención ao público: LUNS A VENRES DE 9:30 A 13:30

A entrega dos boletíns de notas ao alumnado realizarase, a cada grupo na súa aula, o

LUNS 27 DE XUÑO, ÁS 11:00 h.

NOTA: Non haberá servizo de transporte

Foi publicada no portal de FP a oferta de formación profesional para o próximo curso 2022-2023, nos distintos réximes e modalidades.

Segundo dita oferta, no IES POETA DÍAZ CASTRO se impartirán, no vindeiro curso, os estudos de Formación Profesional de Grao Medio de Soldadura e Caldeiraría.

O prazo de solicitude de admisión ábrese o día 23 de xuño e remata o día 5 de xullo. Pódese consultar toda a información sobre prazos neste enlace.

A solicitude deberá realizarse mediante o asistente informático vía web para todos os réximes e graos, agás para o segundo curso do réxime ordinario.

Toda a información relacionada con este proceso de admisión pode consultala no enlace seguinte:

ADMISIÓN AO CICLO DE GRAO MEDIO

  Noticias relacionadas coa Formación Profesional.

Unha vez máis, o traballo do noso alumnado é premiado. Esta vez tocoulle ao OLLOBOI , en Boiro, a onde acudiron o venres pasado para pasar unha xornada de convivencia e festiva, acompañados por Miguel Angel Barreiro e Fátima Castro.

Sobra dicir, que este novo premio demostra que hai outras maneiras de facer cousas, de aprender, de ensinar... e que non todo se aprende sentados nunha cadeira amarrados a unha mesa...

BRAVO, RAPAZADA!!!!! O premio é voso. O resto só somos comparsas...

Estamos a promocionar no instituto un mercado de roupa de segunda man, para o que precisamos da colaboración de toda a comunidade educativa.

Todos/as aqueles/as que queiran participar nesta iniciativa, deberán aportar unha prenda como mínimo para o mercado. As prendas entregadas terán unha triple canle de utilización:

• O troco (unha prenda por outra, mediante o uso de vales, tal e como está concibida a idea).
• A reutilización solidaria (envío a Servizos Sociais do Concello)
• Reciclaxe (se non pode ir por unha das vías anteriores)

Os departamentos comprometidos cunha tarefa didáctica ligada a esta iniciativa, continuarán co seu desenvolvemento, como mínimo, coas prendas que, neste momento hai (enquisa, frase emocional para etiqueta, etiquetas coa trazabilidade da prenda...)

Cremos que a visibilización da nosa postura respecto da sostibilidade pode ter un efecto beneficioso.

A data límite para entrega de prendas é o 25 de maio.

Graciñas pola vosa colaboración!

No Diario Oficial de Galicia do mércores 18 de maio de 2022 aparece publicada a ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H).

O prazo para presentar solicitudes iniciarase o día 19 de maio e rematará o día 22 de xuño de 2022 (ambos os dous incluídos).

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal. Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).

O formulario de solicitude tamén estará dispoñible nos centros educativos e na sede electrónica da Xunta de Galicia,  https://sede.xunta.gal.

A solicitude deberá estar asinada polo pai, pola nai, polo/a titor/a ou representante legal do alumnado, e a súa presentación implicará que acepta as bases da convocatoria, cumpre os requisitos exixidos nela e que son certos os datos indicados na solicitude; así mesmo, que se compromete a conservar en bo estado e a devolver ao finalizar o curso os libros de texto e o material reutilizable recibidos do fondo solidario ou adquiridos coa axuda para libros de texto.

Publicada a convocatoria de becas e axudas para estudantes que no curso 2022-2023 cursen ensinanzas postobrigatorias (Bacharelato, Ciclos Medio ou Superior de FP, Universidade).

Prazo para a presentación de solicitudes: do 30 de marzo ao 12 de maio de 2022.

Pode obterse información completa sobre a convocatoria AQUÍ.

Tamén podes informarte na páxina do Ministerio de Educación, Becas y ayudas.

Para obter información acerca de ónde e cómo presentar a solicitude, sigue este ENLACE.

É importante lembrar que calquera solicitude debe presentarse no prazo indicado, aínde que o estudante non saiba o que vai estudar, ou mesmo non saiba se vai estudar ou non.

O pasado venres 14 de xaneiro comezou a implantarse o novo Protocolo Sanitario para a oprevención frente á COVID-19. O noso centro adaptou a versión de setembro para asumir as novas circunstancias que veñen propostas desde a Consellería e desde o Ministerio.

Este é o enlace á nova  ADAPTACIÓN DO PROTOCOLO COVID (xaneiro de 2022), na que aparecen en cor vermello as novidades máis salientables.

Igualmente, compartimos aquí a presentación elaborada para o alumnado e para as familias.

PARA O ALUMNADO:

PARA AS FAMILIAS: