Orientación

“Sentir a música a través de mochilas vibratorias, porse na pel dunha persoa xorda e saber cómo poden sentir o ritmo a través das vibracións”….todo isto é o que experimentou o alumnado de 1º, 2º e 3º ESO nas xornadas de sensibilización sobre discapacidade auditiva, levadas a cabo entre o 30 de novembro e o 5 de decembro na aula de Ciencias do IES Coruxo.

Nesta actividade o alumnado puido experimentar cómo perciben a música as persoas xordas e con este fin probaron as mochilas vibratorias, mochilas que rexistran as frecuencias de son e as transforman en vibracións según o tipo de son, permitindo á persona portadora sentir a música a través da vibración.

O obxectivo da actividade era que o noso alumnado fose capaz de porse no lugar das persoas que teñen algún tipo de discapacidade (neste caso persoas con discapacidade auditiva) e que aprendan a valorar e afrontar de forma positiva ás dificultades que se presentan na vida.

Esta actividade, levada a cabo por unha intérprete en linguaxe de signos e que contou co préstamo gratuíto das mochilas vibratorias por parte do Concello de Nigrán, enmárcase dentro do programa Inclúe-T do CP Inclúe, programa que ten como obxectivo facer un IES Coruxo máis inclusivo.

O alumnado de 4º ESO participou ao longo de 4 sesións de titorías nos obradoiros de reflexión e debate sobre adiccións e o consumo de drogas organizados dende o Concello de Vigo coa colaboración da Xunta de Galicia, dentro do seu programa de prevención de drogas e outras adicccións.

Segundo os datos recollidos polo Observatorio de Galicia sobre Drogas, a maior parte dos/das adolescentes inícianse no consumo de sustancias psicoactivas entre os 14 e os 16 anos, no caso do alcohol e o tabaco, e entre os 15 e 17 anos no do cannabis e a cocaína, idade do alumnado obxectivo.

Neste contexto e con estos obradoiros preténdese que os alumnos e as alumnas do noso Instituto sexan conscientes dos perigos do consumo de calquer tipo de droga, incluído o alcohol e o tabaco, prevenir o seu consumo e promover a adopción de estilos de vida saudables entre os/as adolescentes.

O luns 27 de novembro pola tarde tiveron lugar as charlas sobre a prevención da violencia de xénero, dentro do programa EnlazaVigo do Concello de Vigo, dirixidas neste caso ao alumnado de 1º de Bacharelato, onde debatiron sobre as causas e as medidas de prevención de esta enfermidade social.

Como as actividades que se puxeron en marcha co gallo do 25N estaban máis orientadas ao alumnado da ESO, non nos queríamos esquecer da importancia da sensibilización ao alumnado de Bacharelato.

Todo o IES contra a violencia de xénero!

O pasado xoves 26 de outubro alumnado de 4º ESO estivo presenciando os campionatos de FP Galiciaskills 2023 no Recinto Feiral de Silleda.

A través de 27 competicións relacionadas con outras tantas especialidades de FP (automoción, cociña, imaxe e son, téxtil, etc.), o alumnado pode facerse unha idea de cales son as saídas de diferentes ciclos formativos co obxecto de recibir unha información sobre as súas saídas profesionais.

A saída complementouse e complementarase cunha máis detallada información sobre os ciclos formativos achegada dende as titorías e dende o Departamento de Orientación.

Máis info: https://www.edu.xunta.gal/fp/galiciaskills-2023

Conscientes da importancia de orientar ao noso alumnado de 2º Bacharelato, hoxe 5 de outubro visitaron en Pontevedra "Edugal" (https://www.edugal.es/), o salón da oferta de educación e formación de Galicia.

Ademáis de coñecer de primeira man todos os grados universitarios ofertados polas Universidades próximas tamén puideron informarse, a través de actividades lúdicas, sobre a oferta formativa de ciclos formativos de grado superior de centros educativos da zona, ademáis de outra formación de estudos superiores.

Logo da informarse sobre a oferta formativa e (agardemos) ter un pouco mais claro o seu futuro profesional, achegáronse a unha visita guiada ó Museo de Pontevedra, sumerxíndose na súa rica colección de arte galaica.

Para solicitar praza nun ciclo formativo existen dúas fases: a de admisión e a de matriculación. Todo isto realizarase desde a seguinte páxina web:

 https://www.edu.xunta.gal/fp/admision-curso-2022-2023

Nesa web está dispoñible toda a información, incluído o calendario de admisión-matriculación. Son 2 fases: A primeira delas é a solicitude de admisión a ciclos e esta fase comezou o pasado 23 de xuño e remata o 5 de xullo ás 13 horas. Para elo hai que encher un formulario a través de Internet: https://www.edu.xunta.gal/ciclosadmision/ onde pedirán datos persoais, ciclos que se queiran cursar por orde de prioridade, etc. Unha vez cubertos os datos do formulario hai que darlle a "terminar e confirmar" para que se xere un documento pdf que será necesario gardar. A explicación completa a podedes atopar no seguinte vídeo explicativo:

Cabe a posibilidade de que sexa necesario presentar o documento xerado; neste caso habería que imprimir dúas copias do pdf xunto coa documentación que se solicite (esto o indican no pdf) e presentar todo nun Instituto que teña FP (IES Audiovisual de Bouzas, IES Politécnico...).

Unha vez feito todo o proceso de admisión hai que esperar a ver a lista provisoria de admitidos en cada ciclo (o día 10 de xullo, e en caso contrario reclamar) e despois se se confirma a admisión no ciclo que se quería (o 19 de xullo).

A segunda fase é a de matriculación: Unha vez publicada a lista de persoas admitidas a ciclos, o 19 de xullo, SO HAI CATRO DÍAS LECTIVOS para matricularse nesta primeira adxudicación (do 19 ao 24 de xullo). A matriculación realizarase no centro onde fose admitido, presencialmente. É recomendable chamar ao centro ou buscar na páxina web do mesmo se hai algunha información sobre a documentación necesaria para a matrícula (fotocopia do DNI, número de fotos...) 

Tedes máis información no apartado de ORIENTACIÓN da aula virtual do centro: