IES Castelao

Este luns, dous membros da asociación "A merdeira" do Casco Vello de Vigo achegáronse ao noso centro para presentarnos o Entroido galego e principalmente o personaxe do Entroido vigués, "o merdeiro" que estivo silenciado durante a época da posguerra por ser incómodo para o réxime. Descubrimos de onde vén o seu nome, o porqué da súa vestimenta e máscara e as súas orixes.

Álbum: Curso 2023/2024 -> Charla merdeiros

O día 5 de decembro ficará gravado na historia do IES Castelao pola visita de Bernardo Atxaga.

O acto foi presentado polos nosos alumnos Héctor Barbosa e Sandra López coa colaboración do profesor Ramón Nicolás. Eles deron paso aos distintos momentos en que se dividiu o encontro.

A primeira parte consistiu nun recital de poemas tirados da obra de Atxaga, Exteriores do Paraíso, e dunha escolma da literatura galega. As sinerxias entre o euscaldún e os autores elixidos púxose de manifesto nas voces do noso alumnado, co acompañamento musical da man das nosas pianistas Antela Pedrido e Carmen Bastos.

Lecturas:

-“Escribo nunha lingua estraña” (Clara González) - “Letanía de Galicia”, de U. Novoneyra (Carmen Bastos, Jenni Rodríguez, Xan Carrera, Pablo López, David Giráldez, Hugo Alonso e Rodrigo Fernández Porteiro).

-“O grilo é un poeta monótono” (Julieta Núñez) - “Respice finem”, de Vázquez de Neira (Uxía Marinho).

-“O dicionario das pedras” (Lucía González) - “Longa noite de pedra” , de Celso Emilio Ferreiro (Bruno Alonso).


- “Sobre o paraíso con trombón” (Diana Labbad) - “Blues”, de M. Rivas (Alexandra Alonso).


- Egun finlandiar bat (Garikanorekin hizketan telefonoz) (lectura en éuscaro por Isaac Elcorrobarrutia) - “Un longo día finlandés” (tradución ao galego e lectura a cargo de Nicole Alonso, Marcos López e Sara González).
 

A seguir, Bernardo deleitonos coas súas anécdotas vitais e literarias, conseguindo ter prendados os asistentes.

Para a ocasión o Paraninfo Xela Arias foi adobiado con traballos do alumnado de Expresión Artística que se inspirou na obra de Bernardo Atxaga Exteriores do Paraíso. (Selene Abalde, Laura Castro Rivero, Sofía Gallego Alonso; Taxia da Cunha da Silva, Antía Álvarez Pillado, Breixo Merino Gómez; Carmen Martínez Noguerol).


Finalizamos o acto coa interpretación da canción popular “A miña burriña”, que tanto lle gustaba a Francisco Fernández del Riego. O noso cantareiro e pandereteiro Leo Noel foi, ademais, quen lle entregou un agasallo moi especial en nome de toda a comunidade educativa do IES.

Álbum: Curso 2023/2024 -> Encontro literario con Bernardo Atxaga

O venres 24 de novembro o alumnado do grupo de regueifas, xunto a parte do alumnado de 2º ESO A e C acudiron ao IV Certame Escolar Provincial de Regueifas organizado pola Asociación Oral e apoiado pola Deputación de Pontevedra.

A sede foi unha vez máis a Asociación de Valadares, onde acudiron dez centros seleccionados entre todos os que participaron nos obradoiros de regueifa impartidos nos meses de outubro e novembro. Na primeira fase subiron dez alumnos e alumnas do noso centro a regueifar nas diferentes rondas. Na segunda fase, onde seleccionaron soamente a vinte regueifeiros e regueifas, pasaron Noelia e Mateo. E finalmente, na fase final onde só seleccionaron a catro persoas, conseguiu entrar Noelia, quen recibiu unha tableta como agasallo.

Álbum: Curso 2023/2024 -> Certame de Regueifas

A profesora do noso centro, do Departamento de Lingua e Literatura Galegas, Helena Fernández vén de participar en Porto no Programa Integral de Aprendizaxe de Linguas Estranxeiras (PIALE) da Xunta de Galicia. 

A estadía compartiuse con outros dezanove docentes de toda Galicia desde o 9 de outubro ao 5 de novembro. O programa consiste na integración nun centro escolar portugués para coñecer novas pedagoxías e observar o seu sistema educativo, alén da mellora na lingua portuguesa, adquirindo vocabulario específico do ámbito educativo. O seu centro de acollida foi a Escola Básica e Secundária Clara de Resende de Porto, onde se sentiu coma na casa. Todo isto está enfocado para a implantación ou mantemento da lingua portuguesa nos respectivos centros da Galiza.

Álbum: Curso 2023/2024 -> Piale no Porto (Helena Fernández)

O IES Castelao inaugurou unha aula exterior na honra de Francisco Fernández del Riego cun acto no que non puideron faltar o folclore, a lingua galega e o positivismo do que tanto presumía o falecido escritor

Álbum: Curso 2023/2024 -> Inauguración Aula Exterior Francisco Fernández del Riego

     O 6 de maio o alumnado de Tecnoloxía de 4º ESO e de Tecnoloxía Industrial e TIC de 1º de Bacharelao disfrutou no Verbum duns obradoiros propostos polo alumnado de Enxeñería de Telecomunicacións da Uvigo e organizado por Normalización Lingüística do Concello de Vigo.

Álbum: Curso 2021/2022 -> Xornada no Verbum

Unha das moitas actividades con que este ano celebramos o Día das Letras Galegas en homenaxe a Xela Arias foi a actuación, o día 13 de maio, de Serafín Marcos.

Á actividade  asistiu o alumnado de 3º da ESO e levaba por título “De Carballo Calero a Xela Arias”. Serafín Marcos, dunha maneira didáctica e divertida, amosoulles a vida e obra de Xela e fixo un especial recordatorio de Carballo Calero, ao que se lle adicara o Día das Letras Galegas o ano 2020.

Álbum: Curso 2020/2021 -> De Carballo Calero a Xela Arias

O Entroido continua no espírito de tod@s nós e tamén así a figura tradicional do Entroido de Vigo: o merdeiro. Aquí deixamos un vídeo da Asociación Etnográfica A merdeira, onde vos explican a figura. Medre o Entroido!!

          Onte martes 12 de febreiro, acudimos co alumando de 1 Bach D ao Auditorio Municipal do Concello de Vigo, para asistir á conferencia "A lingua galega: unha oportunidade". O poñente foi o escritor e director do Servizo de Normalización Lingüística da USC Manuel Núñez Singala. Ademais do agradable paseo de ida e volta, a charla foi moi amenta e aprendemos que o galego estaría por número de falantes no posto 136 entre as cinco mil linguas do mundo. Tamén descubrimos que ten unha forte presencia en internet e que non necesitamos escoller entre as nosas linguas, podendo utilizar todas. Finalmente falounos do poder do grupo social e fixo valorar ao noso alumnado o multilingüismo e a importancia de manter viva a nosa lingua. Esperamos disfrutar de máis actividades como esta.

Álbum: Curso 2018/2019 -> A lingua galega: Unha oportunidade