Comunicamos a existencia de prazas suficientes para atender todas as solicitudes de reserva efectuadas en prazo polo alumnado dos centros adscritos, CEIP As Bizocas e CEIP Valle-Inclán, para cursar 1º ESO no noso centro durante o ano académico 2021/2022.

(Segundo as recomendacións vixentes en materia de protección de datos esta listaxe definitiva faise pública no taboleiro do instituto, onde se poderá consultar presencialmente).

A partir do próximo luns, vaise cortar a rúa Beiramar por mor das obras, durante uns 15 días. O que supón que se teñen que modificar as paradas de autobús, de xeito que a parada do Corgo pasa á acera de enfrente, a parada de Confín pasa á rúa Castelao (altura Hotel Amandi), e a parada de Beiramar, xunto policía local, pasa á rúa Castelao (altura discoteca Vogue).

Calquera dúbida póñanse en contacto coa policía local.

Dado que no prazo establecido para esta convocatoria pola Consellería de Cultura, Educación e Universidade non se presentou ningunha solicitude, o alumnado que resulta beneficiario das máscaras coincide co alumnado que foi beneficiario este curso 2020/21 do vale para adquirir material escolar.

Adxúntase circular para as familias con información importante máis un cartaz infomativo achegado polo Centro de Formación e Recursos (CFR) de Pontevedra, onde ofrece ás familias a posibilidade de formación no seu acompañamento ao alumnado e no coñecemento das ferramentas tecnolóxicas que enriquecen a experiencia de aprendizaxe dende os fogares.

No arquivo adxunto poden atopar o calendario escolar para o curso 2020/2021

Actualizado o 9 de novembro de 2020 xunto co novo Anexo I: horarios espello

Os cambios con respecto á anterior versión están en vermello para que sexa de doada lectura.

Engádese  o 1 de maio de 2021 o Anexo II: Plan de actuación para garantir a atención virtual do alumnado vulnerable

Adxúntase modelo de xustificación de faltas do alumnado en formato editable e formato PDF.

As faltas do alumnado deben xustificarse sempre, cubrindo o modelo adxunto e entregándollo ó titor ou titora do alumno ou alumna. Tamén se poderá recoller no centro. Sempre que sexa posible irá acompañado de xustificante médico ou similar.

Neste curso 2021/2022, por norma xeral, as titorías co profesorado seguirán a non ser, por norma xeral, presenciais, polo que poñemos á disposición das familias o horario de atención ás familias dos titores e titoras e demais profesorado para que poidan concertar citas telefónicas e facer un seguimento do alumnado.

Recomendamos contactar en primeiro lugar cos titores e titoras, quenes serán os responsables de recopilar información co equipo docente do alumnado en cuestión.

Plan de adaptación á situación COVID 19 no curso 2020/2021.

Actualizado o 9 de novembro de 2020. Os cambios con respecto á anterior versión preséntanse en vermello para unha rápida localización.