VIII CERTAME DE BANDA DESEÑADA “AX1”
NOTA: O prazo de entrega de traballos amplíase ao 30 de xuño de 2020
Dada a situación atípica na que nos atopamos, o Colectivo Xelmírez, decide aprazar ata o vindeiro 30 de xuño a entrega dos traballos que opten aos Premios de Banda Deseñada e de Ensaio Subversivo nestas edicións 2020 (consúltense bases).
O IES Arcebispo Xelmírez e a Secretaría Xeral de Política Lingüística convocan a sétima edición do certame de banda deseñada “AXI”, no que participan os departamentos de debuxo, artes plásticas e imaxe, ademais do equipo de dinamización da lingua galega.
A través deste concurso, aberto á participación de estudantes de ensinanza secundaria, bacharelato e ciclos formativos de toda a comunidade autónoma galega, procuramos o fomento do noso idioma e da creatividade entre o alumnado de Galiza a través da banda deseñada.
As bases que rexerán o concurso son as seguintes:
1. Participación
Poderá participar todo o colectivo de estudantes de Galiza, en dúas categorías diferenciadas por idades
[1]
:
- Alumnado de 12 a 15 anos.
- Alumnado de 16 anos en diante.
2. Temática
A tema será de libre elección dos participantes.
3. Formato
Cada participante presentará un único traballo, en lingua galega, cunha extensión non inferior a dúas páxinas tamaño Din-A4, nin superior a dez. Será decisión dos autores ou das autoras a técnica a empregar e a presenza ou non da cor nas obras.
4. Autoría
As obras poderán ser individuais ou colectivas, se ben a concesión e contía dos premios para cada unha das categorías non variará en función dese factor.
5. Prazo de presentación de traballos
O prazo de presentación irá desde o día 14 de xaneiro ao ̶3̶1̶ ̶d̶e̶ ̶m̶a̶r̶z̶o̶ 30 de abril de 2020, ambos os dous incluídos.
6. Presentación dos traballos
- Os ou as participantes no certame deberán enviar os seus proxectos a través do centro educativo no que estean matriculados, indicando claramente en que categoría concursan.
- Se optan polo correo electrónico, deberán enviar os traballos, a través do centro educativo, ao enderezo certameax1@gmail.com, en formato PDF, cun peso máximo de arquivo de 10MB.
Nos cómics non pode figurar o nome real dos ou das participantes, senón que se presentarán baixo un pseudónimo. A información persoal dos e das concursantes debe incluírse en outro arquivo anexo ao mesmo correo, co nome do pseudónimo elixido; nel deben figurar o nome e apelidos, a idade, o DNI e, de novo, a categoría na que se participa e o nome e enderezo do centro no que estean matriculados.
- Se o envío fose a través de correo postal, o traballo mandarase nun sobre pechado no que figure o título da obra e o pseudónimo elixido polo autor ou autora e a categoría na que concursa; dentro, noutro sobre tamén pechado, incluiranse os datos persoais indicados anteriormente (nome e apelidos, a idade, o DNI, categoría na que se participa e o nome e enderezo do centro no que estean matriculados).
A organización do “AX1” velará polo anonimato das obras presentadas a concurso.
7. Xurado
Estará formado por creadores/as ou artistas, así como por unha representación das entidades convocadoras.
O xurado poderá declarar os premios desertos ou facer nomeamentos específicos se a calidade dos traballos así o esixise.
8. Premios
Ademais da publicación na rede dos traballos finalistas, establécense os seguintes premios
para cada unha das dúas categorías establecidas:
1º premio: 500 €
2º premio: 200 €
Premio extraordinario: “Mención 175 aniversario”
Co gallo de celebrar o 175 aniversario do instituto Xelmírez e, polo tanto, 175 anos de ensino secundario en Compostela, este ano creamos unha mención especial, dotada con diploma e agasallo conmemorativo, e dirixida exclusivamente aos centros de ensino da cidade de Santiago.
Aos premios de índole económica aplicaráselles a correspondente retención do IRPF.
Cómpre recoller o premio persoalmente no acto de entrega, agás falta xustificada documentalmente. De non cumplirse esta condición o premio pasaría ao participante clasificado en seguinte lugar. Por este motivo, na acta de resolución do certame deberá figurar para cada categoría un aspirante en reserva.
9. Aceptación das bases
A concorrencia a este certame implica a aceptación destas bases.