Novas

A pasada semana, o alumnado de 4º da ESO do IES Agra de Raíces de Cee, acompañado polas profesoras Lara Trillo, Iolanda Rodriguez e Mercedes Teijeiro, visitaron as cidades de Ámsterdam e Bruxelas.

Nesta viaxe cultural, organizada polo instituto, tiveron a oportunidade de achegarse un pouco máis á historia e á cultura destas dúas cidades da man de expertos guías locais e visitar os principais monumentos.

En Ámsterdam, visitaron os dous museos emblemáticos da cidade: o Rijksmuseum e o Museo Van Gogh. En Bruxelas, tiveron a oportunidade de explorar o Atomium e descubrir o Museo do Diseño onde disfrutaron da exposición temporal adicada á historia da música disco.

Fóron 5 días de actividade frenética, paseando polos canales holandeses, Begijnhof, o Barrio Vermello, a Praza Dam, a Casa de Anne Frank e o Mercado da Flores en Amsterdam que remataron en Bruxelas  na maxestuosa Grand Place, con visita obrigada ó Manekken  Pis e ás maxestuosas galerías.

                         A expedición do Raíces fronte o Rijksmuseum (Amsterdam)

Un grupo de 16 alumn@s e 2 profesores están a desenvolver a xa tradicional viaxe de intercambio cun centro da Bretaña francesa, en Redon.  Alí, dende o 26 de marzo e ata o 2 de abril, ademais de convivir cos seus compañeiros franceses e as súas familias, terán a oportunidade de coñecer a rexión e visitar, entre outras cousas, a cidade de Rennes e o castelo de Mont Saint Michelle. Os alumnos franceses visitarán proximamente a Costa da Morte no mes de Abril.

                                  A expedición do Agra de Raíces en Redon (Bretaña francesa)

Do 25 ao 29 de marzo ten lugar a Semana Cultural do noso centro, onde as alumnas e alumnos, profesoras e profesores, teñen a oportunidade de realizar varias saídas didácticas, asistir a charlas e obradoiros de diferentes temáticas, así como a proxeccións de películas e documentáis. Estas son algunhas das actividades que se están a desenvolver:

-Saída ao Dolmen de Dombate e Castro de Borneiro para 1º ESO, onde ademais participaron nun obradoiro.

-Saída a E.S. Bazarra para 1º ESO.

-Visita a 2 empresas no Polígono de Sabón (Arteixo) para 1º ESO.

-Saída ao conxunto histórico de Moraime y os secadoiros de congro de Muxía para 2º ESO.

-Saída ás Torres do Allo para 2º ESO onde ademais participaron nun obradoiro

-Saida a Celanova para visitar o Mosteiro de S. Salvador, a Capela de S. Miguel, c.oncerto didáctico có órgano histórico do mosteiro y visita á Casa dos Poetas para 3º ESO.

-Charlas a cargo do CIM sobre igualdade para 1º ESO.

-Charla sobre o lobo na comarca de Francisco José Lema  para 1º ESO.

 -Charla solidaria da Asociación Egueire para toda a ESO.

-Charlas da Asociación de Amigos de Galicia sobre igualdade e voluntariado para diferentes nivéis da ESO.

-Charla da Asociación Adega para 2º e 3º ESO sobre especies invasoras e posterior saída pola contorna.

-Charla APEM do programa "Descubre" sobre saude mental e consumo de drogas para 3º ESO.

-Charlas/obradoiros do Proxecto Medioambiental CONCIENCIA para 2º ESO.

-Obradoiro da Fundación Mapfre para 2º ESO.

-Obradoiros de actividades deportivas da profesora Jessica Blanco para 1º e 2º ESO

-Obradoiro de xornalismo e obradoiros científicos do CICA para 3º ESO.

-Obradoiro de Matemáticas Divertidas para 1º ESO.

-Obradoiro de construcción dun reloxo solar para 2º e 3º ESO.

-Obradoiro "Querote" sobre consumo de alcohol para 3º ESO.

-Obradoiros e charlas dos profesores/as e alumnos/as do CAE do centro aos alumnos da ESO.

-Diversas conferencias/obradoiros literarios a cargo de autores galegos como Lois Pérez e Carlos Negro.

 -Diversas conferencias a cargo da USC para os alumnos de 1º BACH.

-Etc.

Entre os días 1 e 20 de marzo estará aberto o prazo de prematrícula para ESO e Bacharelato. Haberá que entregar o impreso cumprimentado na Secretaría. Pódense descargar dende aquí.

Xa está aberto o prazo de reserva de praza en centros adscritos que será do 1 ao 15 de febreiro. Polo tanto, o alumnado dos centros adscritos ao Ies Agra de Raíces que vaia cursar 1º da ESO ou 1º de BACHARELATO no vindeiro curso, deberá realizar entre esas datas a súa solicitude de reserva de praza no seu centro educativo de orixe, en calquera das administracións públicas que establece a Lei 39/2015 do 1 de outubro ou a través da sede electrónica para o que se precisará neste caso chave 365 ou certificado dixital.

Deberán entregar ademais, debidamente cumprimentado, o impreso de prematrícula do noso centro que lles será facilitado no centro de orixe ou que poden tamén descargar dende aquí.