Skip to Content

Blogues

Criterios de avaliación, promoción e titulación. Curso 2021-22

Achéganse os criterios de avaliación, promoción e titulación para este curso 2021-22.

Carla no Campionato de España sub 16 de Futbol Sala

A nosa alumna Carla Martínez Castreje de 4º ESO ven de disputar o Campionato de España sub 16 de Futbol Sala coa selección galega onde chegaron ata as semifinais tras realizar un brillante papel.

PARABENS CARLA!!

Medalla de bronce para Mateo Pérez nas Olimpíadas Nacionais de Química

O pasado sábado, 7 de maio, celebrouse na Facultade de Química de Santiago de Compostela a XXXV Olimpíada Nacional de Química, na que competiron 150 candidatos procedentes de toda España, tras alzarse cos primeiros postos na categoría autonómica deste certame. As autoridades responsables da organización do evento entregaron o domingo, 8 de maio, os diplomas acreditativos a todos os participantes e as distincións aos gañadores da Olimpíada. Entre eles, atopábase o noso alumno Mateo Pérez, que obtivo a medalla de bronce, ratificando así a calidade indiscutible do seu traballo no ámbito nacional e obtendo un merecido recoñecemento ao esforzo realizado durante estes meses.

 Mateo estivo acompañado pola súa profesora María José Pena e ambos compartiron a incertidume, o entusiasmo e a responsabilidade de achegarse xuntos ao final desta aventura, que se converteu nunha historia de constante superación, adaptación, revisión e cambio á que asistimos todos con eles. A lóxica, o traballo e o coñecemento situaron aos dous á altura dos seus logros e ao alcance dos seus soños. Parabéns, Mateo, por unha medalla olímpica non só ao éxito, senón sobre todo ao valor, á forza de vontade, ao tesón e á humildade, porque soamente é grande na vida quen sabe ser pequeno.

“Podo porque creo que podo” (Virxilio).

Calendario de exames finais e de recuperación para a convocatoria ordinaria de 1º Bacharelato

Achégase, como documento adxunto, o calendario de exames finais e de recuperación de 1º Bacharelato, correspondentes á convocatoria ordinaria.

A entrega de notas realizarase o venres, 10 de xuño, a partir das 10h, a través da aplicación Abalar Móbil. 

Mateo Pérez, medalla de ouro nas Olimpíadas Nacionais de Física

Di un coñecido aforismo do refraneiro popular que cando o esforzo se converte nun hábito, os éxitos transfórmanse nunha constante. Parece axeitado recordalo neste momento, no que o noso alumno Mateo Pérez se alza coa medalla de ouro na fase nacional das Olimpíadas de Física, celebradas o pasado 29 de abril, e compite hoxe polo mesmo galardón na modalidade de Química.

Aos seus compañeiros e a toda a comunidade educativa do IES Agra de Raíces esgótansenos por momentos as verbas para expresar a admiración e o orgullo que sentimos, non estritamente polos logros de Mateo, senón sobre todo pola perseveranza que se atopa detrás deles. Dicía Joseph Addison que, para acadar o éxito persoal no ámbito anhelado por cada un de nós, debiamos facer da perseveranza o noso amigo da alma, da experiencia o noso máis sabio conselleiro, da prudencia o noso irmán maior e da esperanza o noso xenio gardián. Todos eses atributos acompañaron a Mateo ao longo destes meses de traballo incansable, que están próximos a rematar cunha recompensa directamente proporcional ao seu esforzo, rozando case o que parecía imposible nun primeiro momento, como as cometas de John Neal que se elevan cada vez máis alto cando se desprazan contra e non a favor do vento. Parabéns, Mateo, por acadar ese soño que compartimos todos contigo.

Felicidades tamén a María José Pena por saber trasladar coñecementos, experiencia, método e rigor; pero tamén por converter a Mateo nun buscador que crece, aprende e descobre, no transurso do camiño, que el mesmo é o principal artífice e creador do que lle sucede; por animalo nos momentos de cansazo, por ensinarlle a ser feliz co que tiña mentres traballaba por lograr o que quería e por recordarlle, nos instantes de esgotamento, que nunca unha noite venceu a un amencer.

Listaxe definitiva de novo alumnado admitido para o curso 2022-2023

Unha vez finalizado o prazo de presentación das solicitudes de admisión de novo alumnado para o curso 2022-2023, comunicamos que constitúen a listaxe definitiva de estudantes seleccionados para o vindeiro período lectivo todos aqueles que tramitaron en tempo e forma a súa incorporación ao centro e que xa figuraban na listaxe provisional.

Día do Libro

FELIZ DÍA DO LIBRO!!

Este sábado, día 23 de abril, celebrouse o día do libro e o club de lectura "Libros coma area" non podía deixar pasar esta data sen facer algo especial para conmemorala. Fai xa meses que comenzamos a preparar un vídeo para promover a lectura entre os máis pequenos e agora podedes ver o resultado.

Foi un traballo realizado con moita ilusión e agardamos que vos guste, tamén vos recomendamos ver o vídeo ata o final pois, como nunha película de superheroes, temos escena postcréditos.

 

Por último, queremos agradecer ao CEIP Eugenio López, ao CEIP Plurilingüe Santa Eulalia de Dumbría e ao CEIP do Pindo a súa colaboración na divulgación deste material.

 

Recollida de títulos de ESO e Bacharelato (LOE) e ciclo medio de Coidados Auxiliares de Enfermaría (LOXSE) do ano 2020

O alumnado que rematou os seus estudos de ESO e Bacharelato no curso 2019-2020 e os estudantes que finalizaron o ciclo medio de Coidados Auxiliares de Enfermaría nese mesmo ano poden pasar a recoller os títulos correspondentes na Administración do IES Agra de Raíces en horario de 09:00h a 13:00h., presentando o seu DNI. 

No caso de que o titular non puidese vir recoller a documentación, cabe a posibilidade de autorizar a outra persoa no seu lugar. Para iso, deberá traer cuberto e asinado o impreso que se xunta a este aviso.

Charla de Marián Prego e María del Carmen Vila do Consello Territorial da ONCE

 

Este martes dentro dos actos organizados co gallo da Semana Cultural do noso centro recibimos a visita de Marián Prego e María del Carmen Vila, ambas integrantes do Consello Territorial da ONCE de Galicia e encargadas de impartir talleres sobre a vida sas persoas invidentes. O seu labor céntrase en concienciar ás sociedade sobre como se desenvolven as persoas con discapacidade visual, así como para informar sobre cómo deben ser tratadas as persoas que non ven (algo que, como comprobaremos agora, non ten nada de especial). A terceira traballadora do grupo ten catro patas e chámase Sekia, unha cadeliña de raza labrador"

 

Calendario de exames finais e de recuperación para a convocatoria ordinaria de 2º Bacharelato

Achégase, como documento adxunto, o calendario de exames finais e de recuperación de 2º Bacharelato, correspondentes á convocatoria ordinaria.

A entrega de notas realizarase o mércores, 18 de maio, a partir das 18.30h, a través da aplicación Abalar Móbil. 

Distribuir contido


by Dr. Radut