O alumnado de cuarto fixo este pequeno libro inspirado no conto It's OK to be different" de Todd Parr. 

Escoitaron na clase o orixinal, relatado pola auxiliar de conversa e tamén unha versión elaborada o curso pasado polo alumnado de quinto.

Finalmente crearon as súas propias páxinas que foron lidas por unha persoa diferente. Esperemos que vos guste.

O martes 30 de xaneiro celébrase nos centros escolares o Día Escolar da Non Violencia e da Paz. Con este motivo, o alumnado de educación secundaria reuniuse no salón de actos para realizar unha tertulia dialóxica sobre algúns fragmentos do libro "Nour: a historia real dunha nena refuxiada", escrito aos 15 anos por unha rapaza libia refuxiada: Nour Esam Zeydan. O libro foi traducido ao galego polo profesorado do centro.
Na tertulia reflexionouse sobre o significado do concepto "Paz" como algo moito máis fondo que simplemente a ausencia dunha guerra, tal como se contempla dende os Obxectivos do Desenvolvemento Sostible das Nacións Unidas na súa axenda 2030.
Parabéns a todo o alumnado participante por compartir as súas reflexións.

Con motivo da xubilación da nosa querida cociñeira Amparo, o alumnado de 6 de infantil faille agasallo dunha blonda, na que recollen unha selección dos seus pratos favoritos.

O día 30 de xaneiro celebramos o Día Escolar da Non Violencia e a Paz. Ese día, na sesión da tarde, relizaremos unha Tertulia Dialóxica sobre unha escolma de fragmentos do libro "Nour, a historia real dunha nena refuxiada", traducido do castelán ao galego por profesoras do centro.
Coma sempre, pode participar calquera membro da comunidade educativa que o desexe. Achegamos aquí o texto nun documento PDF e tamén unha presentación en power point que axuda a comprender e seguir o texto.
Paz, xustiza e institucións sólidas, é o obxectivo 16 dos Obxectivos do Desenvolvemento Sostible da Axenda 2030 da ONU. Dende 2022, coa guerra de Ucrania, aumentou un 50% a morte de civiles en guerras. Agora, co conflito en Gaza, a preocupación aumenta. A historia de Nour, unha historia real da fuxida dunha familia de clase media por mor da guerra en Libia, servirá para poñernos na pel dos refuxiados e refuxiadas dos diferentes países do mundo; e tamén, de toda esa xente que non pode escapar.