Contratos Programa |
O venres 12 de abril, o alumnado de 5º e 6º de educación primaria participou na charla ofrecida por Laura Paz Fontán, Matrona do Centro de Saúde de Porto do Son, na que se trataron os "Cambios na adolescencia e a sexualidade” e entre outros faláronse dos cambios emocionais, dos cambios físicos da muller: dos órganos femininos,da menarquia, do ciclo menstrual, da importancia da exploración para detectar enfermidades, da menstruación, dos recursos para a menstruación (compresas, tampóns, copa e bragas menstruais, compresas menstruais…), da alimentación, dos suplementos e do alivio da dor. Dos cambios físicos nos homes (espermarquia) e da sexualidade. Ao final, resolvéronse as dúbidas que foron xurdiron. Clica na foto para acceder ao álbum de imaxes da actividade.
|
|||
|
|||
Durante este curso 2023-24, botamos a andar a actividade Obradoiro de Xadrez co alumnado de Educación Primaria. Con esta actividade queremos fomentar o desenvolvemento do pensamento lóxico-abstracto e a mellora da resolución de problemas a través de formación lúdica. No mes de xuño, organizarase un pequeno torneo de fin de curso. Clica na foto para acceder ao álbum de imaxes da actividade.
|
|||
O mércores 6 de marzo, o alumnado de Educación Infantil e 1º, 2º, 3º e 4º de Educación Primaria participou na actividade Peques e Heroas, na que Manuela Varela, actriz e narradora, veunos contar os contos “Daniela a pirata” e “Xan e as unllas de cores” a través dos que fixemos unha reflexión sobre os roles de xénero, os estereotipos, o respecto e a igualdade. Clica na foto para acceder ao álbum de imaxes da actividade.
|
|||
O mércores 28 de febreiro, o alumnado de Educación Infantil e 1º e 2º de Educación Primaria participaron no Obradoiro de Pintura Lúdica realizado pola Asociación Ámbar. Clica no vídeo para ver o resumo da actividade |
|||
O xoves 22 de febreiro, o alumnado de Educación Infantil e Primaria escoitamos a Xosé Piñeiro que é un recoñecido artesán de instrumentos tradicionais galegos da nosa zona. Xosé falounos do proceso de elaboración e das características dos instrumentos tradicionais con interpretacións musicais adecuadas. Polas súas mans foron pasando diversos tipos de gaitas galegas, frautas, tarrañolas, zanfonas... que deleitaron os nosos oídos. Grazas Xosé Clica na imaxe para acceder ao álbum de imaxes da actividade
|
|||
O mércores 21 de febreiro, o alumnado de Educación Infantil e Primaria realizou unha plantación de hortensias no patio escolar. Con esta actividade queremos poñer en valor a beleza natural do noso lugar de recreo, e desenvolver accións que contribúan ao seu embelecemento, coidado e respecto entre todos os membros da comunidade educativa. Clica na foto para acceder ao álbum de imaxes da actividade |
|||
O martes 20 de febreiro, o alumnado de 5º e 6º de Educación Primaria participa no Obradoiro sobre Habilidades Sociais impartido pola educadora social Alba Pérez de Exeria Proxectos, e que se extenderá por tres sesións: educación emocional, resolución de conflitos e prevención do acoso escolar. Clica na foto para acceder ao álbum de imaxes da actividade
|
|||
Os venres 19 de xaneiro e 16 de febreiro, o alumnado de 3º a 6º de Educación Primaria realizamos un Obradoiro de Nutrición impartido por Goretti Tuñas do Equipo de nutricionistas Sana el hoy, vive el mañana que nos ensinou sobre a importancia de comer saudablemente para o noso corpo e mente. Clica na foto para acceder ao álbum de imaxes da actividade
|
|||
O mércores 20 de decembro, con motivo do Día da Diversidade Funcional, visitounos a pintora María Eugenia Reiriz acompañada de Manuel González (mestre na Asociación ÁMBAR) para darlle visibilidade ao seu traballo e compartir na nosa biblioteca a exposición dalgunhas das súas obras. O alumnado realizoulle unha entrevista e tamén lle fixo entrega dun pequeno agasallo por compartir esta xornada connosco. Clica na foto para acceder ao álbun de imaxes da actividade
|
|||
