CEIP Santiago Apóstolo

O pasado 27 de abril o alumnado de 5º e 6º de Educación Primaria participou nunhas dinámicas para conmemorar o mes do libro conectándose cun centro da contorna. Nelas, @s alumn@s divididos en grupos presentábanse e recomendaban un libro escollido por eles ao alumnado de 5º do CEIP Unión Mugardesa a través da plataforma Google Meets. 

Repetimos esta experiencia o 18 de maio celebrando o Día das Letras Galegas. Neste caso, conectándonos co grupo de 6º de Educación Primaria do mesmo centro e participando en grupos nun Kahoot sobre o autor homenaxeado, Francisco Fernández Del Riego. 

Deixamos a nosa galería aquí para que poidades ver as fotos das dinámicas!

Relacionado coa conmemoración do día da muller traballadora realizamos no centro unha actividade para detectives. As mestras, a conserxe, a limpadora e a coidadora do comedor creamos unhas fichas que contiñan pistas e unha foto da nosa infancia para que el@s descubrisen quen se escondía detrás de cada ficha.

Unha vez listas as 16 fichas creamos códigos QR para colocalos en diferentes espazos do centro. Formamos equipos con todo o alumnado, entregamos un IPAD a cada equipo, unha táboa para anotar quen pensaban el@s que era cada unha de nós e puxéronse mans á obra.

Pasámolo moi ben escoitando as súas conclusións e vendo como @s maiores involucraron aos cativiñ@s.

 Noraboa equipos de detectives, sodes xeniais.

Animámosvos a ver a nosa galería coas fotos da dinámica. 

Como tódolos anos o alumnado do centro participa no coidado do horto escolar. Seguimos aprendendo, medindo, plantando, coidando,… Compartindo aprendizaxes significativos. 

Destacar que na aula de 1º ciclo de Primaria é un proxecto interdisciplinar que abarca todo o curso escolar no que o resto do alumnado participa habitualmente.

Compartimos as fotos do proceso na nosa galería e podedes desfrutar dunha presentación moi chula da nosa profe Marina!