"VIMOS TOD@S AO MAGOSTO 

PARA XOGAR E BRINCAR

@S NEN@S DE FRANZA

QUE BEN O IMOS PASAR".

As mestras queremos agradecer a colaboración da Anpa por prepararnos unha riquísima merenda para a celebración do noso magosto, así como felicitar aos nen@s pola súa participación .

Segundo a orde da Xunta de Galicia que podes consultar aquí, a volta ao cole será escalonada:

• Xoves 10 de setembro: 4ºEI, 5ºEI, 1ºEP, 2ºEP e 3ºEP
• Venres 11 de setembro: 6ºEI, 4ºEP, 5ºEP e 6ºEP

Nos próximos días publicaremos as datas e horarios das reunións cos pais/nais, que se celebrarán antes do día  10 de setembro.

Bo regreso a tod@s!

Chegou o día e este atípico curso remata sen festas nas aulas, sen despedidas polos pasillos, sen apertas e bicos...mais non podiamos deixar de celebrar o noso tradicional festival de fin de curso.

Si, si,ante a convocatoria proposta para que cada nen@ enviase un vídeo no que saíra facendo aquilo co que podía sorprendernos, xurdiu este estupendo traballo levado a cabo polo alumnado, profesorado,e algún que outro familiar, e perfectamente montado polo pai de Leo e Manu.

Moitas grazas Manuel por este excelente resultado final co que queremos desexarvos a tod@s un moi feliz verán!!!!!!

Vémonos en setembro.

Aproveitamos para desexar aos nen@s de 6º unhas Boas vacacións, e moita sorte para a nova etapa no instituto.

 TODA A INFORMACIÓN PREMENDO A CONTINUACIÓN

Estimadas familas:

O 19 de maio saiu a Orden do 12 de maio de 2020 que regula o Fondo de Libros de Texto para alumnado de 3º, 4º, 5º e 6º de EP, a Axudas de Libros de Texto para alumnado de 1º e 2º de EP e as Axudas para Material para alumnado de EP e ESO.

1.- FONDO SOLIDARIO: Destinado ao alumnado de 3º a 6º de E.P. Os libros serán repartidos por orde inversa á renda per cápita da unidade familiar, ata que se esgoten as existencias. Por ese motivo, recomendamos que todo o alumnado a solicite.

Esgotados os libros dispoñibles no fondo solidario, o centro docente adquirirá os libros de texto complementarios que sexan necesarios para garantir:

a) Ao alumnado con renda per cápita familiar igual ou inferior a 6.000 €: seis (6) libros de texto.

b) Ao alumnado con renda per cápita familiar superior a 6.000 € e igual ou inferior a 10.000 €: catro (4) libros de texto.

c) Ao alumnado en situación de garda ou tutela da Xunta de Galicia ou cunha discapacidade igual ou superior ao 65 %: seis (6) libros con independencia da renda.

2.- AXUDAS LIBROS: Destinado ao alumnado de 1º e 2º de E.P.

1º. Renda per cápita familiar igual ou inferior a 6.000 €: 210 €.

2º. Renda per cápita familiar superior a 6.000 € e igual ou  inferior a 10.000 €: 140 €.

3.- AXUDAS PARA MATERIAL ESCOLAR: Destinado ao alumnado de 1º a 6º de E.P e ao alumnado da ESO.

A contía da axuda para adquirir material escolar destinado o alumnado matriculado en EP e en ESO con renda per cápita familiar igual ou inferior a 6.000 € será de 50 €.

Podedes descargar o impreso da solicitude clicando na imaxe ou solicitar unha copia no centro educativo.

  Nesta convocatoria presentarase unha ÚNICA solicitude para todos os irmáns matriculados no mesmo centro.

O prazo límite de presentación da documentación será o 19 de xuño de 2020

Para ser beneficiario do fondo e das axudas para libros de texto e material escolar é condición INDISPENSABLE,DEVOLVER OS LIBROS DE TEXTO RECIBIDOS NO FONDO SOLIDARIO DO CURSO 2019/2020.

HORARIO DE SECRETARÍA DE 10:00 A 13:00