CHEGOU O DÍA!
Hoxe @s alumn@s de 5º e 6º presentaron no centro o seu proxecto de concienciación sobre as vespas velutinas. Como mencionamos en entradas anteriores, cada equipo preparou un "genially" adaptado ao seu grupo e presentouno de forma interactiva, é dicir, permitindo que @s nen@s e as profes participasen en diferentes probas ou xogos.
Agora é a quenda das familias... visitade a plataforma para participar no concurso "Velutísimos" creado polo equipo de Xoana, Bruno, Nadya e Florinda.
Tamén vos deixaremos a opción de visitar o traballo do resto dos grupos, dado que fixeron unhas presentacións xeniais e moi ben adaptadas ás idades que lles tocaron:
- Iria, Teo e Yeray presentaron o seu quiz á clase de Educación Infantil. Apoiaron a súa exposición cunha presentación de power point a maiores e con actividades extra, como colorear o debuxo dunha vespa velutina.
- Irene, Melissa e Óscar prepararon un xogo para o grupo de 1º e 2º de Educación Primaria. Plantexaron a exposición de forma moi dinámica, preparando "comodíns" e unha serie de pistas para axudar a resolver as preguntas.
- Diego, Alejandro, Eneko e Andreia sorprendéronnos cun escape room terrorífico para 3º e 4º. Por grupos tiñan que avanzar nas probas do xogo e meterse na historia que nos presentaba unha situación na que querían acabar cunha vespa pantasma.
Todos fixeron un traballo estupendo! Parabéns polo esforzo e os resultados conseguidos!
Deixámosvos a nosa galería para que poidades ver as fotos das presentacións.