CEIP de San Ramón

O día 21 de decembro celebramos no colexio o festival de nadal. Todos os alumnos/as participaron en actividades diversas: obras de teatro, cancións, flauta, bailes.... TIvemos moitos espectadores que se portaron de maravilla e nos aplaudiron moito.

O día 21 de decembro tivemos no centro a visita de Papa Noel que no corredor do pasillo atendeu unha por unha as peticións dos nenos/as, recolleu as cartas preparadas e tamén reparteu larpeiradas entre todos e todas.

O pasado día 7 de decembro tivemos no colexio un concerto de lírica patrocinado polo Concello de Moeche en colaboración coa Deputación da Coruña. Foi un gran espectáculo de ópera na que a compañía musical nos ofreceu fragmentos de óperas de compositores tan coñecidos como Puchini, Tchaikovsky e o famoso "Rigoletto". Todo isto acompañado de narradoreas que ían explicando as diferentes historias  así como de un fabuloso animador que facía saír as risas máis divertidas do público.

O día 31 de outubro celebramos no colexio unha festa do Magosto e do Samaín. Convidamos a toda a comunidade educativa a participar. A xornada comezou con actividades desenvolvidas na biblioteca: contos, cancións, pequenos sustos.... A continuación chegaron os pais/nais/avós... e comezamos a decoración de cabazas. Máis tarde un xurado composto por pais e mestres escolleu as 4 cabazas gañadoras: a máis orixinal, a máis enxebre, a máis terrorífica e a máis divertida. Finalmente rematamos cunha papatoria de empanada e castañas asadas con refrescos no patio cuberto do colexio. Pasámolo moi ben.

Un ano máis participamos no concurso de lemas sobre a "non violencia de xénero"organizado polo Concello de Moeche.

O día 26 de novembro despois do recreo levamos a cabo as seguintes actividades complementarias:

• Entrega de premios aos alumnos/as autores dos lemas gañadores. Esta actividade foi presidida polo Concelleiro de Cultura do Concello e a responsable da Biblioteca municipal.


• Participación nunha "Xincana" tamén ofrecida polo Concello de Moeche, donde os nenos e nenas dirixidos por monitores participaron en varias probas relacionados con esta temática.

O colexio comeza a funcionar como Escola Comarcal Mixta en 1972, acollendo aos rapaces das escolas do Concello, que se corresponden coas parroquias do Concello: Abade, Labacengos, San Xoán, San Xurxo e Santa Cruz.

Era un centro de 8 unidades, con 8 mestres/as, onde había un director, un secretario e unha mestra encargada do comedor.

As instalacións do centro, que foi construido entre os anos 1971 e 1972 permaneceron no estado actual ata a reforma levada a cabo no curso 1990/91. Basicamente, hai unha zona destinada a aulas, outra á cociña e comedor e unha terceira onde se ubica o patio cuberto, na que se encontran a biblioteca, a sala de informática e o laboratorio. Entre estas dúas últimas zonas está o ximasio.

Son instalacións que consideramos como suficientes para o tipo de centro que é, 2 unidades de Educación Infantil e 6 de Primaria, que no curso 2009/10 pasaron a ser 4 (unha mixta de 1º e 2º, unha mixta de 3º e 4º unha de 5º e unha de 6º).

En canto ao ximnasio que temos, é necesario un amaño do mesmo, xa que primeiro é bastante pequeno, para que poida cumplir as funcións que lle son propias e segundo é un espacio moi frío xa que carece de calefacción e falso teito, polo que a práctica nel faise nunhas condicións un tanto precarias. Tamén se deberían remozar as instalacións do Laboratorio.

Ademais das instalacións do colexio en sí, están as instalacións exteriores. Dispón o centro dunha boa superficie de patio, repartida tal como se ve na foto adxunta.

En canto a instalacións deportivas, como aspecto positivo destaca a posibilidade do uso do pavillón municipal. Na parte negativa, mencionar a pista polideportiva, cun piso moi duro e esvaradizo pola falta de coidados e goteiras.

Destacar tamén a posibilidade de ter espacios alternativos para diferenciar zonas de xogo de grandes e pequenos. Tamén supón un aspecto educativo interesante dispor dunha zona de monte, aproveitable para realizar plantacións e actividades medioambientais.

Aquí podedes apreciar a ubicación do centro en Google Maps:
Ver CEIP de San Ramón de Moeche en un mapa más grande

Ver mapa más grande

Ver CEIP de San Ramón de Moeche en un mapa más grande