CEIP de San Ramón

O vindeiro venres día 21 de xuño terá lugar no colexio a festa de fin de curso coas seguintes actividades:

1.- 9:15 a 11:00: Xincana de xogos a cargo do mestre de E Física en colaboración con Silvia de Concello.

2.- 11:00 a 12:30: poderán acceder ao colexio as familias para participar dos seguintes xogos:

hinchable(a cargo do ANPA).

maquillaxe, globoflexia e papiroflexia a cargo dos mestres.

3.- 12:30 a 13:15: comida e bebida a cargo do comedor e da ANPA.

4.- 13:15 a 13:15: entrega de notas e despedida. As familias deberán abandoar o recinto ás 13:15 horas e esperar fóra polos fillos/as.

O pasado luns finalizaba unha nova edición do exitoso concurso Modestina quere saber... Unha loita investigadora onde os participantes descubren moitas cousas a través da indagación en diferentes medios...

Este ano houbo 6 equipos participantes, noraboa a todos eles porque traballaron moito ó longo de todo o curso e un especial nomeamento ó equipo STARTS, flamante campión desta edición (Tania, Nerea a Francisco).

Dende aquí queremos animarvos a participar na seguinte edición no curso próximo!

Podes ver todas as fotos no seguinte enlace:  http://bibliomoeche.hol.es/

O día 19 de xuño todo o colexio irá de excursión a Coruña co seguinte plan:

SAÍDA: 9:30 horas

AQUARIUM: 11:00 - 13:00 horas 

COMIDA; 14:00 horas.

MUSEO MUNCYT( NENOS/AS PRIMARIA) : 15:00 - 16:15 horas

MUSEO FENOSA(NENOS INFANTIL) : 15:15 - 16:15 horas.

REGRESO: aproximadamente entre as 17:30 e as 18:00 horas.

O pasado día 5 de xuño celebramos o "Día do Medioambiente" en colaboración co Concello de Moeche.

Durante as horas da máña, cada titor/a traballou de diveras formas este tema a través de fichas, lecturas, videos.... Posteriormente, despois do recreo, véu ao centro a representante do Concello con unha morea de plantas e folletos explicativos sobre o día do medioambiente.

A celebración tivo lugar no exterior do colexio porque o día era fabuloso. Así que, unha vez explicados algúns puntos e feitas algunhas lecturas colectivas; Pilar(concello) entregou aos nenos/as unha planta coa que logo fixemos fotiños. Podedes ver máis na galería.

Os alumnos/as do 3º ciclo farán unha excursión a Corrubedo xunto cos do CPI de San Sadurniño.

Este ano no cole celebramos o día das Letras Galegas, como xa ven sendo tradición, cunha xornada de xogos e danzas populares. Previamente todos os nenos e nenas do centro traballaron nas súas aulas a figura de Roberto Vidal Bolaño e fixeron uns traballos maravillosos que podedes ver na exposición dos corredores do colexio. 

Nas clases de EF tamén xogaron a esos xogos que perviven na nosa sociedade por seren transmitidos de xeración en xeración, como son os xogos populares.

Finalmente para xuntar todo o traballo e pasar unha xornada divertida invitamos a todas as familias a pasar un anaco todos xuntos no pavillón practicando diferentes xogos populares, construíndo un mural sobre Roberto Vidal Bolaño e rematando a festa cun gran baile amenizado polo grupo "No cómbaro" ao cal lle queremos agradecer a sú presenza, xa que fixeron a nosa xornada ideal!

Esperemos que se poida repetir en futuros cursos xa que os nenos e nenas pasárono en grande!

O día 23 de maio aproveitando que era día de feira en Moeche e que o tempo acompañaba, fixemos unha saída pola zona da feira. Cada neno/a maior era o responsable dun dos pequenos e así demos unha volta polas diferentes partes da feira: roupa, animais, comida,; vimos a veciños, parentes, amigos..... e gustounos moito.

---------

Ao remate do paseo, os mestres/as leváronos á zona do Concello onde comimos churros e rosquillas que os mestres/as nos mercaron na feira.

Para rematar xogamos un rato no parque do Concello e finalmente voltamos ao colexio.

Foi unha saída sinxela pola comarca pero moi bonita.

Aquí estamos preparandonos para, un ano máis, disfrutar dunha xornada de xogos populares no colexio! Animádevos a vir e xogar con nós!

Este día non haberá clase.