5 anos

ÚLTIMA SEMANA DO CURSO 2019-2020, DO LUNS 15 AO VENRES 19 DE XUÑO

Ola familia, aquí estamos comezando a última semana deste curso 2019-2020 que ten un final tan excepcional. Deixovos a continuación as últimas propostas de actividade. 

 

PROPOSTAS DE LÓXICA: ENIGMAS CON SUMAS E RESTAS.

Propóñovos dous enigmas, un máis fácil e outro máis difícil.

1. COLOREAR CON SUMAS E RESTAS: No primeiro temos que facer as sumas que aparecen no debuxo para saber de que cor teremos de colorear cada parte. O podedes imprimir ou simplemente facer as sumas para saber a que cor se corresponde cada parte e logo colear no ordenador ou na tablet usando un programa tipo Paint. Ou podedes facer so as sumas polo pracer de dar co resultado.

So con sumas.

 

Con sumas e restas:

 

Tendes estas imaxes nesta ligazón por se queredes descargar estas e outras deste estilo. Ou poñendo no buscador a dirección que ven nas imaxes.

2. ENIGMA CON SUMAS. Aquí tendes xa unhas sumas máis complicadas. Se vos gustan e queredes máis atoparedelas nesta ligazón a orientacionandujar.es. Eu vos recomendo usar as regletas para facer estas sumas escondidas. Xa me contaredes!

 

PROPOSTA DO OBRADOIRO DE EXPERIMENTOS: O OLLO QUE NON VE.

Este experimento é unha idea do blogue conpequesnacasa. Espero que vos guste. Premendo no nome do blogue ou na foto ides ao paso a paso.

 

PROPOSTAS DE ACTIVIDADES SENSORIAIS E MANIPULATIVAS: MINIMUNDOS CON BOLAS DE HIDROGEL

A xa famosa por aquí nai do blogue de diverbichillos nos propón usar bolas de hidrogel para facer unha mesa sensorial ou un minimundo do máis tactil. Estas bolas cando as mercamos son moi pequeniñas, temos que hidratalas deixandoas en auga, seguindo as instruccións. Se vos animades mandade algunha foto!

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 15 Ene, 2020 a las 2:36 PST

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 8 Jun, 2020 a las 2:43 PDT

 

PROPOSTA DE MEDIOAMBIENTE: REDUCIR O PLÁSTICO DUN SO USO NAS NOSAS MERENDAS.

Aquí vos deixo, como vos prometín, as miñas proposta para unhas merendas na escola máis sostibles, a ver se coincidimos!

 

BOTELLA DE PLÁSTICO DE AGUA MINERAL

BOTELLA METÁLICA OU DE PLÁSTICO REUTILIZABLE. PODEDES RECHELA CON AUGA DA BILLA OU CUN BOTELLÓN DE AUGA MINERAL.

 

BOCADILLO ENVUELTO EN PAPEL DE ALUMINIO

FIAMBREIRA METÁLICA QUE PODE OU NON TER VARIOS COMPARTIMENTOS. OU A DE ABAIXO.

 

ZUMO EN TETRABRICK CON PAJITA DE PLÁSTICO

ZUME DE BRICK GRANDE (OU MELLOR NATURAL, OU AÍNDA MELLOR BATIDO DE FROITAS ) NUNHA BOTELLA REUTILIZABLE METÁLICA OU DE PLÁSTICO, COMO A DE ARRIBA. PODEMOS PRESCINDIR DA PALLIÑA OU USALAS DE SILICONA REUTILIZABLES (LÍMPANSE CON CEPILLIÑOS TIPO LIMPAPIPAS QUE SOEN TRAER NA CAIXA)

 

BOCADILLO ENVUELTO EN PLÁSTICO

FIAMBREIRA DE PLÁSTICO, CON OU SEN COMPARTIMENTOS. OU A METÁLICA DE ARRIBA.

  COMPRAMOS UN PAQUETE GRANDE E METEMOS AS TORTIÑAS OU GALLETAS NUNHA FIAMBREIRA COMO AS ANTERIORES. OS QUEIXIÑOS OS SUTITUIRÍA POR PORCIÓNS DUN QUEIXO GRANDE TAMÉN EN FIAMBREIRA.

 

PROPOSTA DE DEBUXO, LECTOESCRITURA E XOGO EN FAMILIA: PICTIONARY CASEIRO.

Supoño que xa coñecedes este xogo, consiste en facer unhas tarxetas con nomes de obxectos, accións, elementos naturais, ... ou o que se vos ocorra. Logo as baraxamos e imos por turnos de un en un collendo unha tarxeta. A lemos e logo temos que facer o debuxo do que hay escrito, o resto de xogadores/as teñen que adiviñar o que estamos debuxando. Por suposto non podemos falar.

 

 

PROPOSTA DE LECTOESCRITURA: ENIGMA DAS INICIAIS.

Hai dúas semanas tivéchedes que adiviñar algunhas palabras a través das letras iniciais dalgúns xoguetes e obxectos da casa. Hoxe vos propoño descifrar esta frase de despedida do curso que vos deixo aquí. Para algúns/has será difícil ir lendo as palabras que nos saen,pero podedes axudalos con esa parte. O máis interesante sería que eles e elas intentasen descubrir cal é a primeira letra de cada un destes debuxos, a escriben e así irán saíndo esa mensaxe oculta. Logo, se fai falla, xa lles axudades vós a ler o contido da mensaxe secreta.

Un grande aperta a todos/as!

 

LUNS 8, MARTES 9, MÉRCORES 10, XOVES 11 E VENRES 12 DE XUÑO

Ola familias, como xa vos comentei no grupo, esta semana poñeremos nunha soa entrada todas as propostas da semana. Esperamos que vos gusten.

 

DÍA DOS OCÉANOS

Como vos comentei a semana pasada, este luns celebramos o día dos océanos. Así que vos imos facer, de primeiras varias propostas relacionadas con este día, co coidado dos océanos e os seus habitantes e coa protección do medioambiente en xeral.

PROPOSTA DE LECTURA NA CASA: CONTOS E LIBROS PARA FOMENTAR A CONCIENCIA MEDIOAMBIENTAL.  Esta páxina á que vos remito premento na fotografía é do clubpequeslectores.com, e presenta 20 contos para aprender a importancia de coidar o noso entorno. Son propostas especificadas por idades, pero xa sabedes que iso é algo orientativo, algúns para maiores podemos lérllelos nós e resultarlles moi interesantes se lles motiva o tema. Son libros que, se vos interesan, podedes mercar, pedir para o voso cumple ou conseguir nalgunha biblioteca municipal.

PROPOSTA DE CONTO DIXITAL: EL JARDÍN CURIOSO. Peter Brown.

 Este é un dos contos propostos nesta páxina que eu descubrín con grande ledicia. Espero que vos guste tanto como a min. Nesta ocasión quen le o conto e unha mestra aos seus alumnos e alumnas, así que lles fai varios comentarios polo medio da lectura. Aínda así vos poño este video porque é o que atopei no que mellor se ven as fermosas, e tan importantes para a historia, ilustracións do libro. 

PROPOSTA DE MEDIOAMBIENTE: COMO REDUCIR O CONSUMO DE PLÁSTICOS DE UN SO USO NA MIÑA MERENDA DA ESCOLA.

O venres pasado propúxenvos facer unha investigación para reducir o consumo de plásticos de un so uso na vosa casa. Hoxe vos propoño algo máis sinxelo que nos pode servir tanto se fixemos esta investigación coma se non, para poñer o noso graniño de area para mellorar coidado dos océanos e o medioambiente en xeral dende algo tan habitual para nós como é a merenda que levamos á escola. 

Gustaríame que pensarades, con axuda das vosas familias, que alternativas podemos atopar a estes produtos, habituais nas merendas, que usan plasticos de un so uso:

 

BOTELLA DE PLÁSTICO DE AGUA MINERAL
  BOCADILLO ENVUELTO EN PAPEL DE ALUMINIO
  ZUMO EN TETRABRICK CON PAJITA DE PLÁSTICO
  BOCADILLO ENVUELTO EN PLÁSTICO
  PAQUETES INDIVIDUALES DE TORTITAS, GALLETAS, QUESITOS O ALGO SIMILAR. 

 

Escribín a descripción en castelán para que o poidan ler eles e elas se lles apetece intentalo.

A próxima semana poñereivos un pequeno exemplo do que faría eu neste caso, a ver se coincidimos!

PROPOSTA DO OBRADOIRO DE COCIÑA: FACENDO XEADOS CASEIROS E MÁIS SAUDÁBEIS.

Aquí tendes as receitas de cinco xelados que podemos facer na casa e que son máis saudábeis que os comerciais. Estas receitas son da páxina de lapediatralaura e de chefbosquet. Espero que os gusten!!

Esta é a explicación, espero que sexa bastante clara, eu tamén vou a probar a facer algún...:

1. MINI DONUTS HELADOS DE CARAMELO DE PISTACHO:⁣
-Tritura 100g de pistacho picado /70g dátiles remojados/50g agua de dátiles/80g queso batido.⁣
-Pasa al molde, congela y cubre con chocolate.(salen 15)⁣
2.HELADO DE PLÁTANO Y MORAS.⁣
-Tritura 2 plátanos congelados, 200g de moras congeladas, un poco de lima y decora al gusto.(2-3raciones)⁣
3. POLOS DE FRUTA Y YOGUR⁣
-Tritura fruta (frambuesa, mora, kiwi, etc) y llena 1/3 del molde, acaba de rellenar con yogur y congela.⁣
4.CALIPO DE MANGO: Tritura un mango, zumo de 1/2 lima y 5 hojas de hierbabuena. Pasa al molde y congela.(salen 3-4)⁣
5. FRIGOPIE.⁣
-Tritura 30g frambuesa, 100g fresa, 50g dátiles remojados. Monta 100g de Nata e integra en la mezcla anterior. -Pasa al molde y congela.⁣
(Salen 4-5)⁣
•⁣
NOTAS Y TIPS:⁣
-Puedes usar indiferente: yogur(vegetal o no), queso batido..⁣
-Nata de vaca o vegetal.⁣
-Puedes adaptar todo a tus moldes.

 

 
 
 
Ver esta publicación en Instagram

Una publicación compartida de Dra. Laura Álvarez (@lapediatralaura) el 5 Jun, 2020 a las 11:32 PDT

 

 Se facedes algunha desta recetas, e vos gusta, lembrade escribir cos vosos fillos e fillas a receita, para así xogar un pouco coas palabras, as letras e texto da receita.

 

 PROPOSTA DE LÓXICA MATEMÁTICA: COMPOSICIÓN DOS NÚMEROS CON REGLETAS.

Esta volve a ser unha actividade para utilizar as regletas de cuisenaire que podedes volver a descargar e imprimir se premedes na imaxe, pois vos leva ao outro día no que vos propuxen a primeira actividade con estas regletas.

Hoxe vos propoño facer a composición de todos os números, do 1 ao 9 coas regletas.

 

A idea é empezar polo primeiro número, como podemos compoñer o número 1 coas regletas?

Presentamos o material ao neno/a e terá que poñernos o número con todas as posibilidades que teña usando este material. 

Sucede o mesmo co 2, pero veremos que aquí temos dúas posibilidades (estas imaxes son para vós, familias, eles e elas deben ser os que cheguen a estas conclusións usando as regletas)

 

Co resto de números teremos tamén outras posibilidades, a idea é que eles e elas sos dean con todas estas composicións, sempre podedes colaborar con eles/as se están algo atascados/as.

 

PROPOSTA SENSORIAL: RESCATE DOS ANIMAIS DUN MAR DE PLÁSTICOS CONTAMINADO.

 Unha idea da creativa creadora do blogue diverbichillos da que, xa vedes, que son moi seguidora. Creo que para os nenos e nenas da nosa clase, en xeral é un xogo manipulativo, divertido e moi pringoso. No blogue tendes toda a explicación:

 

 
 
 
Ver esta publicación en Instagram
 
 
 

Una publicación compartida de DiverBichillos (@diverbichillos) el 20 Ene, 2020 a las 2:06 PST

 

PROPOSTA DE EXPERIMENTOS: DE VASO A VASO.

Este é un experimento do blogue conpequesnacasa. Moitas grazas a esta mestra por compartir tantas propostas tan interesantes. Unha vez máis, premendo na imaxe, ou no nome do blogue ides ao paso a paso con fotos deste experimento.

Materiais: Bandexa grande, dous vasos, cordón tipo la, fixo e auga.
 
Proceso: O xogo consiste en pasar a auga dun vaso a outro, sen que caia, e poñendo os vasos moi lonxe o un do outro.
 

 

PROPOSTA DE LETRAS: ASOCIACIÓN DE PALABRAS E ANIMAIS MARIÑOS.

Seguindo con esta celebración do día dos océanos, e tendo en conta que xa estamos ás portas do verán e da praia aquí vos deixo esta proposta en forma de ficha que podedes descargar no enlace de adxuntos. A cuestión é asociar as fotografías cos nomes. Tendes nomes a versión con maiúsculas e con minúsculas, para os/as que o prefiran. Podedes imprimir a ficha ou facela visualmente no voso ordenador ou tablet. 

XOVES 4 E VENRES 5 DE XUÑO

Bo día familias, as propostas de actividades para estes dous días son as seguintes:

 PROPOSTA DO OBRADOIRO DE MEDIOAMBIENTE, LECTURA DO CONTO: RANA DE TRES OJOS.

Hox, venres 5 de xuño, é o día Mundial do Medioambiente, por iso vos quero propoñer en primeiro lugar a lectura na casa deste conto que podedes descargar gratuítamente en PDF nesta páxina dá súa autora Olga de Dios. Premento na imaxe ou no nome da autora ides á páxina onde veredes un botón para facer esta descarga gratuíta para que lles leades na casa, se queredes, este conto aos vosos fillos e fillas.

Rana de Tres Ojos crece nun lugar contaminado. Salta moi alto para entender o que sucede. Axiña descubre que quere cambiar as cousas... Conseguirao ela soa? Un conto para ilusionarnos coa busca de solucións comúns que promove a reciclaxe a reutilización de obxectos. 

Seguramente moitos e moitas xa coñecedes as famosas tres R para o coidado do medioambiente dende as nosas casas: Reducir, Reciclar e Reutilizar.  

Noutras propostas deste blogue vos animamos a reciclar nas vosas casas facendo carteis para os vosos cubos do lixo e así facer unha correcta clasificación dos residuos.

Desde o blogue da biblioteca nos animan a reutilizar elementos de refugallo para facer os vosos propios xoguetes. 

Hoxe vou a propoñervos iniciarvos en Reducir o tipo de lixo que se xenera nas vosas casas. Sobre todo o lixo procedente de plásticos, que, como sabedes, é tan perigoso porque acaba nos nosos océanos creando graves problemas para os habitantes do mar: animais e vexetais. Vos lembrades las tartarugas mariñas cos plásticos apretando os seus corpos? ou intentando comer as bolsas plásticas que confunden coas algas?

Por todo isto e porque, ademais, o próximo luns é o Día Mundial dos Océanos, propóñovos facer unha investigación como as que faciamos na escola sobre os insectos ou os volcáns, pero nesta ocasión sobre a reducción dos plásticos de un so uso na nosa casa co obxectivo de xerar menos lixo deste tipo tan perigoso para o medioambiente. Acordádevos de que para isto:

- podemos facer as nosas propostas pensando a ver como podemos consumir menos plásticos empezando por pensar de onde sae o plástico do noso lixo. Ide ao cubo do lixo e pensade a ver cal é plastico e que foi o que mercamos para xerar ese lixo.

- Logo podemos pensar en alternativas a iso que mercamos con plásticos de un so uso.

- Se non se nos ocorren moitas podemos preguntar as nosas familias, suponse que nesta investigación deberían axudarvos os vosos pais e nais, pero tamén o resto da familia, amigos/as ou coñecidos/as, sobre todo se pensades que poden ser expertos e expertas no tema.

- Onde máis podemos buscar información? ocórresevos? a ver se se vos ocorre a vós antes de que os vosos pais e nais volo conten: Internet, libros, revistas, contos, ... 

- Unha vez teñamos certa información do que podemos facer vos propoño elaborar un mural, unha libreta de instruccións, unha colaxe,... un soporte no que colocar a vosas alternativas ecolóxicas que se vos ocorreron para reducir ese plástico nas nosas casas. 

- Por último podedes facer unha comparación do lixo ou ben do "lixo en potencia" procedente de plásticos que tendes nas vosas casas co lixo ou "lixo en potencia" das vosas casas na última semana do curso (quedan dúas semanas) para ver se con esas alternativas conseguimos baixar o lixo plástico que se produce na nosa casa. É dicir:

- Lixo: comparamos o lixo que temos hoxe no cubo do lixo procedente de plásticos. Facemos unha foto, contamos o número de elementos, o metemos nunha bolsa todo xunto e o pesamos nunha báscula. O elemento de control que vos sexa máis cómodo e que teñades á man nas casas.  E dentro de dúas semanas apróximadamente volvedes a facer isto, medir a cantidade de lixo que tendes no cubo do lixo procedente de plásticos. Así poderedes comprobar se as medidas tomadas na casa tiveron algún éxito.

- "Lixo en potencia": Podedes ir habitación por habitación buscando aquelas cousas que a medio prazo van a rematar no lixo, por exemplo: na cociña temos as bolsas de plástico da compra, as bolsas e bandexas de porexpan no que veñen as froitas ou verduras, ás veces, ... no baño están os cepillos de dentes, os botes de champú, xel, cremas, ... Esta áctividade é máis complicada, porque tendes que buscar alternativas a estes embases. Dentro de dúas semanas volver a facer a comparación, para ver que cambiáchedes algúns destes obxectos por outros que non conteñan nada de plástico ou que teñan unha durabilidade maior.

 

PROPOSTA SENSORIAL E DE PINTURA: PINTANDO CON XEO.

Hoxe vos fago outra proposta especialmente indicada para os nenos e nenas da clase que máis disfrutan coas propostas sensorias, que temos varios/as, pero ademais, nesta ocasión permítenos explorar o noso lado artístico. 

Para facer estas pinturas de xeo poden colaborar os vosos fillos e fillas tamén. Trátase, de novo, de facer pinturas caseiras, pero esta vez conxeladas!!

MATERIAIS:

- Cubitera de xeo.

- paus de xeado, pequenos depresores ou algo similar.

- colorante alimenticio.

- auga

- papel

 Premento na foto seguinte ides a esta publicación de diverbichillos.

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 21 Mar, 2020 a las 8:03 PDT

 

 

PROPOSTA DE EXPRESIÓN ORAL: CONTINÚA A HISTORIA

 

 Esta proposta volve a ser un xogo colaborativo para que xoguedes en familia. É moi similar ao xogo de cadro colaborativo coa técnica do folio xiratorio que vos expliquei estes días, pero nesta ocasión o que imos facer é contar unha historia entre todos/as.

Para facelo máis divertido e complicalo algo máis, antes de comezar a historia cada participante pode dicir unha palabra calquera, a que se lle ocorra. A apuntamos ou debuxamos e a colocamos no centro dos xogadores xunto coas tarxetas coas palabras ou debuxos que representen as palabras dos demais xogadores/as.

Agora comeza a nosa historia o primeiro participante, como queira. A cuestión é que nalgún momento terá que incluir nesa historia unha das palabras que estan no centro. Unha vez concluído o tempo (que podemos acordar ao principio ou facer a ollo) tócalle ao seguinte participante seguindo as agullas do reloxio. Este/a terá que continuar esa historia, pero pode facelo ao seu gusto, dando os xiros inesperados que lle apetezan. Iso si, terá que incluir en algún momento algunha das palabras escollidas por todos/as. Logo tócalle ao seguinte e así ata rematar a historia.

Ao comezo debemos tamén decidir o número de roldas que faremos, por exemplo dúas ou tres, para saber cando debemos ir rematando a historia. 

 Este xogo fomenta a colaboración, a solidariedade e o respecto polas aportacións das demais persoas, ademais de favorecer a actividade en equipo. Pero sobre todo axuda a desenvolver a nosa imaxinación e soe provocar moitas risas.

 

Boa fin de semana familias!

 

 

LUNS 1, MARTES 2 E MÉRCORES 3 DE XUÑO.

Ola familias, esta semana non podo subir os tres primeiros días as actividades á nosa web, así que aquí vos deixo propostas para estes tres días:

PROPOSTA DE MOVENTO: CAMIÑO TRAMPULLEIRO.

Esta é unha proposta de movemento do blogue conpequesnacasa para o que necesitaremos uns folios e uns rotuladores ou outras pinturas para crear as lousas do camiño. Espero que vos guste, sobre todo para este posíbeis días de choiva.

PROPOSTA DE LETRAS: A PALABRA SECRETA.

En outras ocasións vos propuxen ir repasando a asociación do son das letras do abecedario coa súa grafía a partir dos diferentes obxectos que temos na nosas casas. Reitérovos o interesante de continuar con esta actividade, sobre todo para aqueles nenos e nenas que aínda non coñecen e asocian ben estes sons con todas as letras. 

Nesta ocasións vos propoño algo parecido, pero á inversa. É unha actividade que inventaron as compañeiras de 5º de infantil (4-5 anos) e que me pareceu moi divertida. Vou a deixarvos varias fotos nos que, atendendo a esas letras iniciais dos obxectos e aos seus sons, claro, poderedes descubrir unhas palabras secretas. 

 

Esta de arriba  poñoa outra vez nas dúas seguintes fotos para que se vexa mellor:

 

Esta última palabra tamén vola poño nas dúas fotos seguintes para que se vexa mellor:

 

Estas palabras secretas dan resposta a estas pistas que vos deixo aquí abaixo:

 

Hoxe fun de paseo pero olvidei na casa algo importante, un...

Cal é a miña flor favorita?

Un animal que me encantaría ver no seu hábitat natural.

Un insecto que vin a semana pasada no meu xardín.

A froita que máis me gusta na primavera.

Que podo usar para atopar un tesouro?

 

PROPOSTA SENSORIAL: A NATUREZA FÁLANOS.

Outra proposta do blogue conpequesnacasa, esta vez para desfrutar cos sons da natureza e intentar adiviñar de que elemento se trata usando a escoita. 

PROPOSTA DE LÓXICA: A CAIXA DOS USOS.

 Comenteivos xa, noutras ocasións, a importancia de adquirir o concepto de número con esa asociación á cantidade que representa, non como unha serie que escribimos en esa orde. Pois aquí tendes outro sinxelo xogo que podedes facer para reforzar este concepto de cada número.

Esta é unha actividade clásica para a adquisción dos número do 0 ao 9 segundo o método Montessori. Podemos facer unha estructura como a que aparece na foto, pero realmente non sería necesaria. Pode servirnos con ter 9 vasos de cartón ou plástico aos que escribimos o número correspondente.

 

Logo temos unha cestiña con paos de xeado (os podedes mercar en papelerías ou bazares) ou ben con mondadentes (palillos) e un montonciño de gomas (pero esta parte, para min, e opcional, logo vos explico o motivo).

O xogo consiste en ir colocando en cada vaso o número de paliños correpondente, pero segundo María Montessori é importante ilos recollendo coas gomas para que quede un paquetiño de paus. Así imos interiorizando que o 2 contén dous paus, o 6, conten esos seis paus, o 8 contén oito,... e o 0 ningún. Fixádevos que aquí é importante que fagamos tamén o vasiño do 0. Na miña opinión  facelo así é moi interesante cando estamos aprendendo este concepto de número do 1 ao 9, pero para moitos dos nenos e nenas da clase, que o teñen bastante ben asimilado pode ser suficiente con meter ese número de paliños no vaso, non se poden meter máis nin menos. Así podemos facer o seguinte paso, para o que sí necesitamos esas gomiñas para unir os paliños.

O seguinte paso xa pertence a un método de aprendizaxe das matemáticas chamado método ABN, e creo que tamén é moi interesante para adquirir o concepto de decena, e xa, máis adiante, de centena. sería facer o seguinte grupo de vasos do 10 ao 19, pero agora ímolos organizar dun xeito algo diferente. Usando igualmente uns vasiños aos que escribiremos os números do 10 ao 19 agora sí que é fundamental que agrupemos os paliños que formen e cada caso un paquetiño do 10, a decena. Así no vaso do 10 metermos un paquetiño con 10 paliños. No do 11 meteremos un paquetiños con 10 paliños e un paliño solto. No do 12 meteremos un paquetiños con 10 paliños e dous paliños soltos, e así seguiremos ate o 19.

 Se o desexades e o xogo os motiva podedes continuar coa caixa do 20, no que cada vaso terá dous paquetiños de 10 paliños e logo as unidades correspondente en paliños soltos. 

 PROPOSTA DE DEBUXO E PINTURA: CADRO COLABORATIVO (TECNICA DO FOLIO XIRATORIO). 

 Esta é unha técnica moi divertida para irnos familiarizando con traballo en equipo e cos interesantes resultados que conseguimos cando colaboramos.

Para facer este cadro necesitamos os materiais que queiramos para debuxar e pintar, pode ser, primeiro un soporte: papel, cartolina, cartón, lenzo,... e despois os elementos para o debuxo: lápis, ceras, pinturas, témperas, acuarelas,... podedes colocar o material a vosa disposición.

A actividade é moi sinxela, trátase de facer un cadro entre os participantes, nesta ocasión poden ser os membros da familia que queiran participar. Sorteamos ou decidimos quen empeza e como serán os turnos de debuxo, que iremos xirando a cada participante seguindo as agullas do reloxio. Decidimos tamén o tempo para cada paticipante, que pode ser 1´, 2´... non vos recomento moito tempo para que sexa máis divertido. E tamén o tempo total ou as veces que participaremos todos (as voltas que dará o cadro).

Así comezamos o debuxo, e a persoa á que lle toca pintar decide técnica, material e tamén o que pinta, os demais non poden suxerir nin protestar, é o seu turno. Unha vez transcorrido o tempo tócalle ao seguinte, e poderá facer exactamente o mesmo, aínda que interfira co que xa debuxou a persoa anterior, sempre con respeto, non imos tapar o que fixo outro participante, pero si que podemos engadir cousas, colorealas, modificar certas partes,... Se remata o tempo o cadro volve a xirar, agora tócalle ao seguinte, e así ata que rematen os turnos ou to tempo total que decidimos xuntos/as ao principio. 

Agora observaremos o resultado, podemos ver se nos gusta máis ou menos, pero sobre todo debemos valorar se foi ou non divertido facelo así. 

PROPOSTA DE CONTO DIXITAL: SETE RATOS CEGOS.

Coñecín este conto tamén a través do blogue de conpequesnacasa e gustoume moito, espero que tamén vós o desfrutedes. Boa semana.

 

VENRES 29 DE MAIO

Ola familias, aquí vos deixo dúas propostas para hoxe:

 

PROPOSTA DE PLÁSTICA E PSICOMOTRICIDADE: CAZAR A MOSCA.

É unha actividade do blogue conpequesnacasa, premendo no nome ou na imaxe accededes directamente a ela e aso pasos para elaborar esta actividade para a que necesitaredes:

MATERIAIS


- Rolo de papel hixiénico.

- Cordón ou la.

- Grampas e/ou pegamento.

- Pintura ou folios.

- Garavanzo ou faba/bóla pequena ou canica/ pedriña ou similar.

 

 Despois hai que intentar encestar a mosca na boca da ra, a prácticar toda a familia!

 

PROPOSTA DE LECTOESCRITURA E COMPRENSIÓN ORAL: PASAPALABRA

Este xogo clásico da tele podemos xogalo nunha versión infantil na páxina cokitos.com. Para comezar o xogo prememos na flecha que aparece na parte inferior dereita. Tendes que ter o son activado porque o xogo consiste en adiviñar que palabra se esconde detrás de cada letra do abecedario que aparece representado nun círculo. En cada letra se nos da unha breve definición desa palabra. A maioría das palabras comezan polo letra que nos toca, pero unhas pouquiñas, un pouco máis difíciles, polo tanto, conteñen esa letra dentro delas. Debedes explicarlles ben isto antes de comezar o xogo. 

Para comezar tendes que pulsar a tecla que pon Pasapalabra. Así unha voz vos dará a primeira definición. Se o neno/a coñece a resposta a escribe co teclado en maiúsculas ou minúsculas, segundo o nivel de lectoescritura no que estea cada neno/a. Segundo o caso lles axudades ou directamente o escribides vós, pero podedes deixar que sexan elas/es os que poñan a letra que nos toca. 

Se non podedes accedes á web ou preferides facer o xogo de xeito caseiro mellor que dixital vos deixo esta outra ligazón premendo aquí cunhas propostas de definicións sinxelas (tendes para varias rondas, con definicións un pouco máis fáciles e outras algo máis difíciles) . A dinámica do xogo sería a mesma, pero teremos que colocar unhas letras de forma circular (podemos escribilas nun folio e recortar), logo por turnos sodes vós os que lles ides lendo as definicións.

 

 

XOVES 28 DE MAIO

Ola familias, aquí vos deixamos as propostas para hoxe:

 

PROPOSTA DO OBRADOIRO DE EXPERIMENTOS: CAMBIO DE COR.

Estamos na é poca da col lombarda, así que hoxe vos propoño este interesante experimento químico para o que necesitamos como ingrediente principal este vexetal. Con el imos achegarnos ao concepto de sustancias ácidas de básicas, segundo o seu PH. Por suposto esta explicación pode ser algo complicada, pero o experimento resulta moi doado de facer e é bastante espectacular. 

MATERIAIS:

- Unha col lombarda.

- Vinagre.

- Zume de limón.

- Bicarbonato sódico.

- Levadura química.

- Xabrón en po.

PROCEDEMENTO.

1º Primeiro debemos ferver a col lombarda en auga previamente cortada en cachos medianos.

2º Unha vez cocida colaremos a auga e gardarémola, pois este é o líquido de base para o noso experimento. Se o líquido morado azulado que vos quedará é demasiado escuro podedes rebaixalo con un pouco de agua para que as cores resultantes sexan máis vistosas.

3º Botamos o líquido en varios frascos ou tarros transparentes. Iremos botando o resto de ingredientes descubrir  o que sucede. Lembrade previamente pedirlles que fagan hipóteses, que creen que sucederá ao botar o vinagre. Lembrade que todas as respostas son correctas, aínda que non acerten, é normal, o que importa é que intenten prever un resultado calquera: que pensen e imaxinen. Cada vez que probemos cunha nova sustancia volvemos a preguntar, e mesmo nós, podemos facer as nosas hipóteses. 

4º Que vai a suceder: 

- ao botar o vinagre: o líquido volverase vermello, porque é moi ácido.

- Co limón: volverase vermello, pero máis claro, porque é ácido, pero non tanto como o vinagre.

- Co bicarbonato volerase azul, porque é básico.

- Xavrón: volverao verde por ser aínda máis básico.

Despois podemos seguir experimentando e mesturando a ver que sucede, e se, por exemplo botamos vinagra a unha soluión á que previamente lle teñamos botado bicarbonato veremos un efecto burbuxeante.

Esta imaxe do experimento pertence ao blogue de instagram diverbichillos, premento na imaxe ides á publicación.

 PROPOSTA DE LÓXICA MATEMÁTICA: PUZZLES CON REGLETAS.

Na publicación e hai uns días paseivos un enlace para imprimir estas regletas de cuisenaire se non as tendes mercadas na casa. Hoxe propoñovos outra actividade co mesmo material: reproducir patróns con estas regletas. Se lles resulta moi complicado, ao principio, comezamos coas plantillas en cor. 

O seguinte paso sería facelas con plantillas en branco e negro:

Despois podemos facelo con plantillas sen as raias interiores:

Por último fariamos as figuras coa plantillas en tamaño pequeno, de tal xeito que temos o modelo pero non está a tamaño real, así que o faremos a parte, intentando reproducir ese modelo coas noas regletas:

 

No documento adxunto tendes algunhas plantillas destes tipos que vos comentei: a tamaño real en cor, en branco e negro, sen as raias interiores e en pequeno tamaño en cor e en branco e negro. As que son a tamaño real poden estar mal escaladas, o fixen co ordenador e non teño medios para comprobar que de verdade están a tamaño real. Espero que aínda así vos sirvan. 

 

MÉRCORES 27 DE MAIO

PROPOSTA DE EXPRESIÓN E COMPRENSIÓN ORAL: ADIVINA A PERSONAXE

Este é un xogo pode facerse de dúas formas.

1º/ Pode ser que unha persoa a que elixe unha personaxe que lle gusta, o escribe ou debuxa nun papeliño e o resto de xogadores fanlle preguntas para adiviñar esa personaxe. Eso sí, as preguntas teñen que ser pechadas, con resposta SI ou NON.  Por exemplo: son un home? son un animal? son unha nena? teño a pel escura? teño catro patas?... E a persoa que o adiviñe pode ser a seguinte en escoller personaxe, ou podemos ir por quendas (turnos) para que nos toque a todas.

2º/ Podemos ter todos unha personaxe, pero non a escollemos nós, a escolle a persoa que temos á nosa esquerda ou dereita (isto o decidimos antes de comezar). Necesitamos un paquetiño de papeles post-it, preferiblemente, se non podemos usar papel e cinta adhesiva suave.

Cada persoa escribe ou debuxa a súa personaxe, que debe ser famosa para que todos os xogadores/as a coñezan, e pega o seu papel na fronte (frente) da persoa que ten ao lado.

Así todos temos a nosa personaxe pegada na fronte, os demais ven quen somos, pero nós non sabemos que personaxe nos tocou.

Por quendas imos preguntando con preguntas pechadas de resposta SI ou NON (tamén pode haber un quizais, as veces...): son un can? teño o pelo vermello? son moi velliño? sempre levo un pantalón azul?... O xogo consiste en que todos os participante adiviñen a súa personaxe coa axuda do resto de participantes, ao ir respondendo esas preguntas. 

Este xogo aparece moi ben explicado na páxina guíainfantil.com.

 PROPOSTA DE OBRADOIRO DE COCIÑA: AMASAR GALLETAS DE MANTEIGA.

Esta é unha receita clásica que nos da a gozosa posibilidade de amasar coas nosas mans, enchernos de fariña, dar forma as galletas, adornalas ao noso gusto, fornealas e comelas (non se deben consumir a diario, polo contido en azúcre e graxas, pero si de vez en cando). No blogue conpequesnacasa aparece esplicado de maravilla, paso a paso (ligazón no nome do blogue e na primeira foto). Tendes a opción tamén de facelas de chocolate. Ao final podedes descargar un documento coa receita en pictogramas de fácil lectura e comprensión. 

Últimamente non volo recordo tanto, pero cando fagamos calquera receita (de cociña e de experimentación ou mesmo sensorial) aproveitade para escribila, ao para traballar as palabras dos ingredientes como vos amosei nos videos de lectoescritura que vos enviei hai tempo xa ao grupo. Sempre adaptándonos e tendo en conta o nivel de lectoescritura no que se atopa cada un/unha. Sempre que queiran, claro, pero é interesante aproveitar para traballar un pouco a utilidade da escritura. Escribindo a receita podemos repetila e que nos saia rica outra vez. Ademais o texto da receita é un tipo de texto moi particular que inclúe listaxe, explicación en varios pasos, contén cantidades, ... animádevos a escribir con eles e elas (mesmo aínda que o fagades vós e eles obserben como escribides os ingreidentes, o proceso,...). E lembrade pesar ou medir con cazos e culleres as cantidades das receitas, así tamén estamos favorecendo o pensamento matemático.

LUNS 25 E MARTES 26

Bo día familias. Aquí vos deixo as primeiras propostas para esta semana. Espero que algunha vos interese. Lembrade os que aínda non tivéchedes titoría esta semana ou a anterior comigo que estou agardando a vosa resposta co horario que vos ben mellor. Grazas.

PROPOSTA DE PLÁSTICA E XOGO SENSORIAL: FACER SLYME CASEIRO. 

Polo que me contáchedes algunha familia, este material tan  interesante sensorialmente non é tan doado de facer de xeito caseiro, sen embargo, nesta páxina aparécenos explicado de varias maneiras, así que aquí vos deixo as tres posibilidades e xa me contaredes se sae. Esta nai do blogue asegura que sí, ogallá vos guste!

 A primeria proposta parece que é a que mellor funciona según ela, pero non é apta para nenos/as que leven aínda as cousa á boca, pois emprega líquido de lentes de contacto.

 
 
 
Ver esta publicación en Instagram

Una publicación compartida de DiverBichillos (@diverbichillos) el 15 Mar, 2020 a las 5:40 PDT

 

 INGREDIENTES

- un bote pequeno de pegamento líquido transparente (pódese usar tamén cola branca)

- unha culleiriña de bicarbonato sódico

- unha culler (aproximadamente) de líquido de lentillas.

- colorante alimenticio e purpurinas. 

 

PREPARACIÓN:

" Para prepararlo vertemos en primer lugar el pegamento, añadimos el bicarbonato y removemos bien. A continuación vamos añadiendo poco a poco el líquido de las lentillas mientras amasamos bastante y vamos viendo la textura. El líquido de las lentillas es lo que le da la elasticidad, pero si nos pasamos la masa se volverá dura y quebradiza, por lo que es mejor pecar de prudentes, amasar bien, dejar reposar un poco y luego aumentar la cantidad de líquido de lentillas si aún está demasiado pegajosa. Por último, añadimos el colorante alimenticio y la purpurina. 
Nosotros hemos hecho masa de dos colores y luego la peque las ha mezclado. .
ATENCIÓN: al llevar líquido de lentillas esta masa no se puede hacer con peques que se lleven cosas a la boca. Después de jugar hay que lavarse bien las manos. "

 Esta segunda proposta sí que se pode usar con nenos e nenas que aínda levan cousas á boca, como algún caso que temos na aula. 

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 24 Mar, 2020 a las 4:19 PDT

INGREDIENTES

- semillas de chía (agora na maioría dos supermercados)

- auga.

- colorante alimenticio

- fariña de millo ou maicena.

PREPARACIÓN 
" La preparación consiste en hidratar en primer lugar las semillas de chía en agua y dejarlas reposar unas horas. La cantidad de agua será aproximadamente el doble de la de semilllas, y si queremos darle color agregaremos colorante alimenticio a este agua.
Cuando las semillas estén hidratadas y hayan soltado un gel viscoso, agregaremos harina de maíz hasta saturar y que la masa deje de estar pegajosa. La mezcla admite bastante harina e implica un rato de amasado hasta conseguir la textura idónea. Después de esto, ¡ya estará lista para jugar!
La masa endurece tras un rato sin uso, pero agregándole unas gotas de agua y amasando de nuevo, vuelve a estar en perfectas condiciones. "

Esta última é para crear un minimundo con slyme.

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 7 May, 2020 a las 2:57 PDT

 

 PROPOSTA DE LECTOESCRITURA E DEBUXO: ANIMALARIO FANTÁSTICO.

Esta é unha actividade explicada no blogue conpequesnacasa. "É unha experiencia baseada nunha das técnicas creativas de Rodari.

Partindo do gran interese que adoita suscitar nas crianzas o mundo animal... Propoñémosvos crear un “Animalario fantástico” de novas especies. Como crearemos esas especies?" Premendo na imaxe ides á páxina onde se explican os pasos da actividade.
 
 
PROPOSTA DE LÓXICA: COMPLETANDO SUMAS.
Este tipo de actividade vos recomento iniciala de forma manipulativa, coma sempre. Propoñemos unha suma na que falta un dos sumandos pero temos o resultado. 
Tamén lles deixamos elementos físicos cos que "ver" e "tocar" esa suma. Para poder xuntar e logo separar e así chegar á conclusión.
 
 
 
Despois de facer isto de forma manipulativa podemos facelo no papel facéndolles a proposta da suma igual, co resultado pero faltando un dos sumandos. Logo eles e elas poden ir debuxando puntiños para chegar ao resultado. Nesta web podedes facelo de forma dixital, nesta ligazón de cokitos.com, premendo na imaxe ou no nome:
 
 
 
 
PROPOSTA DE CONTO: O PUNTO
Tamén aparece no blogue conpequesnacasa: "Unha historia que trata da importancia de crer nun/ha mesmo/a, de confiar no propio talento e creatividade, e no papel que temos as persoas adultas na construcción da autoestima das crianzas, a través da empatía, a aceptación sen xuizos e a confianza."
 
 

XOVES 21 E VENRES 22 DE MAIO

Bo día familias, con este día tan soleado supoño que aproveitaredes para saír a algunha zona bonita a pasear, se as vosas tarefas e traballos volo permiten. Que gocedes moito do día. Aquí vos deixamos as propostas para hoxe:

 

PROPOSTA DE VIDA PRÁCTICA: PASAR O PANO AOS MOBLES.

Como xa vos dixen, grazas ao traballo de outras mestras e mestres descubrimos novas actividades interesantes como esta. Nada máis colaborador e doado coas tarefas da casa que pasar o pano aos mobles e obxectos decorativos da casa, sempre con moito tino e calma, desfrutando da tarefa, que deso se trata. No bloque conpequesnacasa atopei esta sinxela e interesante idea, espero que vos guste.

 

PROPOSTA DE LECTOESCRITURA: CONCURSO DE PALABRAS.


Hoxe vou a propoñervos un xogos dixital por primeira vez, a ver que vos parece. Este primeiro xogo é de lectoescritura, o tendes na páxina cokitos.com. O xogo consiste en ir colocando as letras da imaxe que nos aparece. Temos unha serie de de vogais e consonantes, unhas pertencen á palabra e outras non, e eles/as teñen que colocalas no seu lugar. 

PROPOSTA DE LÓXICA: SUMAS ATA O 10 CON APOIO VISUAL.

Na páxina aulapt.com tendes a opción de descargar ata 100 sumas ata o 10 con apio visual. Logo podedes imprimilas ou podedes copiar a idea, pois veredes que é bastante doado. 

PROPOSTA DE CONTO DIXITAL: ARTUR E CLEMENTINA

 

MARTES 19 E MÉRCORES 20

Bo día familias de 6º de infantil, aquí vos deixamos as propostas para estes dous días:

PROPOSTA DO OBRADOIRO DE COCIÑA: CHULAS DE PAN OU TORREXAS  (TORRIJAS) MÁIS SAUDÁBEIS.

As chulas de pan en Galicia, máis coñecidas, se cadra, como torrexas son unha receita moi sinxela na que poden participar todos os nenos e nenas da nosa clase. Ademais é unha receita de aproveitamento, pois podemos usar ese pan branco de onte ou antonte, que é moito mellor para esta preparación que o pan fresco ou de molde. 

Na receita tradicional temos que fritir as chulas, pero nesta proposta simplemente as metemos ao forno, algo que as fai moito máis saudábeis e é un prodecemento de cociñado no que poden participar os pequenos/as con máis seguridade.

INGREDIENTES

- Pan branco de barra ancha, mellor de onte ou antonte. O cortamos en forma de torradas. Tamén podemos usar pan de molde de torradas grosas.

- Leite de vaca ou o leite vexetal favorito.

- Canela

- Unha culleiriña de panela, azucre, mel ou unha culler de pasta de dátiles (para endulzar). 

- Cacao en po, mellor sen azucre.

- Ovos.

- Un poquiño de vainilla.

- Ingredientes opcionais para decorar: mateiga ou po de froitos secos, crema de cacao sen azucre, froitas doces como fresas, framboesas, mango, arandos...

As cantidades exactas dependen do número de torrexas que queirades facer e se vos gustan máis molladas en leite, con máis ou menos dulzor... Adaptades os ingredientes aos vosos gustos.

MATERIAIS

- Papel de forno.

- Pincel de cociña.

- platos para o leite e o ovo.

- batedor ou garfo (tenedor).

- espumadeira ou espátula.

 

PREPARACIÓN

1. Precalentamos o forno a 200º.

2. Poñemos papel de forno sobre a bandexa de fornear.

2. Mesturamos o leite coa canela, o endulzante e a vainilla.

3. Remollamos as torradas na mestura de leite, por cada lado (non  deixes moito tempo as torradas, sobre todo se son de pan de molde, pois absorven moi axiña o líquido, para gustos).

4. Imos colocando as torradas molladas sobre o papel de forno con coidado, sobre todo se vos gustan moi molladas necesitaredes unha espátula ou espumadeira.

5.Batemos o ovo co cacao e, usando un pincel de cociña, pincelamos as tostadas primeiro por un lado e logo polo outro. Tamén polos lateráis.

6. Forneamos uns 15´(dependendo do forno).

7. Podemos decoralas con mateiga de froitos secos, froita ou po de froitos secos.

 

 Esta receita é unha versión da receita de Roberto ChefBosquet, que ten moitísimas receitas doces máis saudabéis. A maioría con chocolate...

 

 
 
 
Ver esta publicación en Instagram

Una publicación compartida de Roberto ChefBosquet (@chefbosquet) el 8 Abr, 2020 a las 10:50 PDT

 

 PROPOSTA DE XOGO SENSORIAL: TRASVASES.

Esta proposta pode parece para nenos e nenas menores, sen embargo creo que pode gustar moitísimo aínda a todos os nenos e nenas da nosa clase. O que temos é que intentar adaptar a actividade aos seus intereses e capacidades. Por exemplo, se se trata de un neno que aínda leva as cousas á boca debemos usar materias que non supoñan un perigo de atragantamento, como fariña, pasta cocida, auga, noces grandes, tapóns de cortiza (corcho), ... 

 

 

Podemos usar moitos tipos de materiais para trasvasar ou manipular: legumes de todo tipo, arroz, arroz tinguido con colorante para crear minimundos, pasta cocida, pasta cru, pasta cocida e tinguida con colorantes alimentarios, fariñas de todo tipo, auga, auga tinguida con colorantes, auga con escuma, boliñas de algodon de varios tamaños, tapóns de plástico ou de cortiza, froitos secos coa súa cáscara, bolas de hidrogel, ...

 

E podemos empregar as ferramentas axeitadas aos intereses das nosas nenas e nenos: xarras, botellas, tarros, culleres (cucharas), culleiróns, cazos, pinzas de xeo, pinzas de tesoira con cazo (tipo atrapainsectos), pinzas grandes de madeira ou plástico, paliños chineses, embudos, coladores, varillas para bater, balanza ou pesa, palliñas (para soplar, trasvasar por baleiro - vacío-), pipetas, contagotas, ...

 

Como vedes nestas imaxes e ligazóns que vos deixo é un xogo moi variado, non é so para nenos e nenas pequeniños, e podemos facer moitas convinacións, mesmo dentro de casa, so temos eu limpar xuntos despois :-) 

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 10 Dic, 2019 a las 9:18 PST

 

 
 
 
Ver esta publicación en Instagram

Una publicación compartida de DiverBichillos (@diverbichillos) el 26 Dic, 2019 a las 1:08 PST

 

 

 
 
 
Ver esta publicación en Instagram
 
 
 

Una publicación compartida de DiverBichillos (@diverbichillos) el 15 Ene, 2020 a las 2:36 PST

 

 

 
 
 
Ver esta publicación en Instagram
 
 
 

Una publicación compartida de DiverBichillos (@diverbichillos) el 29 Feb, 2020 a las 2:44 PST

.

 

PROPOSTA DO OBRADOIRO DE EXPERIMENTOS: ESTRELAS DE MONDADENTES.

Un novo experimento, sinxelo, divertido e rápido no que volvemos a ver ese concepto da capilaridade que xa vimos noutro experimento máis complicado e lento. Aparece no blogue de conpequesnacasa, así que aquí vos deixo a ligazón para que fagades este pequeno experimento, se queredes.

 

PROPOSTA  DE OBSERVACIÓN E ATENCIÓN: ATOPAR AS DIFERENZAS.

 Outra proposta clásica para mellorar a nosa observación e atención. Debemos buscar e localizar as diferenzas entre dous debuxos. Tendes moitos exemplos na web, aquí vos deixo algúns. Podedes imprimilos ou gardalos no voso ordenador ou tablet e abrilos nun programa tipo Paint que vo permitan ir marcando as diferenzas cun roturlador dixital. 

 

Imagen de orientacionandujar donde teneis más ejemplos de este tipo.

 Imagen de juegosinfantiles.bosquedefantasia donde tendreis más de este tipo.

E último exemplo que vos poño é de actividadesdesinfantilyprimaria donde tamén atoparedes máis imaxes coma esta.

Powered by Drupal - Design by artinet