Imaxe: Youtube.
A dirección do CEIP Raquel Camacho, profesorado e alumnado temos o pracer de convidalos ao festival de fin de curso que celebraremos o venres, 15 de xuño, no salón de actos do Ágora. O comezo será ás 10 horas.
Pregamos encarecidamente a non interferencia nas actuacións dos grupos de alumno/as. Tamén se solicita o maior silencio posible dentro do salón de actos. Son, ademais, normas do Ágora:
- Non comer nin beber dentro da sala.
- Non introducir carriños de bebé ( deben quedar na entrada do salón ).
- Cada persoa debe permanecer sentada no seu asento e non ocupar os corredores.
Informamos a todas as familias que vaian asistir ao evento que só poden sacar fotos ou gravar imaxes dos alumnos/as para a súa utilización exclusivamente persoal, familiar e de amizade. Non se deben publicar este tipo de gravacións en internet en aberto, a non ser que se conte co consentimento de todos aqueles que aparezan nas imaxes, dos seus pais ou titores legais, se son menores de 14 anos.
Pídese, tamés, aos asistentes que gocende todo o festival e non abandonen o salón de actos ata o seu remate. Máis que nada por respecto ao alumnado de 6º de EP, que fai a súa despedida, e por non interferir no desenvolvemento do acto. No caso de que alguén teña que irse polos motivos que sexan, procure sentar nas últimas filas.
Grazas.
A Dirección do centro.