Skip to main content

poesía

LITERARRÚA - LETRAS GALEGAS #LetrasGalegas24 #ConcellodeCedeira #bescolaresgal #bescolaresgalabertas

O alumnado da escola e do Ies, a proposta do Concello de Cedeira,

escribe e deseña cartaces con poesías relacionadas coas nosas rúas,

coa intención de engalanar e dar valor aos seus nomes. Deste xeito,

traballamos tamén o rueiro, atopando a nosa rúa e levando

o cartaz á situación real na que se colocará.

 

 

 

 

 

 

 

VELADAS POÉTICAS - PREMIO PODCAST LETRAS GALEGAS @RadioGalega #Radionabiblio #LetrasGalegas24 #bescolaresgal #bescolaresgalabertas

Xa podemos escoitar o podcats premiado no concurso organizado

pola Asesoria de Bibliotecas Escolares. O alumnado de 2º de primaria

presentou "Luisa Villalta - Veladas poéticas", un programa onde

poderedes escoitar decenas de voces da nosa rapazada  e das

familias e diferentes axentes sociais. Todo aderezado coa música

de Bach soando de fondo, dúas pezas tocadas tamén por un papá.

Estes minutos que ides escoitar son o final dun proxecto onde

investigamos, pedimos colaboración das xentes da vila, aprendemos

a diferenciar o rúido do silencio e a darlle espazo para concentrarnos

nas pezas musicais traballadas, escribimos poesía e traballamos figuras

literarias, escribimos e dramatizamos teatro para levar a voz de Luísa ao

podcast. Son uns breves minutos pero que foron meses de traballo do

alumnado e do profesorado para que esas voces produciran tan inmenso

traballo de escrita, lectura e pronunciación.

Gracias a todas e todos os que o fixeron posible!

Tamén podedes escoitar o seu podcast e o de outros premiado

(de diferentes idades) na Radio Galega. Neste domingo tamén emitirán

unha entrevista sobre o noso podcast premiado.

 

 

 

 

 

 

 

VELADAS POÉTICAS - PREMIO PODCAST LETRAS GALEGAS @RadioGalega #Radionabiblio #LetrasGalegas24 #bescolaresgal #bescolaresgalabertas

A comunidade educativa do Nicolás estamos de parabéns!

O programa, Veladas Poéticas, presentado ao

VI Concurso de Podcast de Radio na bilblio, da Asesoría de

Bibliotecas Escolares en colaboración coa CRTVG (Radio Galega),

resultou gañador na convocatoria.

A proposta está vinculada á celebración do Día das Letras Galegas,

dedicado este ano a Luisa Villalta, escritora, violinista, filóloga, articulista...

 

En breves poderemos escoitar o podcast na páxina web da Radio Galega

e na plataforma dixital A Galega Audio https://agalegaaudio.gal/ . Así mesmo,

recibirán difusión a través dos medios web da Consellería de Educación,

Ciencia, Universidades e Formación Profesional; e por suposto,

no blog da biblioteca escolar e nas súas redes.

 

 

 

 

ANÁFORA #LuísaVillalta #LetrasGalegas24 #Radionabiblio #AMI #bescolaresgal #bescolaresgalabertas

Xogar coas palabras é un pracer e se podemos construír xuntos é maior.

Utilizando o recurso literario da anáfora o alumnado realiza un traballo

de expresión escrita en lingua galega, onde brincan coas verbas ata

conseguir unha estrofa. A premisa é inspirarse en Luisa Villalta,

quen era, que fixo, cales eran as súas paixóns...

 

Realizan o exercicio en grupos cooperativos de catro persoas,

nos espazos da biblioteca escolar incluído o xardín lector.

 

 

 

 

 

ILUSTRANDO A LUISA #AMI #LetrasGalegas24 #LuísaVillalta #Radionabiblio #bescolaresgalabertas

Os recursos da biblioteca proporcionan unha oportunidade motivadora

para profundizar no coñecemento da autora homenaxeada

nas Letras Galegas 2024. Luisa Villalta, as portadas das súas obras e o

seu violino son percorridos por decenas de ollos ávidos de coñecemento,

son radiografíados para logo as mans tenras e cheas de saber do noso alumnado,

tracen liñas e curvas, repasen e den cor; ata conseguir trasladar cada recodo

que permanece nas súas mentes. Logo fotografían os debuxos coas cámaras dos

ipads e as pasan á aplicación "Animated Drawings" para darlles vida ás personaxes.

Luisa baila, salta, corre e o mesmo fai o seu violino e as súas obras

movéndose todas a un compás que só ela podía conseguir.

 

 

 

 

 

 

RIMA QUE TE RIMA #LuísaVillalta #LetrasGalegas24 #Radionabiblio #AMI #bibliotecacreativa #bescolaresgal #bescolaresgalabertas

 O alumnado de 2º nivel xúntase para afondar na poesía.

Luisa Villalta é a canle conductora, a súa inspiración leva ao

alumnado a traballar as rimas en grupos cooperativos, utilizando

a técnica do folio xiratorio. O profesorado crea material específico e

utiliza os espazos da biblioteca para documentarse e realizar a actividade.

 

 

 

 

 

 

FONDOS POESÍA ESCÉNICA #Cedeira #dinamizaciónlinguagalegaCandieira #poesía #bescolaresgal #bibliotecainclusiva #bescolaresgalabertas

Este curso unha das actividades intercentros na que participaremos

co alumnado do Ies Punta Candieira é a Poesía Escénica.

Hai moito alumnado preparando xa a escenificación das poesías,

uns inventando coa axuda do profesorado, outros buscando nos fondos da biblioteca escolar...

Para facilitar un pouco a busca, deixamos no faro unha pequena mostra.

Ante calquera dúbida preguntade ao profesorado de biblioteca ou ao voluntariado escolar.

Nestes días ampliaremos fondos poéticos.

Moito ánimo a tódolos participantes e grazas ao

profesorado do Ies por contar sempre conosco!

 

 

 

 

 

 

"LECTURA E FAMILIAS" CON ANTÓN CORTIZAS #LecturaeFamilias #bescolaresgal #bescolaresgalabertas #FamiliasnaBE

O 31 de maio foi un día para xogar coas palabras,

as de Antón Cortizas, mestre (xubilado) pero coa mesma alma,

escritor dunha manchea de libros e gran defensor do xogo tradicional,

ese que realizamos co corpo, coas verbas,

con moita imaxinación e algún material de refugallo.

Pola mañá, o alumnado de 4 anos realizou actividades ao redor do conto

"Sopra por este furadiño" e o de 5 ao redor de "Os dez animais".

Pola tarde, portas abertas a tódalas familias para ferrallar

e recuperar o xogo tradicional, unha tarde de creación extraordinaria.

 

 

 

 

 

POESÍA E BIMBIO CON GERALDINE JONES #DiadeRosalia #FamiliasnaBE #PDI #ciencia #arte #bibliotecacreativa #bibliotecainclusiva #LIA #bescolaresgal #bescolaresgalabertas

A xornada de bimbio amosou o verdadeiro poder da arte.

O alumnado dirixido por Geraldine Jones e coa guía e acompañamento

dos axudantes da artista e das mestras, foron quen de dominar o material

para convertelo en fermosas estrelas, que logo adobiaron con cintas brancas

e azuis, as de  Galicia e de Rosalía. Non esqueceron, non, realizar uns recitados

 de poesía para celebrar o seu día, o seu nacemento.

 

Agradecer a Geraldine Jones e  Lugares Comúns este fermoso obradoiro.

 

 

 

 

VERBAS NAS AMÉRICAS #ABEtenapalabra #Radionabiblio #bescolaresgal #bescolaresgalabertas

Viaxando polo mundo sen moverse da biblioteca o alumnado realizou

unha investigación para recoller unha pequena mostra de palabras

dos diferentes países onde emigraron os galegos na dictadura franquista.

Unha vez máis solicitamos a colaboración da comunidade

educativa para facer medrar as palabras.

 

Podedes enviar a vosa aportación ao correo: biblio.nicolas.del.rio@gmail.com

 

 

 

 

FLORENCIO DELGADO - VERBAS E RADIO #Radionabiblio #poéticasdiversasnabE #LetrasGalegas22 #florenciodelgadogurriaran #bescolaresgal #bescolaresgalabertas

Este ano o homenaxeado nas Letras Galegas é Florencio Delgado Gurriarán,

cronista, poeta e escritor que tivo que emigrar de Galicia na dictadura de Franco.

Marchou a México onde formou unha familia e continúo espallando as nosas verbas galegas,

aínda que non foi fácil e tivo que traballar en mil oficios.

Investigando nas súas creacións, atopamos unhas poesías moi creativas e ricas en verbas.

E como este ano, a biblioteca escolar ten a palabra, pois decidimos 

propoñer á comunidade educativa a creación de poemas crioulos.

En que consiste un poema crioulo? Pois tedes que crear un par de versos ou estrofa,

con algunhas palabras doutros países a onde emigraron moitos dos nosos avós/as e bisavoas/os

e moitos outros familiares, pois todos temos alguén: México, Uruguai, Brasil, Arxentina,

Cuba, Venezuela... e escoller un par de palabras típicas destes países,

xunto con palabras galegas, creando un par de versos con rima.

Atopadas as palabras e feita a poesía, tedes que enviala nunha mensaxe de

audio ao correo da biblioteca: biblio.nicolas.del.rio@gmail.com

engadindo no texto o voso nome e apelidos e o país de onde escollestes as palabras.

Engadimos a ligazón a unha páxina con información e xogos sobre Florencio Delgado.

A primavera das Letras, onde atoparedes a biografía escrita por Ledicia Costas e ilustrada por Blanca Millán

e adaptada a un público infantil.

 

A POESÍA TEN A PALABRA #poéticasdiversasnaBE #bescolaresgal #bescolaresgalabertas

Lectura de poesía escollida polo alumnado.

En tempos confusos como os que vivimos, cómpre viaxar polas
métaforas das imaxes e as palabras, asolagar as nosas bibliotecas
de poesía, buscar acubillo en versos reparadores, descubrir
a poética do  máis pequeno e próximo... 
 
 
Hai moitos ollos no mundo,
ollos ledos e baleiros,
pequerrechos, preguiceiros,
ollos tristes e profundos.
 
Ollos ollando os abrentes,
ollos con olladas frías,
ollos de noites e días,
olladas de ollos doentes.
 
Ollos claros e marróns,
azuis, negros, verde escuro,
ollos que baten nos muros,
ollos-corisco e limón.
 
Ollos das pombas feridas,
ollos limpos, meiguiceiros,
ollos que aluman carreiros,
ollos de olladas perdidas.
 
Hai moitos ollos na terra,
ollos ollando as olladas
doutros ollos e as moradas
de tantos ollos que berran.
 
Paseniño, paseniño. Antonio García Teijeiro 
 
 

 

 

 

A poesía ten a palabra! #Clubsdelectura #bescolaresgal #bescolaresgalabertas

No clube de lectura de 4º de primaria estiveron lendo dous marabillosos libros de poesía: Cacarabín, cacarabón de Antonio García Teijeiro e Dominicus, o dragón de Antón Cortizas.

 

Tras a lectura e o posterior faladoiro, traballaron nas súas propias creacións poéticas que ilustraron dun xeito fantástico. O resultado foi tan positivo que fixemos unha pequena exposición na entrada da biblioteca! Aquí vos deixamos algunhas imaxes pero non dubidedes en visitala!

 

MÚSICA, POESÍA E ESTRELAS! ROSALÍA DE CASTRO - PODCASTS Nº 6 #DiadeRosalia #_rdc_2022 #Radionabiblio #bescolaresgal #bescolaresgalabertas

A comunidade educativa agasalla con poesía a Rosalía!

O fai a través do programa Música, poesía e estrelas!

Hoxe imos co podcast nº 6.

Agradecer a todas e cada unha das persoas que fixeron que isto fose posible.

Parabéns Rosalía!

Seguide nas nosas ondas, pois isto aínda non rematou.

Volvemos o xoves que ven con máis Música, poesía e estrelas!

 

MÚSICA, POESÍA E ESTRELAS! ROSALÍA DE CASTRO - PODCASTS Nº 5 #DiadeRosalia #_rdc_2022 #Radionabiblio #bescolaresgal #bescolaresgalabertas

Aquí temos o quinto podcast para homenaxear a Rosalía de Castro,

desexamos que a voz dun pobo vos faga pasar un intre agradable,

que encha e quente corazóns e que manteña a expectativa para o vindeiro capítulo.

Parabéns Rosalía!!

 

PARABÉNS ROSALÍA!! #DiadeRosalia #_rdc_2022 #bescolaresgal #bescolaresgalabertas

Hoxe asistimos á lectura de poemas de Rosalía.

Realizado pola Biblioteca López Cortón e o Concello de Cedeira.

Un acto especial, tanto pola data dun referente como tamén por ser o primeiro

no que facemos unha saída a un acto público.(*)

Ogallá, as raiolas veñan para quedarse!


(*) No acto gardáronse tódalas medidas de seguridade establecidas no protocolo.

MÚSICA, POESÍA E ESTRELAS! ROSALÍA DE CASTRO - PODCASTS Nº 4 #Radionabiblio #bescolaresgal #bescolaresgalabertas

Hoxe é festa! Celebramos o nacemento da nosa ilustre Rosalía de Castro!

Con aromas mariños, aquí tedes o cuarto podcast de Música, poesía e estrelas!

Un programa noso, feito por familias, alumnado e mestres.

A comunidade educativa en pe, berrando poesía!

O mellor agasallo para Rosalia, o maior legado para nós.

Parabéns Rosalía!!

 

 

MÚSICA, POESÍA E ESTRELAS! ROSALÍA DE CASTRO - PODCASTS Nº 3 #Radionabiblio #bescolaresgal #bescolaresgalabertas

As verbas saen dos nosos beizos e seguimos adicando poesía.

Nestas datas Rosalía e a Radio Experimental son protagonistas.

Aquí vai o noso terceiro podcasts do programa: Música, poesía e estrelas!

Continuade nas ondas!

 

MÚSICA, POESÍA E ESTRELAS! ROSALÍA DE CASTRO - PODCASTS Nº 2 #Radionabiblio #bescolaresgal #bescolaresgalabertas

Aquí temos o segundo podcast para homenaxear a Rosalía de Castro,

desexamos que a voz dun pobo vos faga pasar un intre agradable,

que encha e quente corazóns e que manteña a expectativa para o vindeiro capítulo.

Parabéns Rosalía!!

 

 

Distribuir contido