Xornal O Facho!
Cada semana 3 aulas encargaranse da súa edición e os venres subiremos unha foto de todo o elaborado.
Na primeira semana os encargados da sección O TEMPO foron os alumnos e alumnas de 5 anos A que dende o martes foron sinalando a data, a estación do ano, o tempo e a temperatura diaria con debuxos feitos por eles mesmos.
O alumnado de 6ºA encargouse das NOVAS que elaboraron sobre o cambio climático e o medio ambiente xa que é un tema moi de actualidade e que ademais lles interesa moito.
A sección de CURIOSIDADES estivo a cargo da aula de 3ºA que explicaron datos interesantes como " Por que se tira das orellas cando se está de aniversario?" ou " Cal é a orixe dos caramelos?"
Esta primeira edición quedou xenial, esperamos que vos gustara tanto como a nós e vos animedes a participar cando sexa a vosa quenda.
Ata pronto reporteiros e reporteiras!
