Queremos contarvos algunhas cousiñas que fixemos neste segundo trimestre.

Participamos nun taller de emocións onde coñecemos a un monstro moi chulo!

Visitamos a Casa da Fonte. Nesta saída pasámolo xenial vendo animaliños e facendo manteiga!

E celebramos o Entroido! Cumprindo as ordes do meco, disfrazándonos e facendo un desfile co resto do cole!

Ata pronto!

Os planetas e os elefantes.

Día Internacional contra a Violencia de Xénero

Una pequena caminata para chegar ao buzón de correos ...  Gustouvos a sorpresa  ?

O día 21 de decembro, tivemos a visita dos CANS DE SALVAMENTO DE CASAGA

Chegou o fin do trimestre e toca descansar uns días, pero antes temos que ensinar algo do que fixemos estes últimos días do ano no cole.

O luns 20 puxemos as chaquetas e marchamos ata o buzón de correos para enviar unha felicitación de Nadal. Gustouvos a sorpresa?

Tamén fomos levar as cartas para Papá Noel ao buzón do cole.

Estabamos na aula tan tranquilos e escoitamos soar unha campá....CHEGOU PAPÁ NOEL!! Deunos un agasallo a cada un e a Gael outro por participar coa súa postal de Nadal no concurso do cole, que quedou ben chula!

E para rematar o trimestre tivemos unha actividade ESPECTACULAR!! Viñeron de visita os CANS DE SALVAMENTO de CASAGA, dentro do seu progama CANVIVINDO. 

A primeira hora acercáronse con ARNOLD ata a sala común de infantil para contarnos cousiñas sobre os coidados que precisan os cans e aprendéronnos a coller as cacas do chan da forma máis axeitada e... puidemos facer unha proba con unhas cacas de plástico!!

Xa para rematar o día fomos ao patio todo o cole para ver unha pequena mostra do traballo que realizan os cans cando teñen que buscar a alguén e ata nos escondemos nun contenedor do lixo para que THOR outro can que traían nos atopase!!! Foi xenial!!!

E nada máis... ATA O VINDEIRO ANO!!

FELICES FESTAS!

A AULA DAS NUBES

Ola familias!

Xa rematou o 1º trimestre e xa estamos metidos en pleno Nadal, pero antes de despedirnos ata o ano que ven, queremos contarvos algunhas cousas ...

 O longo de estas últimas semanas, todas as aulas de infantil, estiveron preparando unha sorpresa que chegaba as vosas casas en forma de carta. Nas seguintes fotos, podedes ver con que ilusión foron os vosos fillos e fillas a meter ditas cartas no buzón... Esperamos que vos gustase a sorpresa, porque a fixeron con moito cariño e ilusión.

O derradeiro día de clases tivemos a visita de Papá Noel, ¡Foi unha auténtica sorpresa!

E tamén tivemos a vista duns amigos un tanto especiais, 3 cans chamados Arnold, Thor e Anca, do servicio de Cans de Salvamento de Galicia (CASAGA) , que mediante o programa "Canvivindo" fixeron que pasaramos un rato fantástico e coñeceramos un pouco máis sobre o seu coidado e o seu traballo. Unha actividade maravillosa!

E sen máis, desexámosvos que pasedes unhas boas festas!

Vémonos pronto

Os Elefantes e os Planetas

Onte estivo con nos a profe Uxía ...

que ganas de estar con  ela e contarlle todas as novas do cole.

"Estou moi contenta de vir de visita ó cole, 

gustoume moito estar na clase e ver que grandes estades todos, 

espero volver pronto de visita !

Bótovos de menos ! "

UXÍA 

Ola! Aquí andamos de novo...

Este xoves foi o Día contra a Violencia de Xénero e na clase das nubes falamos sobre o tema. Non nos gusta pegar, nin insultar, nin queremos que a ninguén llo fagan. Estivemos lendo varios contos e con un deles aprendemos un truco para que cando teñamos ganas de pegar se nos vaian e non facelo. 

Aquí volos deixamos para que poidades ver de novo. 

Entre todo o cole fixemos unhas pancartas co que queremos e o que rexeitamos para a nosa sociedade. Á clase das nubes tocounos traballar a palabra CELOS e decorala. 

Estivemos pensando a ver cando tiñamos celos na clase... e démonos conta que cando algún de nós vai a xunto da profe a darlle un bico ou un abrazo...a algún entranlle celos! E... non pode ser así, porque a profe xa nos dixo que nos quere moito a todos e a todas e que ten bicos e abrazos a moreas, polo que non vai gardalos todos para un neno/a solo. Que hai días que algún de nós precisa máis cariño porque está triste, pero non quere dicir que aos demais nos deixase de querer.

Entón fixemos a foto que representase os celos e logo decorámola.

Xa co cartel feito por todo o cole saímos facer unha foto coas pancartas.

 A profe Gloria tamén nos contou un conto sobre os celos.

Esta semana tamén seguimos a traballar o proxecto do cole e algo sobre o outono. Estivemos debullando millo e decorando unha castaña con témpera sólida e café moído.

Ata pronto!

A CLASE DAS NUBES

Ola ola!

Fai unhas semanas comezamos co proxecto do cole. A profe ensinounos a caixa sorpresa e dela quitamos unhas pezas dun quebracabezas. Entre todos démoslle xeito e vimos a imaxe que salía nel, O COLE! Iso por diante e por detrás o seu nome.

Este sería o proxecto deste trimestre, e durante este tempo fomos traballando diferentes cousiñas: a aula, os recunchos dela, as nosas profes e o noso profe, o patio,...

Esta semana tocounos coñecer as diferentes estancias do cole:

- A conserxería e o conserxe Alejandro, o cal nos explicou en qué consistía o seu traballo.

- O despacho do equipo directivo, onde a directora, a xefa de estudos e a secretaria nos contaron que teñen que facer para que o colexio funcione ben.

- A sala de mestres e mestras, onde os profes que estaban alí e a profe nos explicaron que fan cando están alí, que poñen os papeles que hai no taboleiro e porqué están alí.

- A aula de música, a cociña, o comedor, a radio, as aulas dos nenos e nenas de primaria,...

Gustounos moito coñecer o cole e ver como traballaban os compañeiros nas súas aulas!

Tamén fomos ata a biblioteca este venres para contar alí o conto do día. Primeiro coñecemos un pouquiño como funciona a biblioteca e como se organiza e logo subimos ao escenario e sentamos nuns asentos ben chulos para que a profe nos contase o conto. E... coñecemos á mascota da biblioteca que é BIBLIOFORTE!

Seguimos a voltas coas nosas nubes e estes días estivemos preparando un discos de algodón, os cales pintamos con auga mesturada con témperas. Van quedarnos unhas nubes..ESPECTACULARES, xa veredes!

Escoitamos esta canción de nubes que nos gusta moito!

Estamos rematando de traballar o outono e fixemos algunhas cousiñas...

Unha árbore con follas das cores do outono pintadas con rollo de papel hixiénico.

Tamén un ourizo ao cal lle fixemos os pinchos cun garfo e témpera.

Ata pronto!

A CLASE DAS NUBES

Boas! 

Vimos a contarvos algo especial que fixemos esta semana.

O xoves puxemos roupa cómoda, collemos as mochilas coa merenda e puxemos rumbo ao CASTELO.

Gustounos moito e temos ganas de volver, entón igual na primavera repetimos!

O venres tivemos os XOGOS DO MAGOSTO, os cales tivemos que deixar para este día por culpa da chuvia. 

Pasámolo xenial!!

Ata pronto!

A CLASE DAS NUBES

OLA FAMILIAS!

XA ESTAMOS DE NOVO POR AQUÍ PARA CONTARVOS QUE HOXE DESFRUTAMOS XUNTO CO RESTO DO COLEXIO, DUNS DIVERTIDOS XOGOS DO MAGOSTO, E  COMO PODEDES VER A CONTINUACIÓN,  PASÁMOLO EN GRANDE.

VÉMONOS PRONTO!

OS PLANETAS E OS ELEFANTES

         OBXECTIVO   ...  CONSEGUIDO  !!!!!