Lectura, información e aprendizaxe (LIA)

As bolsiñas viaxeiras son un recurso facilitado pola Asesoría BEGA para dinamizar lecturas compartidas, en familia.

Na nosa escola @s usuari@s da bolsiñas viaxeiras son @s alumn@s de Educación Infantil e 1º ciclo de Educación Primaria.

Semanalmente levan un libro, da selección previa feita polas titoras, para realizar lecturas compartidas en familia. Ao tempo, o alumnado de 6º de infantil, 1º e 2 de primaria desenvolven o programa Que me contas? para levar rexistro das súas lecturas anuais.

Un programa que dinamiza e divulga a lectura por placer ou para aprender, as lecturas en familia.

Preme no seguinte enlace para acceder:

BE-LeoLab: laboratorios de aprendizaxe 2023/24

Desde o ano 2019, coa remodelación/inauguración de espazos e recursos, somos un centro LIA.2

O centro neurálxico da nosa escola, pública e rural, é a súa biblioteca escolar que, acorde ao tempo no que vivimos, evolucionou cara un novo concepto: a BE-LeoLab Milladoiro.

Unha biblioteca aberta e ubicua que coida da lectura, da información e da aprendizaxe mediante metodoloxías activas coma a aprendizaxe baseada en proxectos (ABP) e favorece a alfabetización múltiple, competencia esencial para a vida. Unha biblioteca escolar creativa e inclusiva, ao servizo da comunidade e do currículo: unha biblioteca social e formadora.

A biblioteca está presente en todos os espazos do centro: aula de cociña, aula sensorial, aula experimental, aula audiovisual, estudio de radio, espazo LeoLab (espazo "maker"); e os espazos acollen recursos diversos: bibliográficos, tecnolóxicos, experimentais, audiovisuais...

A biblioteca de e para tod@s, que permite ao noso alumnado desenvolver un papel activo nas súas aprendizaxes vívidas e significativas, nas que o libro de texto non é a única fonte de información/consulta.

Os Proxectos Documentais Integrados (Rosa Piquín Cancio, 2012) están conformados por actividades nas que o alumnado, ademais de investigar sobre un tema concreto, familiarízase cos mecanismos de busca de información e traballo intelectual empregando os recursos da biblioteca escolar: documentais, tecnolóxicos, audiovisuais...

Na nosa escola os PDI son o eixo dinamizador do acto pedagóxico, acollendo tarefas integradas que se concretan nas Programacións Didácticas de aula para a consecución das competencias clave.

Os diversos PDI que desenvolvemos cada curso escolar enriquecen a nosa comunidade educativa e posibilitan a participación de tod@s mediante actividades de centro que se nutren da alfabetización múltiple.

Na seguinte listaxe recollemos os PDI implementados ata o actual curso escolar 2023-24 no que iniciamos nova singradura. A listaxe acolle diversos PDI que foron recoñecidos, a nivel autonómico, no Concurso de Traballos por Proxectos que promove a Asesoría BEGA cada curso escolar, así como a Distinción Sello CCB 2021, a nivel nacional; recoñecementos que valoramos como avaliación externa altamente positiva:

• PDI "Medicus curat natura sanat" (cursos 2023-24 e 2024-25)

• PDI NÓS: patrimonio in-MATERIAL! (cursos 2021-22 e 2022-23)

• PDI Visión 3C: comunicación, ciencia e creatividade (cursos 2019-20 e 2020-21)

• PDI O mar que nos dá... (cursos 2017-18 e 2018-19)

• PDI Pintamos moito! (cursos 2015-16 e 2016-17)

• PDI Comer e contar (cursos 2013-14 e 2014-15)

• PDI Que serei, que serás... (curso 2012-13)

• PDI Cantos contos contas ti? (curso 2011-12)

O uso da biblioteca escolar e os seus espazos creativos require de que o noso alumnado sexa bo usuario da mesma.

O noso principal obxectivo, curso tras curso, é formar a profesorado e alumnado no uso funcional da biblio e os seus espazos.

No curso 2020-21, en colaboración o equipo BE-DL e o equipo Tecnolóxico baixo a coordinación da Xefatura de estudos, elaboramos unha ferramenta dixital indispensable para a nosa formación de usuari@s.

Premendo no seguinte enlace accederedes á mesma:

Formación de Usuari@s en liña