Skip to Content

Novas 2016/2017

novidades do curso 2016/2017

MURAL MON LENDOIRO

Xov, 22/06/2017 - 22:18 — admin

Para culminar o noso PDI, Pintamos moito! convidamos o pintor carballés Mon Lendoiro a realizar un mural exterior na parede da entrada do noso centro. Buscando que fora unha inspiración para os nenos e nenos que entran a primeira hora da mañá no colexio para que teñan gañas de estudar, aprender, soñar... é un gran traballo e soamente quédanos darlle as grazas a este gran artista.

FESTA MUNICIPAL DA CONVIVENCIA 2017

Xov, 22/06/2017 - 20:00 — admin

O xoves 22 de xuño festexamos o Día de convivencia xunto co CEIP Joaquín Rodríguez Otero de Buño e o CRA Nosa Señora do Faro. Pasámolo en grande coas diversas colchonetas e todas as actividades que estaban programadas, e agradecer a merenda ofrecida pola ANPA de Buño. Podedes ver todas as imaxes premendo no seguinte enlace: xornada de convivencia.

EMOCIONARTE

Xov, 15/06/2017 - 00:00 — admin

FESTIVAL DAS LETRAS 2017

Ven, 19/05/2017 - 00:00 — admin

Un ano máis celebrarmos o noso tradicional Festival das Letras. Este ano adicadas as Letras Galegas a Carlos Casares tivemos adaptacións teatrais da súa obra, resumo da súa biografía... pero non esquecimos tampouco a Rosalía de Castro sempre presente nos nosos actos e tamén a Eduardo Pondal xa que este ano era o centenario da súa morte. Podedes ver un resumo de todo este traballo nun vídeo resumo no blogue da biblioteca.

REUNIÓN FAMILIAS ALUMNADO DE NOVA INCORPORACIÓN 2017/18

Lun, 15/05/2017 - 17:00 — admin

O luns 29 de maio ás 16:00h , todas as familias do alumnado de nova incorporación de Educación Infantil, están convocadas a unha reunión que terá lugar no centro, e na que se entregará a documentación pertinente, farase un percorrido por todas as instalacións e informaremos sobre os aspectos educativos que definen a nosa labor.

DÍA DO LIBRO

Dom, 23/04/2017 - 00:00 — admin

Comezamos o mes das Letras no CEIP Milladoiro é unha das primeiras actividades que realizamos é o Apadriñamento Lector.  Os maiores buscan un sitio no patio para contarlles un conto aos seus afillados, cos que previamente tiveron unha conversa lectora. É unha actividade que lles encanta e podedes ver un vídeo resumo no blogue da biblioteca.

ENTROIDO 2017

Ven, 03/03/2017 - 11:05 — admin

O pasado venres, 24 de febreiro, festexamos o noso día grande do entroido no Ceip Milladoiro. Cada unha das clases elexiu un disfraz relacionado coa nosa PDI, Pintamos moito! o que deu un resultado moi colorido. Podedes ver un resumo deste día no blogue da biblioteca.

DÍA DA PAZ

Mér, 08/02/2017 - 13:49 — admin

O luns 30 de xaneiro conmemoramos o  Día da PAZ. Este ano traballamos o aspecto da inclusión e aprendimos esta canción de Magín Blanco en lingua de signos baixando a cantala todos xuntos o patio. Podedes ver un resumo da actividade no blogue da biblioteca.

Ademais no ciclo de Educación Infantil tamén quixemos conmemorar o Día da Paz co noso mural particular, onde facemos maxia para que a paz se faga e da nosa chistera salen pombas con mensaxes de Paz.

VENRES ROBÓTICOS

Mér, 25/01/2017 - 01:00 — admin

O CEIP MILLADOIRO está sumerxido no Proxecto escornabots na biblioteca escolar e todos os venres os alumnos e alumnas de Educación Primaria que o desexen acuden a un taller de escornabots, impartido pola mestra Marta Couto, na biblioteca escolar. Primeiramente os maiores tiveron que facer toda a montaxe e unha vez listo aprenden con eles o resto de nenos e nenas con miles de actividades, por exemplo para o Día da Paz, co mapa do mundo... podedes ver un resumo delas no blogue da biblioteca. Tamén os máis pequenos iniciáronse neste novo mundo da robótica e podedes ver algunha das actividades no seu blogue cativiños do milladoiro.

NADAL 2016

Lun, 26/12/2016 - 01:00 — admin

A comunidade educativa do CEIP Milladoiro quere desexarvos unhas felices festas e un feliz 2017 a través deste vídeo tan máxico que fixeron os alumnos/as e o profesorado coa canción Tan só con leres un libro de Mamá Cabra, podendo ver este no blogue da biblioteca.

BO  NADAL  E  FELIZ 2017!

Distribuir contido


by Dr. Radut