Skip to Content

NOVAS E AVISOS!

COMUNICACIÓN DE NON USO DE COMEDOR

ACCESOS AO CENTRO CURSO 2021-2022

Solicitude comedor 2021-2022

Estimadas familias.

Con data de hoxe publicouse a INSTRUCIÓN 2/2021, DA SECRETARÍA XERAL TÉCNICA DA CONSELLERÍA DE CULTURA, EDUCACIÓN E UNIVERSIDADE, DO 1 DE XUÑO, SOBRE FUNCIONAMENTO DOS COMEDORES ESCOLARES DE XESTIÓN DIRECTA NO CURSO ESCOLAR 2021-2022.

Con tal motivo, abrimos o prazo para que fagan a súa solicitude de uso do servizo de comedor para o vindeiro curso 2021-2022, utilizando a seguinte folla de autodeclaración:

Autodeclaración - Solicitude comedor.

Reunión alumnado nova incorporación de 3 anos.

O luns 28 de xuño, ás 17:00 horas teremos unha reunión telemática coas familias de alumnado de Educación Infantil de 3 anos que se incorporan este ano ao noso centro.

Se aínda non recibiu a invitación no seu correo electrónico, contacte co centro.

Libros de texto para o curso 2021-2022

Adxuntamos listaxe de libros de texto para o vindeiro curso 2021-2022

LIBROS DE TEXTO PARA O VINDEIRO CURSO 2021-2022

FORMALIZACIÓN MATRÍCULA Curso 2021-2022. Do 21 ao 30 de xuño.

Ábrese o prazo de formalización de matrícula do 21 ao 30 de xuño.

Horario: de 10:00 a 13:00 horas.
Previa cita no teléfono do ce
ntro: 881866483

É importante que traia as copias e os orixinais.

Tódolos formularios e impresos tamén están á vosa disposición no centro.

Información complementaria:

Xogos de despedida curso 2020-2021

O persoal do centro quere agradecer a todo o alumnado o esforzo feito neste curso. 

O día 18 de xuño organizouse, en colaboración coa ANPA ,un día de xogos no patio do colexio (se o tempo acompaña) no que participará todo o alumnado dende Infantil ata Primaria.

Descargar cartel: Imaxe - PDF

* Cartel elaborado pola ANPA.

Podedes ver nos documentos adxuntos a listaxe dos xogos que se van a desenvolver.

FONDO LIBROS: devolución dos libros alumnado 3º , 4º e 6º de Primaria.

O alumnado de 3º e 6º de Primaria que ten libros do Fondo Libros do curso pasado, debe devolvelos o 18, 21 e 22 de xuño.

O procedemento é o seguinte:

  • Devólvense a titora ou titor, que comprobará que están tódolos libros do fondo.
  • Deben ir nunha bolsa co curso e nome da nena ou neno.

Lembramos que tal como se recolle no Artigo 5 da normativa de fondo libros do curso 21-22:

"A falta de devolución dos libros de texto será causa de exclusión da participación no fondo solidario e das axudas para adquirir libros de texto e material escolar no curso 2021/22."

E no seu Artigo 16.

"Ao rematar o curso 2020/21, o alumnado beneficiario de libros de texto ou do material substitutivo dos libros cando sexa reutilizable, tanto se o recibiron do fondo solidario como se o adquiriron coa axuda para libros de texto, deberá devolvelo ao centro para a súa incorporación ao fondo solidario para o curso 2021/22."

FONDO SOLIDARIO DE LIBROS DE TEXTO: Axudas para adquirir libros de texto e material escolar - Curso 2021/22

Acaba de ser publicada a ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/22 (código de procedemento ED330B).

Publicación lista definitiva Curso 2021-2022

Desde hoxe está publicada a LISTAXE DEFINITIVA DE ADMISIÓN DO ALUMNADO PARA O CURSO 2021/2022 no taboleiro interior de anuncios do colexio. De acordo coas Instrucións da Dirección Xeral de Centros e Recursos Humanos sobre o Proceso de Admisión do Alumnado, e coa Lei de Protección de Datos, non podemos publicar nin trasladar información desta lista a través doutro medio.

Para facilitar a información ás familias nesta situación de Alerta Sanitaria por COVID19, e tratando de evitar desprazamentos non necesarios, querémosvos trasladar os seguintes datos para a vosa información

  • 4º de Infantil. A totalidade de solicitudes presentadas foron admitidas. Non houbo ninguén que solicitase admisión para 4º EI que non obtivese praza.
  • 5º de Infantil. Tódalas solicitudes presentadas obtiveron praza.
  • 1º de Primaria. Tódalas solicitudes presentadas obtiveron praza.
  • 3º de Primaria. Tódalas solicitudes presentadas obtiveron praza.
  • 4º de Primaria. Presentouse 1 solicitude pero non había vacantes, polo que non obtén praza.
  • 6º de Primaria. Tódalas solicitudes presentadas obtiveron praza.
Distribuir contido


by Dr. Radut