CEIP de Galán

Aproveitando a recente migración ao novo sistema de xestión de fondos KOHA-bescolares, o noso centro tamén comezará a prestar o servizo de préstamos de contidos dixitais a través da plataforma E-LBE.2, dispoñible para todas as bibliotecas escolares de Galicia suxeitas a rede PLAMBE como é o noso caso.

A integración neste servizo faremola de xeito gradual (actualmente cunha aula piloto) para chegar neste curso a todo o terceiro ciclo de Educación Primaria, Clubs de Lectura e profesorado e cara o próximo curso, a todas as etapas, niveis educativos e ao resto da nosa comunidad educativa.

Acceso á plataforma: https://bega-elbe2.edu.xunta.es/

 Mais información do servizo aquí: https://www.edu.xunta.gal/biblioteca/blog/?q=node/1615

O alumnado de 1º visitou o 5 de abril a Biblioteca Henrique Rabuñal. Máis información no blog da BIBLIOGALÁN

A Consellería de Cultura, Educación, Formación Profesional e Universidades publicou recentemente o Plan Integral contra o acoso e ciberacoso escolar,  así como a actualización do Protocolo Educativo para a prevención, detección e tratamento do acoso e ciberacoso escolar, que está publicado nesta páxina no apartado de convivencia.

Unha das medidas establecidas nestes documentos é a instalación do Punto Laranxa.

É un espazo físico e virtual. O Punto Laranxa físico está instalado na planta baixa, na hall da entrada, visible e accesible para toda a comunidade educativa.

O Punto Laranxa Virtual está habilitado na páxina web do colexio na barra dereita. Os usuarios e usuarias disporán dun formulario cun único campo de texto para escribir a súa mensaxe.

Aquí tedes a imaxe tal como queda no noso centro.