Bo día a tod@s! Que tal o paseo de onte?
Seguro que o desfrutástedes moitísimo, e nós ben que nos alegramos porque moi merecido que o tedes.
A proposta desta semana vai ser continuación do da semana pasada que, polo que se ve no blog, está dando moito de si. Que vos parece se vos convertides en creadoras/es e contadores/as de contos? Cada quen pode facelo como mellor lle pareza, aínda que as mestras de infantil suxerimos que o fagades de diferentes xeitos:
- Contos con pedras: se non as tedes a man podédelas substituír por botes de iogur bebible, caixiñas, cartolinas e icluso anacos de folio. O primeiro que tedes que facer é debuxar en calquera dos materiais mencionados personaxes, lugares e cousas, logo xuntade todos os debuxos e ide elixindo de un en un para contar a vosa historia. Aquí vos deixamos un par de enlaces para que vexades como funciona a cousa:
- Teatro de sombras: esta opción xa é máis coñecida por tod@s, simplemente vos deixamos un enlace para construír un sinxelo teatriño de sombras caseiro. Despois só teredes que facer as siluetas das personaxes que precisedes para contar o conto que elixades ou inventedes.
- Contos en mesa de luz: lembrades o conto "Pequeño Azul y Pequeño Amarillo"?. Ímosvos propoñer que fagades unha mesa de luz caseira supersinxela e que a utilicedes, entre outras cousas, para contar un conto coñecido ou inventado. Deixámosvos un vídeo para que vexades que fácil é de construír:
ANIMÁDEVOS e enviádenos algún contiño, aínda que sexa pequerrechiño!!!
Para os que desexedes facer algunha actividade on line, aquí tedes un recurso Abalar no que atoparedes xogos de todo tipo: puzzles, dominós, conceptos básicos, debuxos para colorear, contos, personaxes para disfrazar, actividades de numeración, series, instrumentos musicais, partes do corpo.... Se queredes xogar cuns peixiños que cambian continuamente de cores e aos que deberedes prestar moita atención, suxerimos este xogo de Aulas Galegas.
Esperamos que o pasedes moi ben. Ata a vindeira semana!!!