Ola de novo! Como estades?
Ben? Seguro que sí!
Como sabedes hoxe comezamos unha semana moi, pero que moi especial, xa que o xoves celébrase "O día do libro"; se estivesemos no cole a Pescadora de Historias terianos preparado unha morea de sorpresas como fai sempre. Pero non vos preocupedes que aquí estamos nós, as profes de Infantil, para trasladarvos os seus mandados.
Encargounos seleccionar varios contos, case todos moi coñecidos por todos os nenos e nenas, pero contados de xeitos moi diferentes. Aí van:
Conto maleta Teatro de sombras
Kamishibai Títeres Conto cantado
Conto para facer ioga Mesa de luz
Unha vez que os escoitedes, facémosvos as seguintes propostas:
- Fai un debuxo do conto que máis che gustou. Xa o tes craro? Pois adiante! Que non sabes por onde empezar? Pensa primeiro que parte do conto ou que personaxe queres debuxar e fai o debuxo o mellor que poidas; cando che pareza que remataches, mírao ben e engade as cousas que condideres que faltan ou que poden facer que o teu debuxo sexa máis bonito e, XA ESTÁ LISTO! So queda que o colorees coas túas cores favoritas.
- Recrea a portada do teu conto preferido. Podes elixilo dos da túa casa, dos da biblio ou dos que acabas de escoitar. Para elo utiliza cousas que teñas na casa: peluches, xoguetes, alimentos, fotos... en función do que apareza na portado do conto que escolliches. Unha vez que remates, se che apetece, fai unha foto e envíalla á túa profe. Aquí che deixamos unha imaxe para que te fagas unha idea.
- Disfrázate dalgunha personaxe dun dos teus contos favoritos con obxetos que atopes pola casa: primeiro mira ben como vai vestida, logo pensa que podes utilizar para vestirte coma ela e disfrázate. Igual que na proposta anterior, podes facer unha foto e enviarlla a túa profe.
Esperamos que o pasedes moi ben coas actividades desta semana. Un bico e unha aperta moi forte de parte das profes e da Pescadora de Historias.