Olaaa, bo dia!!!
Benvid@s de novo ao cole virtual! Como estades despois destas vacacións tan peculiares?
Hoxe saúdanvos a Pitiña Victoria, o Mago Patasarriba e Campanilla. Lembrádesvos deles?. Sí, son esas mascotas que vos visitan unha vez á semana para "Xogar a pensar" coa axuda de obras de arte, contos ou xogos.
A Pitiña Victoria só tivo ocasión de ir dúas ou tres veces á clase de 3 anos para coñecer ás nenas e nenos e pedirlles que lle elixisen un nome que lle quedase ben. Marchou encantada e, como non quere que vos esquezades dela, hoxe propónvos a primeira actividade (adxunto "Proposta da Pitiña Victoria"). A proposta desenvolverase en varias sesións, en función do interese e atención, e precisa da colaboración dun adulto que traslade as instrucións e anime a descubrir moitas cousas.
O Mago Patasarriba é quen visita ao alumnado de 4 anos e por iso sabe que comezaron este curso moi entusiasmados cos ciencia e os experimentos. Así que a súa proposta vai consistir en realizar un experimento que rematará convertido nunha obra de arte; que digo nunha..., en moitas obras de arte, tantas coma a vosa imaxinación sexa capaz de crear. Esta proposta, que atoparedes no adxunto "Proposta do Mago Patasarriba", desenvolverase en 2 sesións e, antes de comezar, unha advertencia MOI IMPORTANTE: non se pode dicir o que hai nos vasos, cada neno/a deberá averigualo polos sí mesmo.
Campanilla xa leva case 3 cursos visitando ao alumnado de 5 anos, é supercoñecidaaa! Anda un pouco preocupada porque non sabe como vos atopades nestes días de confinamento. Estamos a vivir momentos difíciles e complicados para tod@s, inesperados e xamáis imaxinados; polo que nos parece importante explorar como as criaturas están a vivir esta situación: entenden o que está a pasar?, que sensacións e sentimentos lles producen?... Imos dialogar en familia a través da proposta que nos fai Campanilla e que atoparedes no adxunto "Proposta de Campanilla".
Se tedes Facebook e desexades explorar máis propostas neste senso, atoparédelas na páxina de Angélica Sátiro (creadora, xunto con Irene de Puig, do programa "Jugar a pensar"). Buscade as entradas onde apareza JUGAR A PENSAR, comezaron o 16 de marzo e ofrece a posibilidade de subir as vosas experiencias ao seu muro.
E, para rematar, as mestras de E. Infantil selecionamos un par de cancións para que non vos esquezades da Reciclaxe nestes días de confinamento. Escoitádeas, bailádeas, aprendédeas se vos apatece e, sobre todo, poñedeas en práctica.
Desfrutade, coidádevos moito e boa semana a tod@s!!!