As aulas de Educación Primaria atópanse na primeira e segunda planta do edificio principal . Na primeira están as catro do primeiro ciclo e no segundo andar está o resto das aulas: catro do segundo ciclo e outras catro do terceiro. O centro é de dobre liña en toda a Primaria.
Todas as aulas teñen asignado un número e ademais reciben o nome dun personaxe relevante da historia ou cultura galega. Ademais, en datas máis recentes e dentro do proxecto Achégate a Bem-brive, cada aula identifícase co nome dun lugar da parroquia de Bembrive, sinalado co seu corresponde cartel na porta.
As aulas, ademais de estar dotadas do material necesario para o desenvolvemento das clases, dispoñen de acceso Wi-fi.
Cada aula do primeiro ciclo conta cun Kit dixital composto por portátil, proxector e encerado dixi-tal. Nos ciclos segundo e terceiro as aulas están equipadas con un PC de sobremesa. Cada un destes dous ciclos dispón tamén de cadanseu portátil cun proxector e pantalla portátil para rotar polas distintas aulas.
Todo o alumnado utiliza habitualmente a aula de informática ou a aula dixital e a biblioteca para informarse e buscar recursos para complementar o traballo cotiá na aula.
O alumnado e as familias poden acceder aos blogues dos ciclos Xa estamos en Primaria, Chans Segundo Ciclo e Chans Terceiro Ciclo.
As aulas son amplas, con boa luminosidade grazas ás grandes ventás e con boas vistas á entrada da ría de Vigo e as illas Cíes.
Todos os ciclos teñen cadanseus blogues que son actualizados regularmente con recursos axeitados: