Axudas para adquisición de libros e material escolar 24-25

AXUDA PARA LIBROS:

  • Adquisición de libros -> Alumnado de 1º e 2º de primaria, alumnado con discapacidade recoñecida e alumnado con necesidades específicas de apoio educativo.
  • Libros prestados polo centro -> Alumnado de 3º e 4º de primaria. 
    • 5º e 6º son cursos eDixgal, polo que serán automaticamente excluídos da axuda para libros.
  • Poderá solicitar as axudas o alumnado ADMITIDO para o vindeiro curso 2024-2025, non é necesario que teñan formalizada a matrícula.

AXUDA PARA MATERIAL ESCOLAR

  • Todos os cursos de primaria

PRAZO DE PRESENTACIÓN

  • Ata o 21 de xuño de 2024

REQUISITOS

  • Devolver, en bo estado, os libros utilizados durante este curso (3º e 4º de primaria)
  • Cumprir cos valores de renda especificados na ORDE 

DOCUMENTACIÓN A PRESENTAR

  • Impresos de solicitude (Anexo I e Anexo II). Poden descargarse de aquí, ou recollerse no centro.
  • Documentación complementaria (figura na solicitude).
  • Entregar a solicitude xunto coa documentación
    • No centro, de xeito presencial ou
    • De xeito telemático, a través da aplicación.

 

17 de Maio

DÍA DAS NOSAS LETRAS

Este ano, o Día das Letras está adicado á figura de Luisa Villalta e nas aulas estivemos aprendendo moito sobre a súa vida e sobre todo, as cousas que fixo a prol da nosa lingua.

Traballamos as letras con este pasapalabra tan maravilloso que idearon as compañeiras do departamento de dinamización da Lingua Galega e aprendemos unha chea de vocabulario novo que non coñeciamos!!

 

OS MAIOS

 

    MAIÑO MAIO

         Os maios celebran a chegada da primavera e era tradicional colocar unha ramiña de xesta nas embarcacións, nas portas das casas, nos carros e arados (agora nos coches). En Galicia teñen moita tradición ainda que en algúns lugares foron desaparecendo.

         Este curso quixemos recuperar esta tradición recollendo flores e formando un gran maio que colocamos no centro da pista e creando cantigas para logo interpretalas arredor del.

         O alumnado aprendeu a enfiar as flores, fiúnchos e bugallos para así formar as grilandas que despois se colocaron no maio.

 

 

23 de abril

DÍA DO LIBRO 2024

 

 

Un ano máis conmemoramos o Día Mundial do Libro e os dereitos de autor coa realización de diversas actividades relacionadas cos libros e a lectura: Realización de chapas, apadriñamento lector, contacontos na biblioteca, obradoiros de marcapáxinas...

Dende a biblioteca do cole, o noso amigo Merlín convída a todos e todas a escoller un libro e disfrutalo con todos os sentidos: mirar os debuxos (se os ten), tocalo, arrecendelo, saborear as historias que conta e escoitar o son das páxinas ao pasar.

Animádevos a ilustrar, a contar, a ler... 

                 

 

 

 

Alumnado admitido

Infórmase de que foron admitidas todas as solicitudes presentadas para os seguintes cursos:

  • 4º educación infantil
  • 2º educación primaria

A formalización de matrícula para o alumnado admitido ten que facerse entre o 20 e o 30 de xuño. Con suficiente antelación as familias recibirán instrucións por correo electrónico e a través desta páxina web.

 

Admisión 24-25. Información.

Achégase información sobre o proceso de admisión de alumnado para o vindeiro curso 2024-2025.

Número de prazas actualizado.

Información ás familias

Podedes estar ao tanto dos avisos sobre o proceso a través da nosa canle de Telegram.

 

 

 

BO NADAL

 

Mouchiños e Mouchiñas! Toda a familia do Ceip Ana María Diéguez deséxanvos unhas Felices Festas de Nadal. 

Tivemos unhas semanas moi intensas de ensaios, elaboración de postais, composición do calendario para o novo curso... E todo saíu fantástico! 

Renovade as vosas ideas durante estes días de descanso con lecturas interesantes que podedes atopar nas recomendacións lectoras 

Non deixedes de ler!

25 N

ABRIMOS OS OLLOS FRONTE A VIOLENCIA MACHISTA

Un ano máis o noso centro únese á campaña de sensibilización contra a violencia de xénero con actividades nas aulas, charlas... para finalizar coa lectura dun manifesto por parte do alumnado de 6º e a actuación do grupo Música Miúda. 

No noso centro abriremos ben os ollos todos os días!!

 

A CIDADE VIOLETA

Todos somos diferentes, cada un co seu caracter, porque que aburrido sería que fosemos todos iguais, non? O mesmo aspecto, os mesmos gustos... Pero se es Anxo Fariña entón seguro que non nos importaría nada!!

Hoxe estivo no noso cole coa Cidade Violeta falando de igualdade, porque o mesmo coidas un meniño se es home coma se es muller; ou conduces un camión (tendo o carné, claro!); ou preparas o xantar...  E tanto debemos compartir as lambetadas como fregar os pratos.

Aprendemos moitos trucos para que os nosos debuxos expresen mellor as emocións e tamén que temos que mirar con outros ollos xa que as cousas non sempre se ven iguais.

 

 

Visita de Maite Mosconi

 

Super agradecidos estamos no cole pola visita que tivemos o venres 10 de novembro. 

Maite Mosconi estivo con todo o alumnado e contounos unha chea de lendas que aprendeu da súa avoa e que forman parte da súa obra. 

Esta escritora rianxeira (de Asados) ten publicados varios libros de temática fantástica e onde a mitoloxía en xeral e a galega en particular ten moita importancia.

O libro "Guerreiras de lenda" escrito xunto a Miriam Beizana, convida a investigar, descubrir e disfrutar co mundo das lendas e da mitoloxía. Lavandeiras, mouras, castelos encantados...

Moitas grazas Maite!!