Algunhas das experiencias realizadas no Club de Ciencias durante este curso:

Un ano máis celebramos no centro o Día Internacional do Orgullo LGTB con actividades que axudan a fomentar o respecto polas diferentes identidades de xénero existentes e en moitos casos reprimidas.

Aproveitamos os días solleiros para rematar de pintar as vallas exteriores  e repasar as que xa estaban, fixemos un obradoiro de pulseiras coas cores da bandeira LGTB, tivemos un "probador" cun montón de roupa que puidemos poñer libremente sen analizar se a prenda era "masculina ou feminina" e que tivo moitísimo éxito e seleccionamos varios títulos de libros do fondo da biblioteca e que o alumnado puido ler nas aulas, no patio ou levar a casa.

O prazo de formalización de matrícula para o vindeiro curso 2024-2025 está establecido do 20 ao 30 de xuño de 2024.

Este proceso só é de aplicación para o alumnado de nova admisión.

Deberase presentar no centro:

• Impreso de formalización cuberto e asinado (ver adxuntos).
• Parada de transporte escolar solicitada. (ver adxuntos)
  
• Dúas fotos tipo carné co nome do alumno/a por detrás.
• Se dispón del, e non presentou anteriormente, copia do DNI do alumno/a.
• Copia da cartilla de vacinas.
• Copia da tarxeta da seguridade social.

A ANPA Fonte da Revolta, de forma simultánea, abre tamén o prazo para a reserva de prazo no servizo de comedor. 

Nos documentos adxuntos podedes atopar tamén o formulario de reserva.

A solicitude de comedor deberá entregarse en administración nun sobre pechado co nome do alumno/a por fóra.

DÍA DAS NOSAS LETRAS

Este ano, o Día das Letras está adicado á figura de Luisa Villalta e nas aulas estivemos aprendendo moito sobre a súa vida e sobre todo, as cousas que fixo a prol da nosa lingua.

Traballamos as letras con este pasapalabra tan maravilloso que idearon as compañeiras do departamento de dinamización da Lingua Galega e aprendemos unha chea de vocabulario novo que non coñeciamos!!

    MAIÑO MAIO

         Os maios celebran a chegada da primavera e era tradicional colocar unha ramiña de xesta nas embarcacións, nas portas das casas, nos carros e arados (agora nos coches). En Galicia teñen moita tradición ainda que en algúns lugares foron desaparecendo.

         Este curso quixemos recuperar esta tradición recollendo flores e formando un gran maio que colocamos no centro da pista e creando cantigas para logo interpretalas arredor del.

         O alumnado aprendeu a enfiar as flores, fiúnchos e bugallos para así formar as grilandas que despois se colocaron no maio.

DÍA DO LIBRO 2024

Un ano máis conmemoramos o Día Mundial do Libro e os dereitos de autor coa realización de diversas actividades relacionadas cos libros e a lectura: Realización de chapas, apadriñamento lector, contacontos na biblioteca, obradoiros de marcapáxinas...

Dende a biblioteca do cole, o noso amigo Merlín convída a todos e todas a escoller un libro e disfrutalo con todos os sentidos: mirar os debuxos (se os ten), tocalo, arrecendelo, saborear as historias que conta e escoitar o son das páxinas ao pasar.

Animádevos a ilustrar, a contar, a ler...