Escolares
Inicio clases do curso 2021-2022
Enviado por admin o Mar, 07/09/2021 - 18:31Comunicamos a toda a comunidade educativa que o proximo xoves, 9 de setembro, comezarán as clases do curso escolar 2021/2022.
O horario lectivo será de 09:00 a 14:00 horas. Lembramos que as portas do centro abriranse ás 08:45 horas, debendo acceder o alumnado de educación primaria ao soportal cuberto, ocupando os lugares predeterminados para cada nivel educativo. A continuación entrará o alumnado de educación infantil, acompañados soamente por unha persoa para evitar aglomeracións.
Grazas pola súa colaboración.
ENTROIDO NO C.E.I.P. A CARBALLEIRA
Enviado por admin o Xov, 23/02/2012 - 19:19O pasado venres, 17 de febreiro, celebrouse como cada ano, con gran éxito de participación a Festa do Entroido.
Todos puidemos disfrutar dos actos preparados para o efecto: desfile de disfraces, xogos, degustación de postres propios destas datas, elaborados coa inestimable colaboración das familias, e como acompañamento preparouse no colexio un chocolate quente que satisfixo todas as expectativas, porque estaba boísimo.
Como se vén facendo nestes derradeiros anos, engalanouse o ximnasio, e previamente confeccionouse un bonito e interesante mural sobre o entroido tradicional en Galicia, e a partires das 12:00 horas comezou a festa.
Houbo moita diversión e grandes desexos de que chegue o vindeiro Entroido.
Desde aquí agradecemos ás familias a súa colaboración, tanto na elaboración dos doces de entroido como no engalanamento dos nenos durante os días previos da semana ao vir ao colexio cos elemento que nos dita o noso entroido, este ano unha pantalla, típica de Xinzo de Limia, na provincia de Ourense.
ALMORZOS SAUDABLES
Enviado por admin o Mér, 01/06/2011 - 12:47A vindeira semana desenvolverase no colexio a actividade de Educación para a saúde, Almorzos Saudables na idade escolar, en colaboración coa Consellería de Sanidade. A actividade ten por finalidade que os rapaces e rapazas coñezan a importancia do almorzo como primeira comida do día e as variedades deles que hai.
Faranse 2 tipos de almorzos: almorzo mediterráneo e almorzo mixto.
O programa será o seguinte:
CONTO VIAXEIRO
Enviado por admin o Mér, 01/06/2011 - 12:46Os alumnos e alumnas do colexio elaboraron o conto viaxeiro “H2O”. Un precioso e interesante conto cuns personaxes moi peculiares: Pinguiña, Pilánea, Petrólium e o científico H2O .A través deles dásenos unha interesante mensaxe.
I CERTAME LITERARIO
Enviado por admin o Mér, 01/06/2011 - 12:45No blog do Equipo de Dinamización Lingüística do colexio poderedes consultar a resolución do I Certame Literario que leva por título “Somos química: a auga”. Tamén poderedes ler os textos de poesía e narrativa premiados. Noraboa aos galardonados.
Desde aquí queremos animarvos a todos a participar en vindeiros certames.
Actualizada a galería de imaxes
Enviado por admin o Mar, 23/03/2010 - 11:35Xa están dispoñibles na galería fotográfica todas as actividades realizadas neste curso escolar.
Podedes acceder a mesma no apartado "Galería" do menú lateral o no seguinte enlace:
http://www.edu.xunta.gal/centros/ceipacarballeira/galeria
Entroido 2009
Enviado por admin o Ven, 27/02/2009 - 11:08O pasado día 20 de febreiro, celebramos no Colexio a festa do Entroido con: desfile, baile, xogos, degustación de doces típicos desta festa e a tradicional chocolatada.
Xa podedes ver as fotografías desta festa na sección de "Galería".
Celebración do Samaín
Enviado por admin o Ven, 24/10/2008 - 09:38O vindeiro mércores 29 de outubro, celebraremos a festa do Samaín, polo que rogamos os alumos/as que poidan, que traian unha cabaza para decorala e expoñela no colexio.