Encontre a súa información...

AulaCorto: curtos e guías didácticas para centros docentes
Ven, 18/11/2016 - 10:42
Logo AulaCorto

Que é AulaCorto?

É un portal de cinema para centros docentes que serve de apoio ao ensino en Educación Primaria, Secundaria, Bacharelato e Formación Profesional.

Obxectivo

Ofrecer á comunidade educativa a curtametraxe como ferramenta para a aula dunha forma legal, ordenada e online. A selección de curtametraxes trata diversos temas, traballando a formación en valores, a educación audiovisual e o entretemento e ofrece curtametraxes (con guías de aprendizaxe) que poden ser usados gratuitamente nos centros docentes. Un sinxelo rexistro permítenos empezar a utilizar todos os recursos.

Contidos

Existe un catálogo de 30 curtametraxes. Cada un inclúe o seu guía didáctica e unha serie de orientacións e etiquetas para facilitar o traballo dos/as docentes. Adoitan ser transgresores e entretidos, polo que conectan facilmente co alumnado.

Todos os contidos poden ser proxectados e usados nas aulas. Cada centro educativo poderá ter tantos accesos como docentes rexistrados/as.

Como funciona

Para acceder ao visionado dos curtos e á guía didáctica, o/a docente ten que rexistrarse, gratuitamente, na pestana "rexistro", desde unha conta de correo electrónico do seu centro educativo. Recibirá un correo electrónico co seu contrasinal.

Destinatarios/as

Docentes de educación primaria, secundaria, bacharelato e formación profesional.

Organismos responsables

Este portal educativo foi creado polo Ministerio de Educación, Cultura e Deporte, e coordinado polas tres asociacións do mundo da curtametraxe: Plataforma Novos Realizadores (PNR), Asociación de Industria da Curtametraxe (AIC) e Coordinadora da Curtametraxe Española.