IES TERRA DE SONEIRA

No anterior trimestre o departamento de Tecnoloxía organizou un concurso no que participou o alumnado de 2º de bacharelato na materia de TIC. Este concurso consistía no deseño dun Escape room en realidade virtual utilizando o programa CoSpaces e o mellor sería elixido polo propio alumnado da materia.

Pois ben, o gañador foi Erick Rodríguez Pequeño de 2º de Bacharelato A co seu deseño Escape no temporoom, escape que podedes xogar premendo na imaxe.

Lémbrase que o vindeiro luns 5 de decembro é un dos días non lectivos establecidos polo centro e autorizado por Xefatura territorial polo tanto o centro permanecerá pechado.

Este venres 11 de novembro, día de San Martiño, celebramos o noso tradicional magosto. Tivemos castañas asadas, un túnel do terror literario, concurso de doces do inframundo na biblioteca e xogos tradicionais no patio. Moitas grazas a todos os que fixestes posible este día, especialmente aos alumnos que participaron nas actividades!

Podedes ver fotos e vídeos desta xornada tan especial pinchando no seguinte enlace: https://actividadessoneira.blogspot.com/

O vindeiro mércores 2 de novembro ás 12:25 na aula de Usos Múltiples, terá lugar o acto público de elección da Xunta electoral que rexirá o proceso electoral de renovación parcial dos membros do Consello Escolar do IES Terra de Soneira, segundo o disposto na Resolución do 19 de setembro de 2022.

Segundo a Resolución do 5 de outubro de 2022 publicada no DOG do 14 de outubro de 2022, os beneficiarios do vale para adquirir material escolar por importe de 50€ recibirán un vale adicional de 25 €.

O vale debe empregarse preferentemente na libraría/establecemento antes do 1 de decembro de 2022.

Recollida na Secretaría do centro a partir do 17 de outubro. Horario de entrega: 9:00 -14:00 horas.

O próximo luns, 3 de outubro, ás 18.30 horas, celebraranse as reunións de inicio de curso coas familias do alumnado da ESO. Serán nas aulas de cada grupo cos seus titores. 

Logo de dita reunión, as familias dos alumnos de 2º de ESO serán informadas da participación dos rapaces na actividade Dixitalweek para mellorar as competencias dixitais en inglés. 

XOVES 8 DE SETEMBRO ÁS 8.45

O alumnado de 1º de ESO acudirá á aula de usos múltiples e o resto, ás súas clases de referencia (informarase do grupo por Abalar o mércores)

As Normas de Organización e Funcionamento do instituto, inicialmente aprobadas en 2017,  foron sometidas a unha revisión durante o presente curso. AS NOF sufriron unha adaptación á normativa xurdida durante os últimos anos e foron actualizadas para recoller as decisións que os órganos do centro foron tomando durante este periodo. O proceso, que estivo aberto a toda a comunidade educativa, culminou coa aprobación en Consello Escolar o pasado 30 de xuño.

Enlace ás NOF v2 2022

Boletín Biblioteca verán 2022