IES TERRA DE SONEIRA

Valentín Martínez e Isaac Varela son os campións do Torneo de Bádminton organizado polo profesor Antón Vázquez.

Este torneo que se celebra nos recreos, tivo moi boa acollida polo noso alumnado.

Noraboa aos campións.

Os/as nosos/as representantes no Debate Académico celebrado onte na sede da Fundación Barrié na Coruña, sairon satisfeitos da experiencia nesta actividade. Se superan a primeira fase do concurso, pasarían á semifinal que se celebrará o día 12 de febreiro.

SORTE!!!!!!

Lucía Roget Blanco, Paula Torres Pedreira, Ariadna Martínez Pasión, Daniela Lema Touriñán y Rodrigo Hermida Limideiro, de 1º de Bacharelato, asistirán o luns 31 de xaneiro á Fundación Barrié a participar no Torneo de Debate Académico de Galicia, xunto con outros 30 centros. Hoxe fixeron no centro un "simulacro" do que sucederá o próximo luns.

No seguinte enlace, podedes seguir en directo o debate.

https://fundacionbarrie.org/iii-torneo-debate

Hoxe fomos a unha competición de Bádminton na Serra de Outes. 

.       

O alumnado de 1º ESO visitou a cidade da Coruña. Estiveron no Acuario, na Torre de Hércules e fixeron un roteiro polos arredores. Foron con Ana Vázquez e Antón Vázquez. O alumnado puido fotografar a Gastón o tabeirón que pesa 120 kilos e mide 3 metros. Foi capturado en Sudáfrica e vive no acuario dende o ano 2006.

Hoxe veu ao centro Víctor, un xeógrafo da Universidade de Santiago, a explicarnos por que se desborda o río no inverno e outras cousas moi interesantes. A Charla estivo moi entretida, traballamos con mapas e aprendemos o importante que é o terreo que nos rodea.

Este ano, fixemos o Festival Postpandemia no noso centro. As actuacións foron moi xeitosas.

Podedes ver aquí todas as fotos que fixemos.

FELIZ NADAL A TODAS E TODOS!!!!!!

O Concello invitounos a patinar na pista de xeo. A actividade foi moi divertida.  Asistimos en horaios distintos e por grupos. 

Podeis ver algunha das fotos que fixemos

O pasado luns 20/12/2021 o alumnado de Química de 2º Bacharelato visitou o Instituto de Cerámica de Galicia. A través dun percorrido polas súas instalacións guiado polo director do centro, Francisco Guitián Rivera, o alumnado puido coñecer e observar aplicacións tan interesantes dos materiais cerámicos como é a construción de próteses para estruturas óseas, impresión de catalizadores de procesos industriais, ensaios de esforzo sobre ladrillos, obtención de fibra de rocha a partir de lousa fundida e cuarzo...

Ao mesmo tempo, o alumnado de Física de 2º Bacharelato visitou a unidade de Radiofármacos PET Galicia-SERGAS, onde se producen dous radiofármacos con fin diagnóstico: a 18F-fludesoxiglucosa e a 18F-colina. O director técnico da unidade, Santiago Medín Aguerre, explicounos como se produce o F-18 (isótopo radioactivo do flúor) bombardeando átomos de O-18 con protóns que son acelerados nun ciclotrón. A continuación, o F-18 debe unirse á molécula que nos permite facer a exploración desexada na unidade de síntese. Por último, o radiofármaco debe dispensarse nos viais (un para cada un dos tres hospitais galegos nos que se administra) e someterse ao autoclave para garantir a súa esterilidade. O alumnado puido observar e apreciar os sistemas de blindax e existentes nas instalacións e os empregados nos equipos de transporte do radiofármaco así como diferentes instrumentos de medida da radiación.