Parabéns para ALBA SÁNCHEZ RICOY e FÁTIMA MARTÍNEZ NIEBLA. Ambas as dúas veñen de ser propostas como gañadoras de senllos PREMIOS EXTRAORDINARIOS DE FORMACIÓN PROFESIONAL CORRESPONDENTES AO CURSO 2006/2007.

Aínda que está pendente da súa publicación no DOG, a Directora xeral de Ordenación e Innovación Educativa remitiu un escrito ao Sr. Director do IES Sofía Casanova onde se lle informa desta boa nova e prégalle faga chegar a súa felicitación, en primeiro lugar ás interesadas, e en segundo lugar aos membros do claustro do IES Sofía Casanova.

Xa saíu do prelo o número 10 de Planeta Lingua correspondente a 2008. Pero se queredes vela a toda cor consultade este enlace

http://issuu.com/nlg-iessc/docs/planeta_lingua10

Pódense atopar os números anteriores aquí

NOVA CONVOCATORIA

Xa se pode solicitar a axuda ao alumnado para a adquisición dun ordenador persoal.
A conexión ao portal da convocatoria esta aquí

A Federación Galega de Surf xunto coas Consellerías de Cultura e Deporte e de Educación e Ordenación Universitaria, van realizar uns cursos de iniciación ao surf en diversos puntos da nosa Comunidade. Esta iniciativa xorde para promover o surf e o deporte base dende as escolas ao mesmo tempo que promoveremos a concienciación medioambiental.
SURF e NATUREZA unidos e dirixidos a rapaces e rapazas das escolas de Galiza que estén cursando 1º ou 2º de Bacharelato. O único requisito é saber nadar.