O xoves, 30 de xuño, organizado pola USC, tivo lugar no Palacio de Congresos de Santiago o acto de recoñecemento aos mellores estudantes de Centros de Ensino Medio de Galicia, acto enmarcado dentro do programa "A ponte entre o ensino medio e a Universidade". Os 604 estudantes recoñecidos, procedentes das catro provincias galegas, acadaron unha nota media de 9 entre o bacharelato e a fase xeral das probas de acceso á universidade. Entre eles estaban sete alumnos do IES Sofía Casanova: María Luisa Cal Fraga, Cecilia Ramil López, Antonio Fuentes Vivero, Diego Maceira Saya, Nevia Lamas Rodríguez, Javier Vilasánchez Vilar e Sergio Salcedo Santalla. |