Skip to Content

CONTOS E CANTOS na Galiña Azul

Premiad@s contadas de medo 2018

Aproveitamos o último día de clase do trimestre e do ano para facer entrega dos premios @s gañador@s do concurso de contadas de medo. A nosa compañeira escritora Iria Misa fixo entrega de libros da súa autoría (Xa non estou aquí, Segredos no Solpor e Mamá, quero ser Ziggy Stardust) con dedicatorias personalizadas a cada premiad@; axendas, marcapáxinas  e diplomas completaron o recoñecemento a:

Alba Estévez e Marcos Cruces (1º premio)

Heimi Olalla, Lucía Pérez e Samuel Vaz (2º premio)

Elena Carrera, Carla Moledo e Mirem Moledo (3º premio)

Rebeca Pereira, Marta Quinteiro e Marta Rodríguez (accésit)

Parabéns a tod@s @s participantes e, dun xeito especial, @s galardonad@s!

Cantos e Contos de Nadal na Escola Infantil

O pasado xoves alumnado de música, de estratexias, equipo de colaboradores da biblioteca e membros do club de lectura acercámonos á Escola Infantil lindeira ao noso instituto para compartir cos máis pequenos un saúdo de Nadal cheo de cantos e contos. Grazas aos nosos embaixadores e ao noso auditorio pequeno en idade mais grandísimo en hospitalidade.

Un Nadal de música e poesía

Un ano máis, fieis ao espírito navideño e solidario, acercámonos á residencia da terceira idade "Paz y Bien" para compartir cos nosos avós letras de música e poesía. Comezamos coa solemnidade da marcha do antigo reino de Galicia e continuamos con pezas máis festeiras e bailadeiras e distintas panxoliñas intercalando, ao tempo, versos de Víctor Manuel Arbeloa, Uxío García Amor, García-Máiquez, Miguel Hernández, Lago González, López Anglada, Cyro de Mattos, Montero Santalha ou José Saramago.


Grazas ao alumnado de música, @s recitador@s de 1º de ESO e 1º BAC, ao profesorado colaborador e ao equipo de biblioteca por non escatimar o voso tempo e traballo (despois de exames, avaliacións e outras urxencias propias do final de trimestre) para facer posíbel esta tradicional e xa consolidada actividade.

Cinexornal 0

Cando remata o ano, comezamos un novo boletín, exclusivo para recomendacións fílmicas. Que este Cinexornal 0 sexa o punto de partida dunha longa serie porque as artes do cine son longas por máis que a vida sexa breve.

Biblioxornal 54

BREAKOUT TUITAKU

ACTIVIDADES DA BIBLIOTECA: FIN DE TRIMESTRE

 

Decembro 2018

La letra pequeña

Hace un par de cambios de vidaportada
descubrí que estar donde quieres
es mucho más divertido
que estar donde no quieres,


que decir lo que sientes
es bastante más placentero
que no hacerlo,


y que abrazar cuando te apetece
es infinitamente más bonitop benito
que cuando te obligan.


Y con todo esto
y sus viceversas
aprendí a no darle vueltas
a las cosas que marean,


aprendí a no hacer nada
que tenga que explicar
y a no querer nada
que tenga que pedir.


Aprendí que
cuando quieres estar cerca
no estás lejos,


sin más.


Da igual lo que diga
la letra pequeña del cuento.

Patricia Benito (Las Palmas, 1978)

https://www.zendalibros.com/lado-del-sofa-poemas-patricia-benito/

 

 

 

 

Decembro 2018

´O segredo da casa de Formoso
de
Héctor Cajaraville

    Libro de  lectura áxil e sinxela. Agocha un pequeno misterio que xira arredor dos sentimentos dun rapaz, fillo de emigrantes nos Estados Unidos, que comezando a ser cajaravilleadulto descobre que non todo é o que parece, ao descubrir unha Galicia descoñecida para el cando busca as súas raíces. Tamén fai unha certa crítica social ao tratar o tema da Guerra Civil e as inxustizas que a rodearon. En resumo: unha entretida narración para coñecer a emigración, os seus segredos e  a nosa tráxica historia.

    (...) Quen chama por el é unha moza algo maior ca el, baixa e co cabelo negro e moi crecho, ao estilo das mulleres de raza negra. De primeiras David non a recoñece, pero ao ver que ten ao seu carón o tío Pastor axiña se decata de que é algunha das súas curmás. Cando chega á altura deles, a moza dálle dous bicos e o home unha sonora aperta.
    Xa era tempo de que nos coñecésemos, non che parece? Mira que non vires por aquí en tantos anos, parece mentira. Só te vimos daquela que te trouxeran os teus pais, debías ter ti dous ou tres meses -David quere dicirlle que tiña seis, pero o home continúa falando-. Tamén a túa nai ben te puido traer o ano pasado, cando foi o... o da avoa. Na casa todos contabamos contigo, pero xa nos explicou ela o dos estudos e todo iso. Ti leva a bolsa, que das maletas xa me ocupo eu -a resolución do tío non lle deixa ao mozo posibilidade de protesta-. Pero se es unha cuarta máis alto ca min! Non sei a quen te imitas, nesta familia todos somos máis ben pequenos. Será pola comida de aló, todo a base de manteiga e graxa...
    David non é capaz de meter palabra ningunha ante o monólogo incesante do seu tío, e limítase a asentir e sorrir.
    -Que tal a viaxe, todo ben? A min non me chista nada voar. Só me fío dos pilotos`portada porque eles van tamén dentro do aparello e supoño que aprecian a súa propia vida, que se non... E vaia enredo ese de ter que andar cambiando de avión, non? Pero claro, non imos pedir irmos directos desde Santiago a todos os sitios do mundo. Aínda que si fose pola cantidade de galegos que van e veñen dun lado para outro... Pero non nos imos queixar, que desde aquí pódese ir a unha morea de países, non é coma antes, que fóra de Londres... E Xenebra, claro, polos emigrantes en Suíza. Agora que o penso, tampouco ´é que mellorase moito a cousa, aínda acaban de quitar un voo que había a Istambul. Pero calquera vai a Istambul, tal e como está o asunto por alí -de súpeto, Pastor interrompe a súa enxurrada verbal-. Ah, esta é a túa curmá...

       Héctor Cajaraville naceu en 1974, en Santiago. Estudou Xornalismo. Foi  responsable de prensa na Asociación Galega de Cooperativas Agrarias, na Universidade de Santiago de Compostela e no Concello de Santiago, e redactor nos xornais La Voz de Galicia e De Luns a Venres. Na nosa biblioteca tamén podes atopar outros dos seus títulos como Nova Nursia, A caixiña dos rancores ou Once portas.

 

 

 

 



by Dr. Radut