You are hereActividades

Actividades


Homenaxe ás vitimas violencia de xénero

Outro ano máis o IES Montecelo homenaxea ás vítimas da violencia de xénero cun acto participativo de todo o alumnado.

O músico Iván Pérez visita o noso centro

O vindeiro día 20 o músico Iván Pérez membro do grupo True Mountains virá de visita o IES Montecelo para intercambiar opinións sobre música e cultura en xeral co alumnado de FP básica do centro.

Ademáis, Pérez ofrecerá un concerto no centro onde poderemos deleitarnos co seu carisma e paixón escoitando os seus temas, entre os que se inclúe "No hay perdedor", cuxa letra foi escrita por Gabriel Jesús Molina Medina, alumno de 1° de FP básica de Artes Gráficas do IES Montecelo, no marco dun concurso de poesía do módulo de Comunicación e Sociedade.

 

Primeiro número de Montesfera, o periódico estudantil da FP Básica do IES Montecelo

Sae o primeiro número do periódico Montesfera que será o medio  de expresión do alumnado de FP básica. Nel inclúense artigos de fondo e de opinión sobre temas que lles preocupan, tales coma o uso das drogas, o aborto, a educación sexual e a mesmísima FP Básica.
Tamén mostran os seus gustos, preferencias e coñecemento mediante mini reportaxes sobre temas de índole diversa cos que as lectoras poidamos aprender cousas novas. Por exemplo sobre o Mushin, o Jeet Kun Do ou a República Dominicana.
Ademais este número inclúe o poema gañador de Gabriel Jesús Molina Medina alumno de 1° de FP básica. Poema que será musicado polo artista Iván Pérez alma do grupo True Mountains que en breve ofrecerá un concerto no noso centro.

De excursión a Soutomaior

Este mes de maio, o alumnado de FP básica disfrutou dun día cultural visitando Soutomaior.

Seguimos "Intercambiando experiencias"

Como continuación do programa “Intercambiando experiencias”, o pasado 27 de marzo o grupo de 1º curso de ciclo básico de Peiteado e Estética visitou, xunto coa súa titora e a orientadora, as instalacións do CEE Pontevedra, onde foi recibido polo equipo directivo e un numero grupo de alumnos que están a cursar os programas adaptados de formación profesional.

Despois dunha actividade de presentación grupal no xardín, visitaron os tres talleres onde desenvolven os programas formativos: xardinaría, restauración e artes gráficas, e os propios alumnos explicaron qué aprendizaxes están a acadar, qué proxectos teñen cara o futuro e amosaron algúns dos seus traballos.

Con esta visita estreitáronse aínda máis os lazos de amizade entre o alumnado e ámbolos dous centros, e xa estamos desexando compartir outra nova xornada.

Mercadillo de plantas

Os días 1 e 2 de abril, o alumnado de FP básica está a organizar un mercadillo de plantas na entrada do centro.

Intercambiando experiencias:"Ponte aínda máis guapa”

O luns día 25 de febreiro, organizouse no IES Montecelo a primeira das actividades que se desenvolverán dentro do programa “Intercambiando experiencias” que realiza o noso centro xunto co CEE Pontevedra a partires dunha proposta do propio alumnado de 1º de CB de Peiteado e Estética e que recolle un total de cinco actividades a realizar ata o mes de xuño.

Para a  actividade desenvolvida este mes, ”Ponte aínda máis guapa” , visitaron o taller de Peiteado 10 alumnas do CEE Pontevedra, que foron moi ben atendidas polo grupo de 1º de CB de Peiteado e Estética. Debemos destacar o clima de camaradería e o bo ambiente que se xerou entre os dous grupos, que xa están desexando compartir novas experiencias.

Este programa  recolle entre outras actividades unha visita ás instalacións do CEE para coñecer como traballan os alumnos do programa adaptado de Cociña e restauración e a lectura de contos infantís ao máis pequenos do centro.

 

Aprendendo sobre primeiros auxilios

Outro ano máis o alumnado de 2º do ciclo medio de Farmacia e Parafarmacia ensina as principais técnicas de primeiros auxilios ao resto de alumnado e profesorado do centro.

Nestas ligazóns pódense ler varias novas de prensa: