You are hereEmprendemento

Emprendemento


1° premio na categoría de ciclos medios no programa Depoemprende na FP

Hoxe os nosos alumnos José Carlos Rodríguez,  Andrea Abal e Julián Sevilla, estudantes do ciclo medio de Farmacia e Parafarmacia, recibiron o primeiro premio na categoría "ciclo medio" do programa Depoemprende na FP co seu proxecto "Camiñando". Parabéns!

II Feira de emprendemento

Un kit de primeiros auxilios cun envase peculiar, empresas de vending  implicadas na reciclaxe,   parafarmacias que ofrecen novos servizos, modelos anatómicos distintos, terapias dirixidas a determinados colectivos, negocios baseados na utilización de apps  son algunhas das ideas emprendedoras que mostraron os alumnos e alumnas  do ciclo de  grao superior de Anatomía  Patolóxica e  Citodiagnóstico e  do ciclo de  grao medio de Farmacia e  Parafarmacia, durante a celebración da “II  Feira de  emprendemento” celebrada  no noso centro os días 17, 18 e 19 de  febreiro de 2020.

Parabéns polas ideas e moitas grazas pola vosa participación.

CHARLA DE COOPERATIVISMO E ECONOMÍA SOCIAL

O xoves 23 de xaneiro,  o alumnado do segundo curso do ciclo de anatomía patológxica e citodiagnóstico, partipou nunha sesión impartida por Teresa Balado, técnica da Unión de Cooperativas  Galegas ESPAZOCOOP,   sobre  as posibilidades que ofrece o  cooperativismo e a Economía social como forma de emprendemento.

2º premio Eduemprende Idea: "Luscofusco. The Braille's T-Shirts"

Dúas alumnas do noso centro, Thalía Diego Martínez e Iria García Viñas, co seu proxecto “Luscofusco S.L.” obtiveron o segundo premio na modalidade B do concurso Eduemprende Idea 2019.

O traballo presentado, consiste na creación dunha empresa dedicada ao deseño, fabricación e venda de camisetas  utilizando vinilo téxtil con diferentes texturas e relevos que permitan que persoas con discapacidades visuais, poidan elixir pezas do estilo co que máis se identifiquen sen depender dun terceiro, ademais cada produto leva unha etiqueta en linguaxe braille e en alfabeto común.

Falando de ideas emprendedoras

O luns 3 de decembro, o alumnado do módulo de EIE asistiu á segunda charla sobre emprendemento ofrecida pola UPTA (Unión de  profesionais e traballadores autónomos). Nesta ocasión, o ponente Jesús Manuel Dieguez Méndez comentou cos alumnos e alumnas as súas ideas para desenvolver os proxectos de empresa que deben realizar no módulo de Empresa e Iniciativa Emprendedora.

Programa "Eduemprende"

O alumnado de segundo curso dos ciclos formativos recibe a visita de Fátima Rodríguez, como representante do IGAPE, e de Miguel de la Cierva, como emprendedor dun proxecto de éxito como é o Naútico de Pedras Negras-San Vicente do Mar (O Grove) para contarnos as súas experiencias empresarias, as dificultades atopadas, os erros e a ilusión de construir un negocio propio.

Charla "Depoemprende na FP"

Comezamos co programa Depoemprende: o alumnado do ciclo superior de Anatomía Patolóxica recibiu unha charla motivacional co obxectivo de promover a iniciativa emprendedora. #depoemprende

Visitamos a feira "Pont up store"

Comezamos o curso con espírito emprendedor visitando a feira "Pont-up store". O alumnado que cursa o módulo de "Empresa e Iniciativa Emprendedora" coñece de cerca as ideas de emprendemento de futuros empresari@s. 

 

Pulseras lilas: un proxecto para darlle voz ás mulleres

Sara, María e Julia, alumnas de 2º do ciclo medio de Farmacia e Parafarmacia, organizaron o proxecto "Pulseras lilas" coa idea de concienciar sobre a igualdade de mullleres e homes. Ao longo de dous días repartiron pulseras lilas entre os membros da comunidade educativa, recopilaron frases/ideas dos participantes e remataron cunha fotografía de todos amosando as pulseras lilas.

Parabéns pola iniciativa e polo éxito do proxecto!

 

I Feira do emprendemento

Os días  26, 27 e 28 de febreiro de 2019 celebramos no centro a primeira edición da Feira de Emprendemento, onde os alumnos e alumnas do  ciclo de grao superior de Anatomía  Patolóxica  e do ciclo de grao medio de Impresión  Gráfica, presentaron as  ideas de negocio xeradas no módulo de EIE á comunidade educativa do instituto.

Parabens por esas ideas de negocio!