Punto Laranxa contra o acoso escolar

RAFTING

Enerxía e adrenalina no río Ulla!! O martes 1 de xuño o alumnado de 4° da ESO puido realizar esta actividade ao aire libre coa colaboración da empresa Arrepions. Está claro que as imaxes falan por si soas Sorriso O noso agradecemento tamén ao profesorado acompañante: Fran Soto e María José Bastón. Seguimos, co noso "Zalaeta Cara Adiante" por bandeira!

GALERÍA

CARTOGRAFÍA EMOCIONAL

 O alumnado de 2° da ESO tivo a oportunidade de participar nesta sala cartográfica que dá conta da cartografía emocional das persoas en situación de exclusión social na cidade da Coruña. Trátase dunha actividade de sensibilización co alumnado para traballar sobre a desigualdade e favorecer o coñecemento e empatía a través do que nos une no territorio e as emocións que compartimos con persoas das que só se coñecen estigmas. Esta actividade desenvolveuse grazas á colaboración conxunta de Arquitectura Sen Froenteiras e o grao de Educación Social da Universidade da Coruña.


 

 

ABAU 2021 + ADMISIÓN E MATRÍCULA UNIVERSIDADE

 Convocatoria Ordinaria: 8-9-10 xuño


17 de xuño: Xeración e Publicación on-line das actas de cualificacións provisionais da proba de ABAU (a partir das 20:00 horas)

17 – 18 de xuño: Envío ás persoas interesadas, por correo electrónico, das cualificacións provisionais da proba de ABAU.

18 - 22 de xuño: Solicitudes de “Revisión” ás cualificacións da proba de ABAU, ata as 14:00 horas do día 22.

22 de xuño: Xeración en NERTA das tarxetas de cualificacións da proba de ABAU (provisorias e definitivas para o alumnado que non solicitou “Revisión”).

24 de xuño: Xeración e publicación on-line do anexo de resolución das solicitudes de “Revisión” (a partir das 20 horas).

 

 Convocatoria Extraordinaria: 13-14-15 xullo

 

21 de xullo: Xeración e publicación on line das actas de cualificacións provisionais da ABAU e das listaxes nominais de aprobados/as por Comisión Delegada (a partir das 20:00 horas). Envío ás persoas interesadas, por correo electrónico, das cualificacións provisionais da proba de ABAU.

21 – 22 de xullo: Xeración en NERTA das tarxetas de cualificacións provisorias da proba de ABAU da convocatoria extraordinaria.

22 – 26 de xullo: Solicitudes de “Revisión” ás cualificacións da proba de avaliación de bacharelato para o acceso á universidade da convocatoria extraordinaria, ata as 14:00 horas do día 26.

27 de xullo: Xeración en NERTA das tarxetas de cualificacións da proba de ABAU da convocatoria extraordinaria con modificación de nota.


 CALENDARIO DE SOLICITUDE DE ADMISIÓN E MATRÍCULA EN TITULACIÓNS DAS UNIVERSIDADES DO SISTEMA UNIVERSITARIO DE GALICIA PARA O CURSO 2021/22.

SOLICITUDE ORDINARIA: Estudantes que superaron a ABAU na convocatoria ordinaria de 2021: do 22 ao 30 de xuño (ata as 14h.)

Máis información en documento adxunto.

 

CONCURSO PODCAST

 

O Club de Letras fixo entrega dos premios do concurso de podcast sobre a vacina da varíola e Isabel Zendal. Os premiados son:

GUIÓN ORIXINAL

 

1º PREMIO : Luis Perille pola orixinalidade, coidado na expresión,variedade de efectos e a boa integración destes no guión.

2ºPREMIO:  Iria Cobas polo contido coidado e polas súas reflexións propoñendo puntos de vista diferentes sobre o tema.

 

PODCAST

 

1ºPREMIO : Uxía Suevos  pola calidade técnica, a selección musical e a coidada dicción e expresividade.

2º PREMIOErnesto e Pedro  pola frescura do seu traballo, polo humor co que trataron  o tema e polo feito  de implicar aos veciños do barrio.

 

Aproveitamos para agradecer a todos os participantes a súa colaboración e implicación nos diferentes programas de "O Son das Aulas", tanto profesorado como alumnado. Agardamos que o vindeiro curso este fermoso proxecto continúe acompañándonos e facendo chegar a nosa "onda zalaética" ben lonxe!

ESCAPARATE: ÓPTICA FP

"Óptica FP" é o escaparate realizado polo alumnado do CM de Actividades Comerciais para despedir este curso 2020/21. Está claro que teñen moita VISIÓN DE FUTURO!!

 

Últimos Artigos

Theme by Danetsoft and Danang Probo Sayekti inspired by Maksimer